2 Mansɛnu 4:26 - ALLALA KUMƐ

²⁶ I buri tala a labɛnna ka a manyinika ni ala mɔgɛ bɛɛsi kɛndɛ.” Kɛhasi kenɛ ale musi wo ma, a ya musi wo manyinika. Musi ko, “Tana sa nyɔ.”

2 Mansɛnu 4:26 ပူးပေါင်းရင်းမြစ်များ

Ko-Dabirɛnu 29:6

A ya anu manyinika tun ko, “A kɛndɛ?” Anu ko, “Ɔn, a kɛndɛ. I ma ala dunmusi Resɛli yen nala sagɛnu na kɛ la?”

Ko-Dabirɛnu 37:14

Woletɔ a fa ya a fɔ a ye ko, “Ta i kɔrɔnu anubɛ kolo-fannu mafɛlɛn. Ni a yogoma sa nyɔ, i ni na wo fɔ n ye.” Woletɔ Yusufu bɔra Hiburɔn lɛɛ rɔ ka ta a kɔrɔnu nyini ha Sɛkɛm soe dafɛ.

Ko-Dabirɛnu 43:27

Wo kɔma, ale fanan ya anu kɔndɔn ka anu manyinika anu fa-kɛmɔgɔla ko ma, a ko, “Wo fa kɛndɛ?”

2 Samuwɛli 18:29

Mansɛ ya a manyinika. A ko, “Kɔnɔ ko ma ma Abasalɔm na?” Ahimahasi ko, “N tigi, ila kɛlɛ-den-kunyɛ Yohabu ye n sɔla i wara tumɛ min, n ya sɔnkɔ-sɔnkɔ siyaman lamɔɛn. Kɔnɔ n ma a lɔn a ye nya min.”

2 Mansɛnu 4:23

Ala kei ya a manyinika ko, “Nfen bi a mala, i ye tala bi? Mɔgɔ si ta nɛbi wara bi? Sulen-Tele le ma bi, ni wo ma, Karɛ-Kurɛ-Ladɛn?” Kɔnɔ musi wo ya a fɔ ko, “N fa, i yisi ni kimɛ. Ma tele, yo. N si i taran.”

2 Mansɛnu 4:25

A sigira sofɛlɛ wo la. Anu ya Kamɛli kɔnkɛ kilɛ bira nɛbi wo siginɛ kan min. Nɛbi Ilaisa ya musi wo namatoe yen wula-yan la min kɛ, a ya a fɔ ala wɔli-kɛla Kɛhasi ye ko, “I yɛ lata Sunam musi wo ma nala pan.

2 Mansɛnu 4:27

Kɔnɔ ale musi kenɛ Nɛbi Ilaisa ma, a ya a gbesi dugi la ka Nɛbi Ilaisa kian bira. Kɛhasi ko a ni ale musi bɔ nyɔ kɔnɔ Nɛbi Ilaisa ma sɔn. A ko, “A to nyɔ. I ma a lɔn kɛ yisi tɔrɔnɛ le a ma kɛ la, ado Mari ma fenfen fɔ n ye ala ko rɔ, wa.”

2 Mansɛnu 5:22

Kɛhasi ya a fɔ a ye ko, “Ko ma ma. N tigi le ya n sɔ i wara ka a fɔ i ye ko nɛbi-karan-den fila ara na kaka ka bɔ Ifɛrɛm kɔnkɔ-nyamanɛ rɔ. I ni a madɛnbɛ wodi-gbɛ minna gbiliyɛ anubɛ fui-fan bɔrɔ-talɛ rakɛn anubɛ fɛrɛya-bɔ-hakika fila la.”

Yaburi 39:9

N si n tade don. N ti fenfen fɔ bawo ile nyɛrɛ le ya a ma, n ya tɔrɔya-sufa kɛ sɔrɔn.

Saraka-Masɔlɛnuta Tɔnnu 10:3

Wo kɔma, Mari ya min fɔ nun, Musa fanan ya Aruna hɛnkili labila wo la ko, “Ni mɔgɔ-wo-mɔgɔ ye wɔlila Alla ye, fɔ wo tigi ni Marita sɛninya-koe mara bawo Mari ya a fɔ ko a si ata fanka yira ata mɔgɛnu na.” Kɔnɔ Aruna ma fenfen fɔ.

Sakaraya 2:4

Min namatoe, wo ya a fɔ doi wo ye ko, “I buri tala a fɔla fen-sumannɛ wo ye ko tarɛ ti ke minina Yerusalɛm soe ma tun bawo a la si fa mɔgɛnu anubɛ kolo-fannu na penpen!

Kɛwɔlɛnu 15:36

Wati dande kɔma, Pɔli ya a fɔ Banabasi ye ko, “Ma ya Marita kumɛ kawandili bɔ soe min bɛɛ rɔ, ma sɛgi wona ma gbɛ wonu tɔ ka Marita mɔgɛnu sigi-nya lɔn.”

1 Samuwɛli 17:18

I ni fɛnɛ kiri tan kɛnu fanan bi ka ta wonu to anuna kɛlɛ-den-kunyɛ ma. Wo kɔma, i ni a lɔn, ni i kɔrɔnu bi nyɔ nya min. I si na anu bolo-fan donu na min si a yira n na ko i ya anu kɛndɛ yen de serr!

1 Samuwɛli 3:18

Mari ya koe min bɛɛsi fɔ a ye, Samuwɛli ya wonu fɔ a ye. A ma ko-wo-ko dogon a ma. Samuwɛli ban wo fɔla, Ilayi ya a fɔ ko, “Mari le ale la. Ko-wo-ko diyara ale ye, a si wo ma.”