2 Mansɛnu 25:18 - ALLALA KUMƐ

¹⁸ Saraka-Masɔla-Kun-Tigi-Wɛ Sɛraya wo, a kan-kɔrɔ-sigilɛ Sɛfanaya wo, Bato-Bɔn bonda-da-makandanna mɔgɔ sawɛ wo, Nɛbusaradan ya wonu dama bira.

2 Mansɛnu 25:18 ပူးပေါင်းရင်းမြစ်များ

2 Mansɛnu 23:4

Saraka-Masɔla-Kun-Tigi-Wɛ Helikaya wo, a tatugunnɛnu wo, saraka-masɔlɛ minnu bi Bato-Bɔn bonda-da-makandanna wo, Mansa Yosaya ya a fɔ wonu ye ko, “Beyali kɔ-fannu wo, Asura kɔ-fannu wo, lolenu-bato-fannu wo, wo ni wonu nabɔ Bato-Bɔn kɛ burɔ.” Wonu ban bɛsi-kɔ-miran wonu nabɔla luyi ma, mansɛ ya miran wonu nabɔ soe kɔma ka anu mintan Kidirɔn lɛɛ telen tɔ. A ya a ma, anu tara wonu gbangban la Bɛtɛli soe burɔ.

1 Ko-Kɔrɔta-Karan 6:14

Asaraya ya Sɛraya sɔrɔn. Sɛraya ya Yɛhosadaki sɔrɔn.

Ɛsira 7:1

San-siyaman tenbinɛ, wo tumɛ Atasakasi ye mansayɛ la Pasiya nyamanɛ rɔ, kei do ye nyɔ nun min tɔgɛ Ɛsira. Saraka-Masɔla-Kun-Tigi-Wɛ Aruna matiyi le ale la. Ale Ɛsira fa tɔgɛ le Sɛraya. Sɛraya wo fa tɔgɛ le Asaraya. Asaraya wo fa tɔgɛ le Helikaya.

Yɛrɛmaya 20:1

Saraka-masɔlɛ le Imɛrila den Pasura la. Ale le ye saraka-masɔlayɛ la Mari Bato-Bɔn kun na. Pasura wo ya wo bɛɛ lamɔɛn nkɛkuna,

Yɛrɛmaya 21:1

Meyaseyala den Sɛfanaya min bi saraka-masɔ-wɔlɛ kɛla anubɛ Malakeyala den Pasura, Yuda Mansa Sɛdɛkaya ya anu kilaya nde, Yɛrɛmaya ma.

Yɛrɛmaya 21:7

Kɔnɔ Mari ya a fɔ fanan ko ale Sɛdɛkaya wo, ala mɔgɔ-banu wo, hali kiraya-fitinɛ anubɛ kɛlɛ-fitinɛ anubɛ kɔnkɔ-fitinɛ foora wole minnu na wo, Mansa Nɛbukanasa faga-sɔgɛ ye mɔgɛ minnu na, wonu denu si ta wo la, ado ale mansɛ ti kinikini wo ma ka wo fenfen yamasansan. A si wo damasi faga tɛrr! Mari nyɛrɛ kan le kɛ la.

Yɛrɛmaya 29:29

Saraka-Masɔla Sɛfanaya ya kɛdi kɛ karan nde, Yɛrɛmaya ye tumɛ min,

Yɛrɛmaya 34:21

Ale Yuda Mansa Sɛdɛkaya anubɛ ala mɔgɔ-banu faga-sɔgɛ ye a yoge Babilɔn kɛlɛ-dan minnu na, a ko a si wonu don wonu bolo. Wonu bara anu fara wo kɛlɛ la, a ko a si wo kunyɛ don wonu bolo.

Yɛrɛmaya 52:24

Saraka-Masɔla-Kun-Tigi-Wɛ Sɛraya wo, a kan-kɔrɔ-sigilɛ Sɛfanaya wo, anubɛ Bato-Bɔn bonda-da-makandanna mɔgɔ sawɛ wo, Nɛbusaradan ya wonu dama bira.

Isikiyɛli 11:7

A ko ale wo Tigi Mari Alla ye min fɔla wo ye, wo le kɛ la. A ko wole ya a fɔ ko soe kɛ mani de iko sogo-te-dagɛ, ado tonyɛ le wo la. Kɔnɔ soge wo ye yon na? Nba, wo ara mɔgɛ min bɛɛ faga terr, wo le soge wo la. A ko wo ti a laban dagɛ wo rɔ, ado a ye nala wo gbenna ka wo labɔ soe kɛ rɔ fass!

Sakaraya 6:10

Mɔgɔ-birani-kɔrɛ Hɛladayi anubɛ Tobaya anubɛ Yɛdaya nara kɔ-fan minnu na ka bɔ Babilɔn, Mari ko n ni ta wonu na Sɛfanayala den Yosaya wara bɔn la.