2 Mansɛnu 25:1 - ALLALA KUMƐ

¹ Wo le ya a ma, Mansa Nɛbukanasa nara ala kɛlɛ-dannu na ka bui Yerusalɛm soe ma. Wo mara Sɛdɛkayala mansayɛ san kɔnɔntɔ, a karɛ tan, tele tan nyɔgɛ ma. Anu ya anu daga makɛ nun Yerusalɛm soe tarɛ kɔma. Anu ya bɔnkɛ ladɛn a nyɔgɔn kuma tala tarɛ kɔma alako anu ni ke kilɛ sɔrɔnna so-burɔ-mɔgɛnu ma.

2 Mansɛnu 25:1 ပူးပေါင်းရင်းမြစ်များ

2 Mansɛnu 24:1

Yahoyakim ye mansayɛ la tumɛ min, Babilɔn Mansa Nɛbukanasa tara bui Yuda nyamanita-mɔgɛnu ma. San sawa Mansa Yahoyakim ye Mansa Nɛbukanasa kɔrɔ. Wo kɔma, a murutiyara a ma.

2 Mansɛnu 24:10

Ala mansaya-wati rɔ, Babilɔn Mansa Nɛbukanasa wola kɛlɛ-den-kunyɛnu nara anuna kɛlɛ-dannu na ka bui Yerusalɛm soe ma.

2 Mansɛnu 25:2

Anu tora kɛlɛ wo kun na nyɔ rɔ ha Sɛdɛkayala mansayɛ san tan-ni-kelen-nyɔgɛ ma.

2 Mansɛnu 25:8

Mansa Nɛbukanasala mansayɛ san tan-ni-kɔnɔntɛ, a karɛ loli, tele wɔrɔnfila nyɔgɛ ma, Mansa Nɛbukanasala mɔgɔ-ba do donta Yerusalɛm soe burɔ, ado ala kɛlɛ-den-kunyɛ le fanan. Wo tɔgɛ le Nɛbusaradan.

1 Ko-Kɔrɔta-Karan 6:15

Mari ya a ma, kɛlɛ tara Yuda nyamanita-mɔgɛnu anubɛ Yerusalɛm so-burɔ-mɔgɛnu na. Wo wati le tɔ, Babilɔn Mansa Nɛbukanasa ya Saraka-Masɔla Yɛhosadaki kɛ fanan bira ka ta a la Babilɔn nyamanɛ rɔ pon!

2 Ko-Kɔrɔta-Karan 36:11

Sɛdɛkaya ya mansayɛ sɔrɔn Yuda nyamanɛ rɔ a sɔrɔn-san mogan-ni-kelen nyɔgɛ le ma. San tan-ni-kelen, a ye mansayɛ la ka bɔ Yerusalɛm soe burɔ.

Aiseya 29:3

Alla nyɛrɛ si i kɛlɛ ka mini ile soe nyɛrɛ ma.

Yɛrɛmaya 21:2

Anu ko n ni Mari madiya anu ye bawo Babilɔn mansɛ Nɛbukanasa ara na bui mala so-karantan ma. Anu ko tumado Mari si kabana-koe do kɛ ma ye min si a ma, Nɛbukanasa ni sɛgi a kɔma.

Yɛrɛmaya 27:8

Nde, Yɛrɛmaya ya n sara kilayɛ wonu na ka ta a fɔ anuna mansɛnu ye ko ni nyamanɛ min ma sɔn a kunyɛ ladonna ale Nɛbukanasata kanma-kɔlɔma rɔ, Mari ko a si nyamanɛ wo tɔrɔ kɛlɛ anubɛ kɔnkɔ-fitinɛ anubɛ kirayɛ la. Nɛbukanasa si nyamanɛ wo halaki pɔ!

Yɛrɛmaya 32:1

Sɛdɛkayala mansayɛ san tan nyɔgɛ ma Yuda nyamanɛ rɔ, Mari kumara n ye tun. Nɛbukanasala mansayɛ san tan-ni-segan le wo la Babilɔn nyamanɛ kun na.

Yɛrɛmaya 32:2

Wo ya a taran, Babilɔn kɛlɛ-dannu bi Yerusalɛm kɛnu kɛlɛla. Anu ya nde, Yɛrɛmaya sa yele la mansɛla bolɔn la kata burɔ Yuda nyamanɛ rɔ.

