2 Mansɛnu 3:25 - ALLALA KUMƐ

²⁵ Anu ya anuna soenu halaki. Anu tenbi belenna sɛni-dugu-nyimɛ minnu na, wo kelen-kelennamɛ-bɛɛ si kuri bi ka a lakɛ dugi wo rɔ. Anu ya anuna dugu-nyimɛ bɛɛ lafa kuri la. Anu ya anuna tenkenu gberen ka anuna ki-fan bɛɛ tinya. Fɔ anuna so-karantan min tɔgɛ Kiri-Harɛsɛti min tora. Kɔnɔ tɔ-a-la, lenfiran-tiginu ya a mini so-karantan wo ma ka wuli anu kan ma.

2 Mansɛnu 3:25 ပူးပေါင်းရင်းမြစ်များ

Ko-Dabirɛnu 26:15

ha a fala wɔli-kɛlɛnu ya kɔlɔn minnu sin wo tuma a ye a kɛndɛ la, anu ya wonu gberen.

Ko-Dabirɛnu 26:18

A fa Iburayima ya kɔlɔn sin nyɔ nun kɔnɔ a faganɛ, Filisitinu ya kɔlɔn wonu gberen. Isiyaka nara sigi nyɔ tumɛ min, a ya wonu tabɔ tun. A ya anu tɔgɛ sa iko a fa ya anu tɔgɛ sa nya min nun.

2 Samuwɛli 8:2

Wo kɔma, a tara bui Mohabu kɛnu ma ka anu bira. A ya anu sa dugi ma. A wa mɔgɔ fila faga, a sawa nyɔgɛ, a si wo to. Wole ya a ma, Mohabu nyamanɛ tora a kɔrɔ. Anu tora duti dila ale Dawuda ma.

2 Mansɛnu 3:19

Wo si anuna so-latankanɛ bɛɛ nɔ. Wo si anuna ki-fan bɛɛ tinya. Wo si anuna tenke bɛɛ gberen. Wo si anuna dugu-nyimɛnu nafa kuri la.”

2 Mansɛnu 3:24

Kɔnɔ anu ke dagɛ wo rɔ, Isirɛla mɔgɛnu wulita anu kan ma ka sɛgi anu gbenna. Anu ya Mohabu mɔgɔ-siyaman faga!

2 Mansɛnu 3:26

Mohabu mansɛ ya a lɔn min kɛ ko a ti Isirɛla mɔgɛ kɛnu nɔ, a ya faan-tigi mɔgɔ kɛmɛ wɔrɔnfila bi. A ya anu sɔ a yarɔ alako a ni ke Idɔm mansɛ ma kɔnɔ anu ma anu nɔ mumɛ!

Aiseya 15:1

Kilayɛ le kɛ la Mohabu kɛnuna ko la. Ari soe anubɛ Kira soe kasarata su kelen de kɔrɔ. Mohabu nyamanɛ mumɛ bɛɛ siginɛ a la yen!

Aiseya 16:11

N bi kurunna Mohabu kɛnuna ko la iko anu tenbi bɔlɔn fɔla saya-koe kuma. N yisi tinyanɛ Kiri-Harɛsɛti soela ko la.

Aiseya 16:7

Mohabu kɛnu si di ka a tɛgɛ anuna tɔrɔyɛ ma. Anu ba anu miri dɔn-fen-diyamɛnu bara-koe ma anu duruta min dɔnna Kiri-Harɛsɛti soe burɔ, wo si a ma, anu yisi ma ni gboya dɔgɔma-ma-de!

Yɛrɛmaya 48:31

Woletɔ Mari ko a si di Mohabu kɛ bɛɛ anubɛ Kiri-Harɛsɛti kɛnuna ko la.

Yɛrɛmaya 48:36

Woletɔ a ko a si di Mohabu anubɛ Kiri-Harɛsɛti kɛnuna ko la. A si di iko mɔgɛ tenbi saya-sigi sala fuli rɔ bawo anu bolo-fan bɛɛ si na kasara anu ma.

Tɔn-Fɔɛ-Fila-Nyɔgɛ 2:9

Mari ya a fɔ n ye fanan ko, ‘Wo kana Mohabu mɔgɛnu yakɔrɔ-mamɔ. Lɔti kegeyɛ le wonu na. Wo kana anu kɛlɛ de! N bara Ari soe di anu ma. Hali anuna nyamanɛ sibiri-kunduni, wo ti a sɔrɔn.’ ”

Kɛlɛ-Kurugbɛnu 9:45

Anu telenta kɛlɛla gbɛn! Anu ya mɔgɛ bɛɛ faga ka anuna soe tinya. Wo kɔma, anu ya kɔgɛ fui nyɔ-dugi rɔ.