2 Mansɛnu 3:11 - ALLALA KUMƐ

¹¹ Mansa Yɛhosafati ya a fɔ anu ye ko, “Nɛbi sa yan min si Mari manyinika ma ye, wa?” Mansa Yɔramla kɛlɛ-den-kunyɛ do ko, “Safatila den Nɛbi Ilaisa ye yan. Nɛbi Ilayala karan-den le wo la nun.”

2 Mansɛnu 3:11 ပူးပေါင်းရင်းမြစ်များ

Ko-Dabirɛnu 18:4

N ni na yi la wo ye alako wo ni wo kiannu maku. Wo ni wo sulen kɔlɔma-ninɛ kɛ la.

1 Mansɛnu 19:21

Ilaisa tara ala sara-ninki filɛ wonu faga. Kɔlɔma min kirinɛ wonu kan ma, a ya wo ma soge wo tɛ-sɔgɛ la. A ya ninki-soge wo di mɔgɛnu ma, wonu ya wo dɔn. Wo kɔma, a bilara Nɛbi Ilaya fɛ. Ale mara wola karan dan la.

1 Mansɛnu 22:7

Kɔnɔ Yuda Mansa Yɛhosafati ya a manyinika tun ko, “Nɛbi-gbɛrɛkɛ sa nyɔ rɔ min si Mari manyinika ma ye?”

2 Mansɛnu 2:25

Wo kɔma, Nɛbi Ilaisa tara Kamɛli kɔnkɛ kuma. Kɔnɔ tɔ-a-la, a bɔra nyɔ ka ta Samariya soe rɔ.

2 Mansɛnu 3:10

Mansa Yɔram ko, “Matɛ ara ban! Mari ara male mansa sawɛ ladɛn ka ma don Mohabu mansɛ bolo bi, nyɛ?”

2 Mansɛnu 3:12

Mansa Yɛhosafati ya a fɔ anu ye ko, “Nɛbi-bɛrɛbɛrɛ le wo la.” Wo kɔma, mansa mɔgɔ sawɛ kɛnu wulita ka ta a taran.

2 Mansɛnu 3:3

Kɔnɔ hali wo, a ma ko-yogoma-kɔrɛ wonu boloka Nebatila den Mansa Yɛrabowami ya Isirɛla mɔgɛnu nadon minnu tɔ.

1 Ko-Kɔrɔta-Karan 10:13

Mansa Sɔli fagara bawo a bilara Mari le la. Yanni a ni Mari manyinika, a tara ke yi-kɔrɔ-fɛlɛnnɛ do ma. Wo ya yi-kɔrɔ-fɛlan kɛ a ye. Wo le ya a ma, Mari ya a ma, anu ya ale Sɔli faga. A ya mansayɛ bi ka a di Yɛsila den Dawuda ma.

1 Ko-Kɔrɔta-Karan 14:10

Mansa Dawuda ya Alla manyinika, a ko, “N ni ta Filisiti kɛnu kɛlɛ, wa? N si anu nɔ, wa?” Mari ko, “Ɔn, n si a ma, i ni anu nɔ.”

1 Ko-Kɔrɔta-Karan 14:14

Mansa Dawuda ya Alla manyinika tun anu kɛlɛ koe rɔ. Alla ko, “I kana anu kɛlɛ dabira yan bara la de! Bɔ anu kɔma kilɛ la pɔpɔ kɔlɔma-siyamɛnu bi kan min. I ni anu kɛlɛ dabira nyɔ.

1 Ko-Kɔrɔta-Karan 15:13

Ni i ya a yen, mata Mari Alla diminyara ma ma a fɔlɔtɛ kɛ nun bawo ma ma a bato a kilɛ fɛ, ado wole ma tɔn-kenkirɛ duni.”

2 Ko-Kɔrɔta-Karan 18:6

Kɔnɔ Yuda Mansa Yɛhosafati ya a manyinika tun ko, “Nɛbi-gbɛrɛkɛ sa nyɔ rɔ min si Mari manyinika ma ye, wa?”

Yaburi 74:9

Mala kabana-ko-tamasere bɛɛ ara tunu don! Hali mala nɛbinu, anu ma anu to anu kɔma, ado mɔgɔ ma kɛ laban-wati lɔn.

Yɛrɛmaya 37:17

Wati-tenbinɛ, Mansa Sɛdɛkaya ya n kele ala bolɔn la. N ke, a ya n kele n dan na ka n manyinika ni Marita sarakanɛ ye n bolo. N ya a fɔ a ye, n ko, “Ɔn. Mari si a ma, Babilɔn mansɛ ni i bira.”

Emɔsi 3:7

Ni yarɛ wɔrɔndɔra, mɔgɔ kuma ti kɔ, wa? Allatala ti ko-wo-ko ladan a ti min kɔrɛ fɔ male nɛbinu ye. Woletɔ ni Allatala kumara, male nɛbinu ti a kuman-kan latenbi, wa?

Filipai 2:22

Wole nyɛrɛ ya a lɔn Timoti mara lanaya-mɔgɛ la nya min. Ale ara ma n ye iko n nyɛrɛta dan, ado a wɔlita nde fɛ kibara-nyimɛla ko la.

1 Timoti 5:10

Ni mɔgɛnu bi musi wo matɔgɔla ala kɛwɔli-nyimɛnuna ko la, anu ni a tɔgɛ sɛbɛ. A ni ma musi la min bara ala dannu makolo a kin na ka sundannu yiya a warɛ. A ni famayigiya-wɔlɛ kɛ a ta-nyɔgɛ dɛnkɛninya-mɔgɛnu ye ka mɔgɔ-tɔrɔnɛnu fanan dɛnbɛ. A ni a nyɛrɛ di kɛwɔli-nyimɛ-sufa-bɛɛ ma.

Yasowa 1:1

Mari Allata wɔli-kɛla Nɛbi Musa fagara tumɛ min, Nunna den Yasowa min bi ale dɛnbɛna nun, wo sigira a gbɛ rɔ. Nɛbi Musa fagara tumɛ min, Mari kumara Yasowa ye ko,

Yasowa 9:14

Yasowa anubɛ Isirɛla mɔgɔ-banu ya anuna dɔn-fan donu mafɛlɛn. Anu lara Kibiyon kɛnu na kɔnɔ anu ma Mari manyinika. Anu ya lanyiri kiri anu ye ka anu keli ko anu ti anuna nyamanɛ kɛlɛ mumɛ!

Kɛlɛ-Kurugbɛnu 20:18

Isirɛla bɔnsɔnnu tara Bɛtɛli soe burɔ Alla madiya tinɛ. Anu ya Alla manyinika, anu ko, “Bɔnsɔn nyamintan fɔlɔn si ta ma yarɔ Bɛnyamɛ bɔnsɔn kɛlɛ tinɛ.” Mari ya Yuda bɔnsɔn yabɔ anu ye.