2 Mansɛnu 25:27 - ALLALA KUMƐ

²⁷ Ifali-Mɛrodaki mara mansɛ la san min na Babilɔn nyamanɛ rɔ, ale Babilɔn mansɛ wo ya ko-nyimɛ kɛ Yuda mansa kɔrɛ Yɛhoyasin ye ka a labɔ yele la. Mansɛ wo ya a labɔ yele la san bi-sawa ani san wɔrɔnfilɛ, a karɛ tan-ni-fila nyɔgɛ, a tele mogan-ni-wɔrɔnfila nyɔgɛ le ma.

2 Mansɛnu 25:27 ပူးပေါင်းရင်းမြစ်များ

Ko-Dabirɛnu 40:13

Tele sawa wa tenbi, mansɛ si ila sɔ tinɛ lasɛgi i ma. I si baan bɔ mansɛ ye tun iko i duruta a mala nya min nun.

Ko-Dabirɛnu 40:20

Tele sawa wo kɔma, mansɛ wo ya a sɔrɔn-tele-ladiyɛ kɛ ala mɔgɔ-banu ye. A ya ala baan-bɔlɛ anubɛ ala biredi-mintannɛ labɔ yele la ka anu sɔ ala mɔgɔ-banu yakɔrɔ.

2 Mansɛnu 24:12

Yuda Mansa Yɛhoyasin wo, a na wo, ala kɛlɛ-den-kunyɛnu wo, ala bolon-mafɛlɛnnɛnu wo, anubɛ ala mɔgɔ-banu, wonu ya anu nyɛrɛ labelen Babilɔn kɛnu ma. Nɛbukanasala mansayɛ san segin nyɔgɛ ma, a ya Mansa Yɛhoyasin bi ka ta a la birɛ rɔ a bolo.

2 Mansɛnu 24:15

A tara ale Mansa Yɛhoyasin anubɛ a na anubɛ ala musinu anubɛ ata mɔgɔ-banu anubɛ ata mɔgɔ-ba-tɔgɔlamɛnu na a bolo Babilɔn.

Hɛnkilimaya-Kumɛnu 21:1

Mari ye yi-gbere latelenna nya min, a si mansɛ yisi fanan natelen wo nya na le.

Yɛrɛmaya 22:26

A ko a si anubɛ a na don birɛ rɔ. Anu si ta nyamanɛ do rɔ, anu fenfen ma sɔrɔn kan min, ado anu filɛ bɛɛ ye fagala nyɔ le.

Yɛrɛmaya 28:4

Nɛbi Hananaya ko Mari si sɛgi Yahoyakimna den Yuda Mansa Yɛhoyasin anubɛ Yuda mɔgɔ-birani-kɔrɛnu na fanan. A ko Mari ko a si ale Babilɔn mansɛ latinya pɔ!

Yɛrɛmaya 38:17

N ya a fɔ Mansa Sɛdɛkaya ye ko, “Mari Sɛnbɛ-Bɛɛ-Tigi Isirɛlata Alla ko ni ile ya dɛgɛ min Babilɔn Mansɛla kɛlɛ-dannu ye, i si to i niyi la. Soe kɛ ti mintan wo rɔ. A ko wobɛ ila denbayɛ si kisi.