2 Mansɛnu 24:6 - ALLALA KUMƐ

⁶ Mansa Yahoyakim fagara tumɛ min, ala den Yɛhoyasin sigira a gbɛ rɔ.

2 Mansɛnu 24:6 ပူးပေါင်းရင်းမြစ်များ

2 Mansɛnu 24:5

Mansa Yahoyakim ya koe min bɛɛsi ma ala mansayɛ kɔrɔ, wo bɛɛ sɛbɛnɛ Yuda Mansɛnuna Buku do rɔ.

2 Ko-Kɔrɔta-Karan 36:6

Wati tenbinɛ, Babilɔn Mansa Nɛbukanasa tara bui Yuda nyamanita-mɔgɛnu ma. A ya Mansa Yahoyakim bira ka ta a la Babilɔn nyamanɛ rɔ. A kirinɛ yɔlɔkɛ la.

2 Ko-Kɔrɔta-Karan 36:8

Mansa Yahoyakim ya koe min bɛɛsi ma ala mansayɛ kɔrɔ katarala a ya kisimiriya-koenu anubɛ ko-yogomɛ minnu ma, anu ya wonu sɛbɛ Isirɛla anubɛ Yuda mansɛnuna buku do rɔ. Ala den Yɛhoyasin sigira a gbɛ rɔ.

Yɛrɛmaya 22:24

Mari ya a fɔ Yuda Mansa Yahoyakimna den Yɛhoyasin ye ko ale Mari ya a keli a nyɛrɛ rɔ ko hali ile mansɛ mara a bolola-dɛɛn-kɔlɔnɛ-tamasere le la, a si a pope.

Yɛrɛmaya 36:30

Woletɔ Mari ye a fɔla ale Mansa Yahoyakimla ko la ko a ti den-wo-den sɔrɔn min si Mansa Dawuda gbɛ bi hali! A ko anu si a furi lakɛ a rɔ, tele si to a mamintanna, duri si to a kimala suyi rɔ.

Isikiyɛli 19:1

Mari ya a fɔ n ye ko n ni kinikini-sigi kɛ sa Isirɛla mansa-bɔn ye.