2 Mansɛnu 25:7 - ALLALA KUMƐ

⁷ Anu ya ale Mansa Sɛdɛkayala den-keinu faga a nyɛrɛ yakɔrɔ nyɔ. Wo kɔma, Mansa Nɛbukanasa ya a ma, anu ya Mansa Sɛdɛkaya yɛnu bɔ a kolɔn rɔ. Anu ya yɔlɔkɛ kɛ a ma ka ta a la Babilɔn nyamanɛ rɔ.

2 Mansɛnu 25:7 ပူးပေါင်းရင်းမြစ်များ

Ko-Dabirɛnu 21:16

A tara a sigi wula-yan la kamasɔrɔn a ko, “N kana nna dan kɛ yen fagala.” A tora dila nyɔ dan wola ko la biribiri!

Ko-Dabirɛnu 44:34

N si sɛgi kama n fa wara ni n dɔgɛ kɛ sa n fɛ? Nde ti ke tɔrɔya sufa wonu yenna sigila n fa la.”

2 Ko-Kɔrɔta-Karan 33:11

Woletɔ Mari ya a ma, Asiriya kɛlɛ-dannu nara bui Yuda nyamanita-mɔgɛnu ma. Anu ya Mansa Manasa bira ka lunyɛ bila a sunyɛ rɔ. Anu ya sila-yɔlɔkɛ kɛ a ma ka ta a la Babilɔn nyamanɛ rɔ.

2 Ko-Kɔrɔta-Karan 36:6

Wati tenbinɛ, Babilɔn Mansa Nɛbukanasa tara bui Yuda nyamanita-mɔgɛnu ma. A ya Mansa Yahoyakim bira ka ta a la Babilɔn nyamanɛ rɔ. A kirinɛ yɔlɔkɛ la.

Yaburi 149:8

Anu ni yɔlɔkɛ kɛ anu yogenuna mansɛnu ma ka anuna kun-tiginu kiri nɛgɛ-yɔlɔkɛnu na.

Aiseya 22:3

Yanni wo yogenu ni gbɛrɛn wo ma, wo ya a taran, wola kun-tiginu wulita anu burila. Kɔnɔ yanni kun-tigi wonu ni anuna kalabɛnnu tasagan, anu yogenu ya anu bira.

Yɛrɛmaya 21:7

Kɔnɔ Mari ya a fɔ fanan ko ale Sɛdɛkaya wo, ala mɔgɔ-banu wo, hali kiraya-fitinɛ anubɛ kɛlɛ-fitinɛ anubɛ kɔnkɔ-fitinɛ foora wole minnu na wo, Mansa Nɛbukanasa faga-sɔgɛ ye mɔgɛ minnu na, wonu denu si ta wo la, ado ale mansɛ ti kinikini wo ma ka wo fenfen yamasansan. A si wo damasi faga tɛrr! Mari nyɛrɛ kan le kɛ la.

Yɛrɛmaya 22:30

Ale Mari ko a ara ban a latɛgɛla ko fɔ ale Mansa Yɛhoyasin kɔrɔ wa kolonya filili! A wara-koe ti ta yarɔ muk! A kegeya-wo-kegeya ti taran a gbɛ rɔ Yuda nyamanɛ kun na Mansa Dawudata bɔn la. Mari kan le kɛ la.

Yɛrɛmaya 34:3

A ko ale Mansa Sɛdɛkaya ti ke a burila. A yogenu si a bira ka a don Babilɔn mansɛ wo bolo. A ko anubɛ mansɛ wo ya-den filɛ si bɛn ka kuma anu nyɔgɔn na. Wo kɔma, anu si ta a la Babilɔn.

Yɛrɛmaya 37:17

Wati-tenbinɛ, Mansa Sɛdɛkaya ya n kele ala bolɔn la. N ke, a ya n kele n dan na ka n manyinika ni Marita sarakanɛ ye n bolo. N ya a fɔ a ye, n ko, “Ɔn. Mari si a ma, Babilɔn mansɛ ni i bira.”

Yɛrɛmaya 38:23

N ko, “Min sanɛ wo kuma, anu bi tala ila musinu anubɛ ila dannu na Babilɔn kɛnu bara. Ile nyɛrɛ-nyɛrɛ kunyɛ ti bɔ anu bolo. Babilɔn mansɛ si ta i la. Anu si soe kɛ mintan gburr!”

Nimisa Koe 2:9

Tarɛ wo don-da-wɛnu tora sani yefe-gbalɛ rɔ. A dɛ-balan-kɔnnu ta ara kerikeri. Nna mansɛ anubɛ nna mɔgɔ-banu bi biralɛ rɔ nyamani-gbɛrɛkɛnu tɔ. Nta saraka-masɔlɛnu sa mɔgɛnu karanna tɔn ma tun. Mari sa wɔlɔyiya-kumɛnu yirala nta nɛbinu ma tun.

Isikiyɛli 12:11

A fɔ anu ye ko ile ara min ma, tamasere le wo la anu ye ko n bi wo le sufa mala anu na. Anu si ma kɛlɛ-kɔrɔ-maburilɛnu na, ado kɛlɛ si anu bira.

Isikiyɛli 7:27

Wola mansɛnu si to dila. Anuna dannu kumakɔnɛ si to. Mɔgɛ bɛɛ ra si maga kilan bolo. N si wo tɔrɔ ka a tɛgɛ wo ara minnu ma. N si wo kiti iko wo duruta doinu kitila nya min. Wo si a yira wo la wo rɔ ko Mari le nde la.”

Tɔn-Fɔɛ-Fila-Nyɔgɛ 28:34

Wola tɔrɔyɛ si wo kumakɔ ka wo ma tulan!

Tɔn-Fɔɛ-Fila-Nyɔgɛ 28:36

“Mari si wole anubɛ wola mansɛ lagbengben ka wo labɔ wola nyamanɛ rɔ ka ta wo don wo yogenu bolo anuna nyamanɛ rɔ. Wo yogenu si to wo gbenna ka ta wo la nyamanɛ do rɔ, wo ma wo kian sɔ wɛ kan min nun, hali wo benbanu. Wo wa ke wonu bole tɔ tumɛ min, wo si anuna bɛsɛnu kɔ. Kɔlɔma anubɛ kuru-malɛsɛnɛ le wonu na.

Kɛlɛ-Kurugbɛnu 16:21

Filisitinu ya a bira ka a ya-filɛ tii. Anu ya a bi ka ta a la Kesa soe burɔ. Anu ya a kiri yɔlɔkɛ la minnu nadannɛ silɛɛ la. Anu ya ale Samsin ma dɛgɛ-bundennɛ la anu ye yele la.