2 Mansɛnu 4:1 - ALLALA KUMƐ

¹ Nɛbi dola kɛɛ-musi nara Nɛbi Ilaisa wara ka a fɔ a ye ko, “N fa, n nara i wara le. Nna kei ara faga. I ya a lɔn ko mɔgɛ le wo la nun min bi Alla gbiliyala. Kɔnɔ yaga, mɔgɛ dola yili ye a la nun. Yilima-tigi wo ye nala le nna den filɛ bi tinɛ ka ta anu ma yɔɔn la nna keila yili wola ko la.”

2 Mansɛnu 4:1 ပူးပေါင်းရင်းမြစ်များ

Ko-Dabirɛnu 22:12

Mari ya a fɔ a ye ko, “I kana ko-wo-ko ma ila dan kɛ la kamasɔrɔn n bara a lɔn kaka ko nde, Alla, gbiliyanɛ i bolo. I ma sɔn ka ila dan kelan dogon fɔ ka a di nde, Alla, ma.”

1 Mansɛnu 18:3

Ale Mansa Ehabu ya Hɔbadaya kele min bi ala bolɔn kun na. (Hɔbadaya lara Mari la dɔgɔma-ma-de!

1 Mansɛnu 20:35

Nɛbi kelen ya a fɔ a ta-nyɔgɛ do ye nɛbinu tɛma ko, “N tɔntɔn” bawo Mari ara a fɔ a ye wo nya. Kɔnɔ a ta-nyɔgɛ wo ya a ban wo ma.

2 Mansɛnu 2:15

Yɛrikɔ nɛbi-karan-dan minnu yɛ bɛnnɛ anu ma nun, wonu ko, “Nɛbi Ilayata sɛnbɛ ye Nɛbi Ilaisa fɛ!” Anu tara a labɛn ka anu madu dugu ma a kɔrɔ.

2 Mansɛnu 2:3

Anu ke Bɛtɛli, nɛbi-karan-dan minnu bi nyɔ, wonu ya Nɛbi Ilaisa manyinika ko, “I ma a lɔn ko Mari si i karan-mɔgɔ bi i bolo bi, wa?” Nɛbi Ilaisa ko, “Ɔn, n ya a lɔn kɔnɔ a sɔgɔ sa n na, n ni n dɛ bila wo rɔ.”

2 Mansɛnu 2:5

Anu ke Yɛrikɔ, nɛbi-karan-dan minnu bi nyɔ, wonu ya Nɛbi Ilaisa manyinika ko, “I ma a lɔn ko Mari si i karan-mɔgɔ bi i bolo bi, wa?” Nɛbi Ilaisa ko, “Ɔn, n ya a lɔn kɔnɔ a sɔgɔ sa n na, n ni n dɛ bila wo rɔ.”

2 Mansɛnu 2:7

Nɛbi-karan-dan mɔgɔ bi-loli bilara Nɛbi Ilaya anubɛ Ilaisa fɛ ka ta Yorodan bɛ wara la. Anu ke nyɔ, anu ya anu sɔ Yorodan bɛ dafɛ kɔnɔ nɛbi-karan-dan mɔgɔ bi-loli wonu tora anu ma wulɛ la ka anu yɛ bɛn anu ma.

2 Mansɛnu 4:38

Wati do kera, kɔnkɔ-fitinɛ donta Isirɛla nyamanɛ rɔ. Wo ya a taran, Nɛbi Ilaisa ara sɛgi Kiligali, a ye nɛbinu karanna. A ya a fɔ ala wɔli-kɛlɛ ye ko a ni daga-belebele sigi tɛ rɔ alako a ni pɔrɛ do ladan.

2 Mansɛnu 6:9

Kɔnɔ yanni anu ni anu daga makɛ kan tinɛ min, Nɛbi Ilaisa si kilayɛ lata Isirɛla mansɛ ma ko Siriyanu bara ta anu daga makɛ pan tɔ, ale kana a gbɛrɛn nyɔ ma bawo Siriyanu bi a lapɛrɛnna.

Nihɛmaya 10:31

Ka tenbi wo la, ni anu nara fui-fan la, ni wo ma, fen-gbɛrɛkɛ a mayira-koe la Sulen-Tele ma anubɛ tele-sɛnimɛ do ma, ma ti sɔn anu sanna mumɛ! San-wɔrɔ wo san-wɔrɔ, a wɔrɔnfila nyɔgɛ ma, ma si a ma, mala wɔli-kɛ-tinɛnu ni anu sulen. San wo nyɛrɛ la fanan, tɔn si sigi yili-makele-koe la ma nyɔgɔn tɛma.

Nihɛmaya 7:2

N na-kelen-nyɔgɛ Hanani wo, anubɛ Kɛlɛ-Den-Kunya Hananaya min bi kan-tina-latankanɛ kuma, nde le wara wonu to Yerusalɛm soe kun na gbɛ! Hananaya kɛ, lanaya-mɔgɛ le, ado a si Alla gbiliya ka tenbi mɔgɛ bɛɛ la.

Yaburi 103:11

Iko san-kole fɛ-yan dugu-kole la nya min pon, Allata keninteyɛ makawara mɔgɛnu ye wo nya na le, minnu bi ale gbiliyala, kɔni.

Yaburi 103:17

Kɔnɔ minnu bi Mari gbiliyala, ala keninteyɛ ti ban wonu ye mumɛ! Ata nyimayɛ dan sa wonubɛ anu kegeyɛnu bara la.

Yaburi 115:13

Min bɛɛ ye a gbiliyala, ata duwɛ ye yigila wonu kuma. A dɔgɔma wo, a kinama wo, a bɛɛ rakɛn a yala.