Yɛrɛmaya 32:24

“Babilɔn kɛnu bara bɔnkɛ ladɛn tarɛ kɔma alako anu ni Yerusalɛm soe bira, ado anu bi ma kɛlɛ-tinɛ le. Kɛlɛ wo, kɔnkɔ wo, anubɛ kirayɛ si a ma, soe kɛ ni don anu bolo. I wara min bɛɛ fɔ, i ma a yen, wo bɛɛ ara bɔ-a-la,

Yɛrɛmaya 32:28

A ko a si soe kɛ latenbi Babilɔn Mansa Nɛbukanasa anubɛ ala kɛlɛ-dannu ma. Anu si soe bira

Yɛrɛmaya 4:17

Wo yogenu bara kurɔn don Yerusalɛm soe ma iko donsenu ba wɔlɔn kurɔn nya min. Mari ko kɛ bɛɛ ye mala le bawo wole, Yuda kɛnu bara murutiya a ma.

Yɛrɛmaya 43:10

A fɔ anu ye ko nde, Mari Sɛnbɛ-Bɛɛ-Tigi Isirɛlata Alla si na Babilɔn Mansa Nɛbukanasa la yan tɔ, nde, Marita wɔli-kɛlɛ, kɔni. Ala mansaya-waganɛ ye sigila kuri kɛnu denu kuma borongbɛ gbɛ rɔ yan. ado a si ala mansaya-fani-bɔn rafulen nyɔ kuma.

Yɛrɛmaya 50:17

Mari ko Isirɛla mɔgɛnu mani de iko yarɛ wa sagɛnu tanyɛnsɛn. Asiriya mansɛ fɔlɔn ya anu dɔn dabira. Wo kɔma, Babilɔn Mansa Nɛbukanasa tora anu kolenu masusunna.

Yɛrɛmaya 51:34

Babilɔn Mansa Nɛbukanasa ara Yerusalɛm soe dɔn. A ya soe rakolonya iko yi-bara-takolɔn. A ya a dama lakunu iko ninkinankɛ. Min di a ye, a ya wo bi ka a toe lakɛ a rɔ.

Yɛrɛmaya 52:1

Sɛdɛkaya ya mansayɛ sɔrɔn Yuda nyamanɛ rɔ a sɔrɔn-san mogan-ni-kelen nyɔgɛ le ma. San tan-ni-kelen, a ye mansayɛ la Yerusalɛm soe burɔ. A na le Yɛrɛmayala den Hamutali min bɔra Libina soe burɔ.

Yɛrɛmaya 6:3

Wo yogenuna mansɛnu anubɛ anuna kɛlɛ-dannu si anu daga makɛ nyɔ. Anu si kan-tinɛ wo bɛɛ ratala ka anuna fani-bɔnnu tafulen nyɔ rɔ.

Isikiyɛli 21:14

“Ile hadama-dan, i tenbi wɔlɔyiya-kumɛ fɔla, i ni i bole rafɔ. I wa i bole rafɔ, faan si yigi kinyama-siyaman ka mɔgɛnu faga. Bɛɛ si kilan faan wo la.

Isikiyɛli 26:7

“Nde, wo tigi Mari ko Babilɔn Mansa Nɛbukanasa min mankan kolo mansɛ bɛɛtɛ ko, n si wo latugu ale Taya kɛnu ma. A si bɔ kantɔ-wara la kɛlɛ-den-siyaman na a bolo anubɛ soeenu anubɛ kirindinu.

Isikiyɛli 40:1

Mala birɛ san mogan loli nyɔgɛ, wo karɛ fɔlɛ, a tele tan ma, Marita Sɛnbɛ-wɛ yigira n kuma. Wo ya a taran, Yerusalɛm ara san tan-ni-nani bɔ ma yogenu bolo. Marita Sɛnbɛ tara n na

Sakaraya 8:19

A ko wo ye sunyɛ min donna san karɛ nani, anubɛ karɛ loli, anubɛ karɛ wɔrɔnfilɛ anubɛ karɛ tan ma, wonu si ma wola ladiya-ladɛn-karɛnu na Yuda kɛnu ye. Kɔnɔ a ko fɔ tonyɛ anubɛ yisi-kimɛ ni diya wo ye.

Tɔn-Fɔɛ-Fila-Nyɔgɛ 28:52

Hali wo yili-madiyanɛ ye tara-layan-bɛ minnu na wola soenu ma, anu si soe wonu damasi bira-a-la wola nyamanɛ rɔ.