2 Mansɛnu 3:9 - ALLALA KUMƐ

⁹ Isirɛla mansa wo, Yuda mansa wo, Idɔm mansa wo, wonubɛ anuna kɛlɛ-dannu wulita. Tele wɔrɔnfila, anu bi tagama-kilɛ ma. Min-kɛ-yi banta anu bolo. Yi-wo-yi ma to anu bolo hali anuna soeenu mintɛ.

2 Mansɛnu 3:9 ပူးပေါင်းရင်းမြစ်များ

1 Mansɛnu 22:27

Anu ni a ladon yele la. Anu kana fenfen di a ma fɔ biredi anubɛ yi ha n kɛndɛ ni sɛgi tun ka bɔ kɛlɛ rɔ.”

1 Mansɛnu 22:47

Kɔnɔ kɛ wati ya a taran, mansa sa Idɔm nyamanɛ kun na nun. Wo le ya a ma, Yuda mansɛ ya mɔgɛ do sigi anu kun na.

1 Mansɛnu 22:48

Isirɛla Mansa Ehasaya ara a fɔ Yuda Mansa Yɛhosafati ye nun ko ata keminɛnu ni kofu Mansa Yɛhosafatila keminɛnu ma kulɔn rɔ kɔnɔ ale mansɛ ya a ban. Mansa Yɛhosafati ya kulɔnnu nadan minnu bi tala nun sɛnɛ bi tinɛ Ɔfiri nyamanɛ rɔ. Kɔnɔ kulɔn kɛnu ma ta bawo anu tinyanta Iseyɔn-Kiba soe dafɛ.

2 Mansɛnu 3:1

Yuda Mansa Yɛhosafatila san tan-ni-wɔrɔnfilɛ mansayɛ la, a san tan-ni-segin nyɔgɛ ma, Mansa Ehabula den Yɔram mara mansɛ la Isirɛla nyamanɛ rɔ san wo le la. San tan-ni-fila kɔrɔ, a ye mansayɛ la Samariya soe burɔ.

2 Mansɛnu 3:10

Mansa Yɔram ko, “Matɛ ara ban! Mari ara male mansa sawɛ ladɛn ka ma don Mohabu mansɛ bolo bi, nyɛ?”

2 Mansɛnu 3:7

A ya kilayɛ lata Mansa Yɛhosafati ma Yuda nyamanɛ rɔ ko, “Mohabu mansɛ ara murutiya Isirɛla nyamanɛ ma. I ti n dɛnbɛ anu kɛlɛla?” Mansa Yɛhosafati ya a yabi ko, “N bara sɔn ka wo dɛnbɛ. Nna kɛlɛ-dannu, ita kɛlɛ-dan le wonu na. Nna soeenu, ita soee le wonu na.

2 Mansɛnu 3:8

Ma si bɔ kilɛ mintan fɛ ka bui anu ma?” Mansa Yɔram ya a yabi ko, “Ma ye miniminina le ka bɔ Idɔm wulɛ rɔ.”

2 Mansɛnu 8:20

Yɛhoram ye mansayɛ la wati min tɔ, Idɔm nyamanita-mɔgɛnu murutiyara a ma ko anu bi tola anu nyɛrɛ ma le gbɛ! Anu ya anu nyɛrɛta mansɛ sigi.

Bɔ-Koe-Iyipiti 11:8

Ila mɔgɔ-banu si na n bara. Anu si anu sa n kɔrɔ n madiya tinɛ alako mabɛ nna mɔgɛnu ni ta. Wo kɔma, ma si ta.” Musa kɔrɔtɔnɛ bɔra mansɛ yakɔrɔ.

Bɔ-Koe-Iyipiti 15:22

Musa sɔra Isirɛla mɔgɛnu yarɔ ka bɔ Kɔgɔ-Yi-Wulen bolɔn wo dafɛ. Anu wulita ka tele sawa tagama kɛ ka ta ke wulɛ wo kan tinɛ do rɔ min tɔgɛ Sura kɔnɔ anu ma yi taran nyɔ.

Bɔ-Koe-Iyipiti 17:1

Nba, Isirɛla mɔgɛ bɛɛ bɔra Sin wulɛ rɔ ka tagama iko Mari ya a fɔ anu ye nya min nun. Anu ya anu daga makɛ kan tinɛ do rɔ min tɔgɛ Sulen Tinɛ kɔnɔ anu ma yi taran nyɔ.

Yilan-Yilan Koe 20:2

Kɔnɔ yi mumɛ sa kan tinɛ wo rɔ. Mɔgɛ min damasi ye dagɛ wo rɔ, wonu damasi ya anu nadɛn Musa anubɛ Aruna kan ma. Anu donta gbunya-kuma-fɔɛ rɔ ko,

Yilan-Yilan Koe 20:4

Nfen ya a to, wo nara ma la wula-da-rakolɔn kɛ rɔ? A sɔgɛ ye wo la, mabɛ mala kolo-fannu damasi ni faga yan tɔ?

Yilan-Yilan Koe 21:5

anu donta gbunya-kuma-fɔɛ rɔ Musa anubɛ Mari ma ko, “Nfen ya a to, wole nara male la ka bɔ Iyipiti nyamanɛ rɔ ka na ma la wula-da-rakolɔn kɛ rɔ yan. Dɔnta anubɛ min-kɛ-yi sa yan fɔ Allata biredi kɛ, ma si to min dɔnna tuma-wo-tuma, fen-fufafuyi kɛ!”

Yilan-Yilan Koe 33:14

Anu bɔra nyɔ ka ta anu daga makɛ Sulen Tinɛ. Yi sa nyɔ anu si min min.