Yaburi 147:11

Kɔnɔ a kolan si bɔ a gbiliyalɛnu denu na. Minnu yigi bɛnnɛ ala hinɛ ma, a makoe ye wonu denu na.

Hɛnkilimaya-Kumɛnu 22:7

Bolo-kolɔn si to yɔɔnyɛ rɔ fen-tigi kɔrɔ. Mɔgɛ wa yili tɛgɛ mɔgɔ-wo-mɔgɔ ma, a ara ma wola yɔɔn la.

Makawandili Kumɛnu 12:13

N bara ban kɛ bɛɛ fɔla nkɛkuna, kuma kelen de tonɛ n bolo gbɛ! I ni kilan Alla la ka to ala tɔnnu birala bawo Alla ya ma ladan wo lela ko la.

Makawandili Kumɛnu 8:12

Hali mɔgɛ ya ko-yogomɛ kɛ iko kɛmɛ, a ni to a niyi la kɔnɔ n lanɛ a la ko min bi Alla gbiliyala, wo wara-koe si tenbi karagbɛlɛtɛ la.

Aiseya 50:1

Mari ko i miri ko a ara a ban wole, ata mɔgɛnu na iko mɔgɛ si a ban ala musi la nya min? Ni tonyɛ le wo la, boloka-kɛdi wo ye mintɔ? A ko i miri ko a ara anu mayira iko yɔɔn ka anu ma yili-sarɛ la? Ade, anu hakɛ le ya a ma, Mari ya a ban anu na iko mɔgɛ wa a ban ala musi la. Ni i ya a yen wo mara bawo ile fɔlɔn bara to i kan-kɔ sɔla a la.

Yɛrɛmaya 34:14

san-wɔrɔnfila wo san-wɔrɔnfila, Hiburu mɔgɛ min bara san wɔrɔ bɔ yɔɔnyɛ rɔ, anu ni wo boloka. Kɔnɔ a ko wo benbanu ma anu tole masɔ wo la.

Saraka-Masɔlɛnuta Tɔnnu 25:48

yoe ye Isirɛla mɔgɛ wo do bolo ka a na-kelen-nyɔgɛ wo kunka sibolo-gbɛrɛ wo ma.

Malakayi 3:16

Wo kɔma, minnu bi Alla gbiliyala, wonu bi kirabɔla anu nyɔgɔn na. Mari ye a wɔlɔ matɔlɔla wonu na. Anu bi min bɛɛsi fɔla, a ye wonu namɔɛnna. Mɔgɛ min bɛɛsi ye Alla gbiliyala, wonu tɔgɛ sɛbɛnɛ Allata hɛnkili-lamiri-buku rɔ.

Malakayi 4:2

Kɔnɔ a ko wole min ya ala kumɛnu bira, wo tele wa ke tumɛ min, ale Marita sɛnbɛ si wo lakisi ka kɛndɛyɛ di wo ma iko kirayatoe wa bɔ tele la. Wonu si to gberenya bɔla iko mɔgɛ wa ninki-dan kan bɔ.

Matiyu 18:25

Min bi a bolo, a ma yili-sarɛ bɔ min kɛ, mansɛ ko ale wo, ala musi wo, ala dannu wo, anu ni anu mayira iko yɔɔnnu ka a bolo-fan bɛɛ mayira alako ala yili si sara nya min.

Matiyu 18:30

Kɔnɔ a ma sɔn. A ya wo sa yele la ala yili-sarɛla ko la.

Matiyu 18:35

Nba, Yisa ko, “Ni wo kelen-kelennamɛ-bɛɛ ma wo na-kelen-nyɔgɛ makoto wo yisi bɛɛ la, n Fa Alla min bi Arinyɛni tɔ, wo fanan si wo bira wo nya le.”

Kɛwɔlɛnu 13:26

“Nba, n na-kelen-nyɔgɛ Isirɛla mɔgɛnu, Iburayima bɔnsɔnnu, wobɛ sibolo-gbɛrɛ min bi Alla batola yan, Alla ya male sɔ ko wo ni a lɔn wo si kisi nya min, ado bɛɛta sarakanɛ le wo la.

Yemesi 2:13

Alla tenbi kinikinibɛlɛnu kitila tumɛ min, a ti kinikini wonu ma. Kɔnɔ kinikini tigi wa sɔ kiti tɛgɛ tinɛ, Alla si kinikini wo tigi ma.

Lankɛnimayɛ 15:4

Mari, yon ti kilan i la? Yon si a ban ila gbiliya-fɔ-koe ma? Ado nfan, i kelen pe le sɛnima. Sibole bɛɛ si na ka batolɛ kɛ i yakɔrɔ bawo mɔgɛ bɛɛ ara ila telenbagaya-kɛwɔlɛnu tayen.”

Lankɛnimayɛ 19:5

Wo kɔma, kuman-kan bɔra mansaya-sigi-fan wo rɔ. A ko, “Mata Allata wɔli-kɛlɛ bɛɛ ni a tanto anubɛ mɔgɛ bɛɛ minnu kilannɛ a la, a dɔgɔma wo, a kinama wo!”

Ruti 1:3

Anu tora nyɔ, anu fa kɛmɔgɛ fagara. A ya musi wonubɛ ala dannu to kelengboyɛ rɔ.

1 Samuwɛli 22:2

Mɔgɔ-tɔrɔnɛnu wo, yilima-tiginu wo, anubɛ mɔgɔ-murutiyanɛnu, wonu denu wulita ka ta kofu Dawuda ma. Mɔgɛ wonu yatɛ bɛnta mɔgɔ kɛmɛ nanɛ ma. Ale Dawuda mara anuna kun-tigi la.