2 Mansɛnu 3:12 - ALLALA KUMƐ

¹² Mansa Yɛhosafati ya a fɔ anu ye ko, “Nɛbi-bɛrɛbɛrɛ le wo la.” Wo kɔma, mansa mɔgɔ sawɛ kɛnu wulita ka ta a taran.

2 Mansɛnu 3:12 ပူးပေါင်းရင်းမြစ်များ

2 Mansɛnu 2:21

Wo kɔma, a ya kɔgɛ wo bi ka ta a lakɛ tenke wo rɔ. A ko, “Mari kuman-kan le kɛ la. Mari ko a si yi-kɔsɔnɛ kɛ ma a bɛrɛ la. A si a ma, wola ki-fannu ni nanfa, saya ti don wo kun na.”

2 Mansɛnu 3:11

Mansa Yɛhosafati ya a fɔ anu ye ko, “Nɛbi sa yan min si Mari manyinika ma ye, wa?” Mansa Yɔramla kɛlɛ-den-kunyɛ do ko, “Safatila den Nɛbi Ilaisa ye yan. Nɛbi Ilayala karan-den le wo la nun.”

2 Mansɛnu 3:13

Anu ke a ma, Nɛbi Ilaisa ya a fɔ Isirɛla mansɛ ye ko, “Nfen ko ye ma tɛma? Nfenna i ma ta Beyalita nɛbi wonu manyinika i fa anubɛ i na duruta minnu manyinikala?” Kɔnɔ Mansa Yɔram ko, “Ma ti wo ma bawo Mari le wara ma don Mohabu mansɛ bolo kɛ la.”

2 Mansɛnu 5:15

Anubɛ ala wɔli-kɛ-dan wonu sɛgira Nɛbi Ilaisa wara. Anu ke a ma, a ko, “Ka a bi bi ma, n bara a lɔn ko alla-wo-alla sa nyɔ Isirɛlata Alla kɔma. I yandi n fa, n bara na i sanbɛ minnu na, wonu bira n bolo.”

Aiseya 49:23

A ko mansɛnu si ma iko i fanu. Mansɛnuna musinu si ma iko i nanu. Anu si anu maburun i kɔrɔ ka i gbiliya. Anu si ila sanbarɛ bɔ i kian rɔ i gbiliya tinɛ. A ko kɛnu ba ma tumɛ min, i ni na to Mari lɔnna ita Mari la. Mɔgɔ-wo-mɔgɔ wa ala dɛnbɛnɛ Mari makɔni, wo tigi ti baya.

Aiseya 60:14

Mɔgɛ minnu bara i matanban nun, wonu si anu maburun i kɔrɔ. I sɔgɛ labɔnɛ minnu na, wonu si na anu sa i kin kɔrɔ. Wonu si i kele ko, “Marita So-Karantan.” Wonu si i kele fanan ko, “Isirɛlata Alla-sɛnimɛ warɛ,” Yerusalɛm, kɔni.

Yɛrɛmaya 37:17

Wati-tenbinɛ, Mansa Sɛdɛkaya ya n kele ala bolɔn la. N ke, a ya n kele n dan na ka n manyinika ni Marita sarakanɛ ye n bolo. N ya a fɔ a ye, n ko, “Ɔn. Mari si a ma, Babilɔn mansɛ ni i bira.”

Lankɛnimayɛ 3:9

Nba, wo ni wo tole masɔ! Minnu bilanɛ Setanɛ fɛ, foninya-fɔlɛ le wonu na. Anu bi a fɔla ko Yahudiya le anu na kɔnɔ a sa wo nya. N si a ma, anu ni anu sa wo kin kɔrɔ wo madiya tinɛ. Anu dama si a lɔn ko wo di n ye.