2 Mansɛnu 25:29 - ALLALA KUMƐ

²⁹ Ale mansɛ ya a rabɛn ko Mansa Yɛhoyasin ni yelela fanɛnu bɔ a ma. Ale mansɛ ya a rabɛn tun ko Mansa Yɛhoyasin kɛ ni to a de-nyinina ale mansɛ warɛ bɔn la a siyi-tele-bɛɛ kɔrɔ.

2 Mansɛnu 25:29 ပူးပေါင်းရင်းမြစ်များ

Ko-Dabirɛnu 41:14

Mansɛ ya kilayɛ lata ale Yusufu kele tinɛ yele la. Anu ya a labɔ yele-bon-pinpinɛ wo la tiriya! Yusufu ya a dɛ masii ka a mayɛlɛma. A tara a sɔ mansɛ yakɔrɔ.

Ko-Dabirɛnu 41:42

Ale mansɛla mandan ye ala dɛɛn-kɔlɔnɛ min ma, a ya wo bɔ a bole la ka a don Yusufu bole la. A ya fɛrɛya-bɔ-hakikɛnu di a ma ka sɛnɛ-yɔlɔkɛ don a kan na.

2 Samuwɛli 9:7

Mansa Dawuda ya a fɔ a ye ko, “Hali i ma kilan. N si ko-nyimɛ kɛ i ye ka a tɛgɛ i fa Yonatanna ko ma. N si i benba Mansa Sɔli halala-dugi bɛɛsi lasɛgi ile ma. N si a ma, ma ni to ma de-nyinina kan-tina-kelen.”

1 Mansɛnu 2:7

“Kɔnɔ i ni ila keninteyɛ yira Basilayila dannu na minnu siginɛ Kaliyadi nyamanɛ rɔ. N ya n buri i kɔrɔ Abasalɔm kɔrɔ tumɛ min, wonu denu ya n tabira a kilɛ fɛ. Woletɔ i ni i hɛnkili to wonu ko.

2 Mansɛnu 24:12

Yuda Mansa Yɛhoyasin wo, a na wo, ala kɛlɛ-den-kunyɛnu wo, ala bolon-mafɛlɛnnɛnu wo, anubɛ ala mɔgɔ-banu, wonu ya anu nyɛrɛ labelen Babilɔn kɛnu ma. Nɛbukanasala mansayɛ san segin nyɔgɛ ma, a ya Mansa Yɛhoyasin bi ka ta a la birɛ rɔ a bolo.

Ɛsita 4:4

Kei anubɛ musi minnu bi wɔlila Ɛsita ye, wonu tara a fɔ ale Ɛsita ye ko kasa-kurɛ donnɛ Mɔdekɛyai kan na. Wo ya a yisi tinya. A ya kurɛ donu nata Mɔdekɛyai ye alako a ni kasa-kurɛ wo bɔ a kan na kɔnɔ Mɔdekɛyai ma sɔn kurɛ wonu na.

Ɛsita 8:15

Mɔdekɛyai bɔmatoe mansɛla bɔn la ala mansaya-duruki min bi a kan na, a gbɛmɛ anubɛ a bilolamɛ le. Kura-hakika-finyɛ min tɔgɛ linɛn wo fanan bilanɛ a kan na. Susa so-karantan-mɔgɛ bɛɛsi ya a labɛn sewa-belebele-wɛ la.

Aiseya 61:3

A ya n sɔ mɔgɔ-makinikininɛ denu ma Yerusalɛm soe burɔ. Mari ko a si mansaya-fulɛ don wo kunyɛ la ta-gbangban gbɛ rɔ. A ko a si lasewa-tuli don wo ma yisi-lafinyɛ gbɛ rɔ. A ko a si tantoli-duruki don wo kan na yisi-tinyɛ gbɛ rɔ. Wo si ma iko Mari nyɛrɛta kɔlɔma-kinɛ. Wo si ata fanka-makawanɛ mayira.

Yɛrɛmaya 22:26

A ko a si anubɛ a na don birɛ rɔ. Anu si ta nyamanɛ do rɔ, anu fenfen ma sɔrɔn kan min, ado anu filɛ bɛɛ ye fagala nyɔ le.

Yɛrɛmaya 52:33

Ale mansɛ ya a rabɛn ko Yɛhoyasin ni yelela fanɛnu bɔ a ma. Ale mansɛ ya a rabɛn ko tun ko Yɛhoyasin kɛ ni to a de-nyinina ale mansɛ wara bɔn la a siyi-tele-bɛɛ kɔrɔ.

Sakaraya 3:4

Mari ya a fɔ a nyɛrɛ-kɔrɔ-wɔlilɛnu ye ko anu ni kei kɛla kura-nɔgɔnɛnu bɔ a ma ka ta anu na. Wo kɔma, a ya a fɔ ale Yasowa ye ko, “N bara i hakɛ makoto, ado n bi kura kurɛnu denu dila i ma gbɛ!”

Luka 15:22

Kɔnɔ a fa ya ala wɔli-kɛlɛnu kele. A ko, ‘Wo ni na duruku-nyima-ba la ka a bila a kan na tiriya! Wo ni dɛɛn don a bolo-nɔlɔnɛ la ka sanbarɛ don a kian rɔ.