2 Mansɛnu 3:15 - ALLALA KUMƐ

¹⁵ Wo ta bɔlon-fɔlɛ do kele.” Bɔlon-fɔlɛ wola nɛ ka bɔlon-fɔɛ wo dabira, Marita sɛnbɛ yigira Nɛbi Ilaisa kuma.

2 Mansɛnu 3:15 ပူးပေါင်းရင်းမြစ်များ

1 Mansɛnu 18:46

Marita Sɛnbɛ yigira Nɛbi Ilaya kuma. A ya ala duruku-ba-wɛ mayɛlɛ ka a bu takiri wo la. A tara a burila Mansa Ehabula kirindi yarɔ ha anu kera Yɛsɛreli soe burɔ.

2 Mansɛnu 3:16

A ko, “Mari ko wo ni yi-woron-kɔrɛ kɛ rawɔrɔ.”

Yaburi 49:4

N si wo karan hɛnkilimaya-kumɛnu na. N tenbi sɔrɔn fɔla, n bi a kɔrɛ rakaranna wo ye.

Isikiyɛli 3:14

Marita Sɛnbɛ ye tala n na tumɛ min, ata fanka donta n tɔ a nya-bɛrɛbɛrɛ-wɛ ma. Yisi-bɔɛ donta n tɔ dɔgɔma-ma-de!

Isikiyɛli 3:22

N ya Marita Sɛnbɛ sɔrɔn tun. A ya a fɔ n ye ko, “I lasɔ. I ni ta lɛɛ rɔ. N si kuma i ye nyɔ.”

Isikiyɛli 8:1

Mala biralɛ san wɔrɔ nyɔgɛ a karɛ wɔrɔ nyɔgɛ wo tele loli nyɔgɛ ma, wulɔn tele ma, mabɛ Yuda mɔgɔ-biranɛnuna kun-tiginu siginɛ n barɛ bɔn la nyɔ. Tiriyante wo rɔ, n Tigi Mari Allata Sɛnbɛ yigira n kuma.

Kɛwɔlɛnu 11:21

Marita sɛnbɛ tora anu fɛ. Mɔgɔ siyaman dɛnkɛninyara Mari ma ka bila a fɛ.

1 Samuwɛli 10:5

“Wo kɔma, i si ta kan tinɛ do rɔ anu bi min kelela ko Allata kɔnkɛ. Wo ye Kibiya soe burɔ le, Filisitinu si anu daga makɛ kan min. Yanni i ni don soe burɔ, i si bɛn nɛbi-kurɔn donu na. Anu bi saraka-mintan-tina-kɔnkɛ wo yigila. Anu bi sɔrɔnnu anubɛ dundunnɛnu fɔla. Anu bi fulinu fɛla ka bɔlɔnnu fanan fɔ. Nɛbi wonu bi dɔn anubɛ sɔnkɔ-sɔnkɛ kun na.

1 Samuwɛli 16:16

A sɔgɛ ye ma la, ma ni sɔrɔn-fɔlɛ do nyini i ye. Woletɔ ni nyinɛ wo wulita i la tuma-wo-tuma, wo si sɔrɔn fɔ i ye. Nyinɛ si i boloka. Min bi ile ma tun ka a fɔ ma ye ko, ‘Wo ta sɔrɔn-fɔlɛ nyini.’ ”

1 Samuwɛli 16:23

Ka a dabira wo wati ma gbɛ, Alla wa nyinɛ lawuli Mansa Sɔli la tuma-wo-tuma, Dawuda si ala sɔrɔn fɔ a ye. Nyinɛ wo si bɔ a fɛ. A ma ni fisaya.

1 Samuwɛli 18:10

Wo wulun sɔgɔma, Alla ya nyinɛ lawuli ale Mansa Sɔli la tun. A donta wɔrɔnde rɔ a nyɛrɛ warɛ bɔn la iko yuwɛ. Wo wati ya a taran, Dawuda ye ala sɔrɔn-fɔɛ la iko a duruta a mala nya min. Wo ya a taran, tanbɛ ye Mansa Sɔli bole tɔ.