2 Mansɛnu 3:19 - ALLALA KUMƐ

¹⁹ Wo si anuna so-latankanɛ bɛɛ nɔ. Wo si anuna ki-fan bɛɛ tinya. Wo si anuna tenke bɛɛ gberen. Wo si anuna dugu-nyimɛnu nafa kuri la.”

2 Mansɛnu 3:19 ပူးပေါင်းရင်းမြစ်များ

Ko-Dabirɛnu 21:19

Alla ya musi wo yɛ laka kɔlɔn ma. Yi ye a rɔ. A tara ka gbolo-bɔrɛ wo lafa yi la ka a di ala dan wo ma.

2 Mansɛnu 13:17

A ya a fɔ mansɛ wo ye ko, “Wundan min bi tele-bɔɛ telen tɔ Siriyanu bara la, wo laka.” A ya wo laka tumɛ min, Nɛbi Ilaisa ya a fɔ a ye ko, “A lakɛ.” A ya bɛn wo lakɛ. Nɛbi Ilaisa ya a fɔ a ye tun ko, “Ile si ma iko Marita kalabɛn ka Siriyanu nɔ. Ile si Siriyanu kɛlɛ Afɛki soe burɔ ha i ni anu nɔ.”

2 Mansɛnu 3:25

Anu ya anuna soenu halaki. Anu tenbi belenna sɛni-dugu-nyimɛ minnu na, wo kelen-kelennamɛ-bɛɛ si kuri bi ka a lakɛ dugi wo rɔ. Anu ya anuna dugu-nyimɛ bɛɛ lafa kuri la. Anu ya anuna tenkenu gberen ka anuna ki-fan bɛɛ tinya. Fɔ anuna so-karantan min tɔgɛ Kiri-Harɛsɛti min tora. Kɔnɔ tɔ-a-la, lenfiran-tiginu ya a mini so-karantan wo ma ka wuli anu kan ma.

Yilan-Yilan Koe 24:17

‘N bi wula-yanna-koenu yenna nala kɔnɔ a ma ke wɛ fɔlɔn. N bi mansɛ do yenna nala ka bɔ Isirɛla mɔgɛnu tɛma kɔnɔ a fɛ-yan fɔlɔn. A ye malanna iko lolo-malanni-wɛnu. A si Mohabu kun-tiginu kunyɛ ratii. A si mɔgɔ-wasinɛnu anubɛ kɛlɛ-tɛgɛlɛ kɛnu tinya feu!

Kɛlɛ-Kurugbɛnu 6:16

Mari ya a fɔ Kidiyɔn ye ko, “I si a nɔ le bawo nde, Mari le ye i dɛnbɛna. I si Midiyan kɛnu tatɛn iko mɔgɔ kelan tenbi i kɔrɔ.”

1 Samuwɛli 15:3

A ko wo ni ta bui Amalɛkinu ma ka anu nato dogbe! Wo ni anu bolo-fan bɛɛsi halaki pɔ! Kei wo, musu wo, den wo, anubɛ anuna kolo-fannu, wo ni wo damasi halaki.”

1 Samuwɛli 23:2

Dawuda ya Mari manyinika, a ko, “N si ta le Filisiti kɛnu kɛlɛla, wa?” Mari ya a fɔ ko, “Ɔn, ta anu kɛlɛ. I ni Kiyaila mɔgɛnu nakanan anu masibɛ ma.”