2 Mansɛnu 4:27 - ALLALA KUMƐ

²⁷ Kɔnɔ ale musi kenɛ Nɛbi Ilaisa ma, a ya a gbesi dugi la ka Nɛbi Ilaisa kian bira. Kɛhasi ko a ni ale musi bɔ nyɔ kɔnɔ Nɛbi Ilaisa ma sɔn. A ko, “A to nyɔ. I ma a lɔn kɛ yisi tɔrɔnɛ le a ma kɛ la, ado Mari ma fenfen fɔ n ye ala ko rɔ, wa.”

2 Mansɛnu 4:27 ပူးပေါင်းရင်းမြစ်များ

Ko-Dabirɛnu 18:17

Mari ya a miri a yisi rɔ ko, “N ba wuli koe min mala, n ti wo dogon Iburayima ma

2 Samuwɛli 7:3

Netan ya a fɔ a ye ko, “Ni ko-wo-ko ma-sɔgɛ ye i la, wo ma bawo Mari ye i fɛ.”

2 Mansɛnu 4:25

A sigira sofɛlɛ wo la. Anu ya Kamɛli kɔnkɛ kilɛ bira nɛbi wo siginɛ kan min. Nɛbi Ilaisa ya musi wo namatoe yen wula-yan la min kɛ, a ya a fɔ ala wɔli-kɛla Kɛhasi ye ko, “I yɛ lata Sunam musi wo ma nala pan.

2 Mansɛnu 4:26

I buri tala a labɛnna ka a manyinika ni ala mɔgɛ bɛɛsi kɛndɛ.” Kɛhasi kenɛ ale musi wo ma, a ya musi wo manyinika. Musi ko, “Tana sa nyɔ.”

2 Mansɛnu 6:12

Ala kɛlɛ-den-kun kelen bi nyɔ, wo ya a fɔ ko, “Mansɛ, wo mɔgɔ sa ma tɛma. Hali i ya wɛwɛ le sa ila bɔn la, Nɛbi Ilaisa si ta wo rakaran Isirɛla mansɛ ye.”

Yobu 10:1

N niyi-sɔgɛ la ara bɔ n na. Wo ni wo tole masɔ nta yasere-masa-yogomɛ la.

Hɛnkilimaya-Kumɛnu 14:10

Mɔgɔ kelen pe ya ata tɔrɔyɛ anubɛ sewɛ dan lɔn. Mɔgɔ-gbɛrɛ ti ke wo nya lɔnna a bolo.

Hɛnkilimaya-Kumɛnu 18:14

Mɔgɛ si ke ka a ragbɛlɛya kirayɛ rɔ kɔnɔ ni a yigi tɛgɛnɛ a nyɛrɛ la, a ti ke wo mala.

Emɔsi 3:7

Ni yarɛ wɔrɔndɔra, mɔgɔ kuma ti kɔ, wa? Allatala ti ko-wo-ko ladan a ti min kɔrɛ fɔ male nɛbinu ye. Woletɔ ni Allatala kumara, male nɛbinu ti a kuman-kan latenbi, wa?

Matiyu 15:23

Kɔnɔ Yisa ma kuma a la. Yisala karan-dannu nara a wara ka a madiya. Anu ko, “Musi kɛ gbɛn ma fɛ! A bilanɛ ma fɛ sɔnkɔ-sɔnkɔla tolon!”

Matiyu 20:31

Nyama ya anu makuma ka a fɔ anu ye ko anu ni anu made. Kɔnɔ anu gbele-gbelenta tun bɛrɛkɛ! Anu ko, “Ma fa, Mansa Dawudala dan, kinikini ma ma!”

Matiyu 28:9

Tiriyante wo rɔ, Yisa ya anu nabɛn kilɛ la. A ko, “Yisi-kimɛ ni to wo fɛ.” Anu ya a kian bira a bato-koe la.

Maraka 10:13

Mɔgɛ donu nara dennɛnu na Yisa wara ko a ni a bole sa anu kuma kɔnɔ ala karan-dannu ya mɔgɛ wonu makuma.

Maraka 14:6

Kɔnɔ Yisa ko, “Wo fara a la! Wo ye musi kɛ nyagbala nfenna? A ara ko-nyimɛ le kɛ n ye kɛ la.

Luka 7:38

A sɔra Yisa kɔma a kian tɔgɔfɛ. A dira. A ya-yi yigira biribiri, ka Yisa kian kimɛ. Wo kɔma, a ya a kian mafiran a kun-sigi la. A ya a kian sunbu ka sɛnti kɛ anu ma.

Yɔni 15:15

N ti wo kele tun ko wɔli-kɛlɛnu bawo wɔli-kɛlɛ ma a lɔn ala kun-tigi ye min kun na. N si wo kele n diyana-mɔgɛnu bawo n bara min bɛɛ lamɔɛn n Fa Alla bolo, n bara wonu fɔ wo ye.

Yɔni 4:27

Wo wati nyɛrɛ rɔ, Yisala karan-dannu nara. Anu ya Yisa anubɛ musi taran kumala min kɛ, anu kawara dɔgɔma-ma-de! Kɔnɔ anu fenfen ma musi wo manyinika ko, “I ye nyinina nfen ma?” Anu ma Yisa fanan manyinika ko, “I ye kumala a la nfenna?”