2 Mansɛnu 24:2 - ALLALA KUMƐ

² Mari ya a ma, nyamani-kun nani mɔgɔ-kurɔn donu wulita Yuda nyamanita-mɔgɛnu kan ma iko Mari ya a fɔ ala wɔli-kɛla nɛbinu ye nya min nun. Kurun do bɔra Babilɔn, do nara ka bɔ Siriya nyamanɛ rɔ, do nara ka bɔ Mohabu nyamanɛ rɔ, anubɛ do nara ka bɔ Amon nyamanɛ rɔ.

2 Mansɛnu 24:2 ပူးပေါင်းရင်းမြစ်များ

2 Mansɛnu 20:17

wati do ye nala, i wara fen-kolomɛ minnu nadɛn ila bolɔn la wo, i benbanu bara fen-kolomɛ minnu nadɛn wo, wo bɛɛ si ta Babilɔn nyamanɛ rɔ. A ko hali wo kelen ti to yan.

2 Mansɛnu 22:16

“Mari ko a ye nala Yerusalɛm kɛnu tɔrɔla iko mansɛ ara a rayen buku wo rɔ nya min.

2 Mansɛnu 23:27

Ka tenbi wo la, Mari ko, “N si Yuda kɛnu kasara iko n bara Isirɛla kɛnu kasara nya min. N bara Yerusalɛm soe min yabɔ nun, n si n yɛ firindi wo ma. N bara a fɔ batoli-kɛ-tinɛ min ma nun ko anu ni to n batola nyɔ, n bara n kan-kɔ sɔ nyɔ fanan na.”

2 Mansɛnu 6:23

Wo le ya a to, Isirɛla mansɛ ya ladiyɛ kɛ anu ye. A ban anu nafala, a ya anu nasɛgi anuna mansɛ ma. Ka a dabira wo-wulɔn-tele ma ha, Siriyanu ma bui Isirɛla mɔgɛnu ma tun.

2 Ko-Kɔrɔta-Karan 33:11

Woletɔ Mari ya a ma, Asiriya kɛlɛ-dannu nara bui Yuda nyamanita-mɔgɛnu ma. Anu ya Mansa Manasa bira ka lunyɛ bila a sunyɛ rɔ. Anu ya sila-yɔlɔkɛ kɛ a ma ka ta a la Babilɔn nyamanɛ rɔ.

Yobu 1:17

Yanni wo ni a kuman-kan wo laban, kilayɛ do burumatoe nara a fɔ ale Yobu ye tun ko, “Kaladiya bumali-kɛlɛ kurun sawa nara bui ma ma. Anu tara ila nyomɛ bɛɛ la ka ila wɔli-kɛlɛ dama faga tɛrr, fɔ nde min kelan kunyɛ bɔra a rɔ!”

Aiseya 13:5

Anu bi bɔla nyamani-yan le tɔ pon! Mari si na nyamanɛ wo fi-koro-tiyi-kɛ ka a daga-koro-tiyi-kɛ ata fondo-bɔɛ la.

Aiseya 28:19

Sɔgɔma-wo-sɔgɔma, kasarɛ si to nala wo kuma. Su-ni-tele, wo ye kasarɛ kɔrɔ. Wo ya sarakani-kura wo sarakani-kura sɔrɔn Alla bolo, wonu si na kilan kumɛ do la.

Aiseya 7:17

“Mari ko a si nyankankantan min nana ile mansɛ anubɛ ila mɔgɛnu kuma, wo da-rakolo, ado kebi Yuda nyamanɛ anubɛ Isirɛla nyamanɛ farata, wo nyɔgɔn tɔrɔyɛ ma na wɛ nyamanɛ kɛ kuma. Mari ko hali Asiriya mansɛ, a si wonubɛ ala kɛlɛ-dannu natugu wo ma.

Yɛrɛmaya 12:9

Nta mɔgɛnu mani de iko bibi-siyamɛ wa kɛ kona-manyɛganni kelan ma. Soge bɛɛ kun ni dɛn. Anu ni na anu kasayogoya-dɔn kɛ.

Yɛrɛmaya 25:1

Yosayala den Mansa Yahoyakimna mansayɛ san nanɛ ma Yuda nyamanɛ rɔ, Mari ya kilayɛ kɛ le don nde, Yɛrɛmaya bolo wole, Yuda mɔgɛnuna ko la. (Nɛbukanasala mansayɛ san fɔlɔtɛ le kɛ la Babilɔn nyamanɛ rɔ.)

Yɛrɛmaya 25:9

a si kantɔ-mɔgɛ bɛɛ kele wo kan ma katarala Babilɔn Mansa Nɛbukanasa ma, ata wɔli-kɛlɛ, kɔni. A ko mansɛ wo si na wole Yuda nyamanita-mɔgɛ bɛɛ kɛlɛ anubɛ wo dan-masa-nyɔgɛnu. Anu ba ban wo kɛlɛla, anu si wola nyamanɛ kasaranɛ to. Mɔgɛ min ba nyɔ yen, wo kuma si tɛgɛ.

Yɛrɛmaya 26:20

(Kei do ye nyɔ nun min tɔgɛ Yuraya, Sɛmayala dan, kɔni. Wo bɔra Kiriyati-Yirɔm soe burɔ. Ale Yuraya fanan ya kuma-sufa kɛ le fɔ, ado wo fanan kumara Mari tɔgɛ rɔ Yerusalɛm anubɛ Yuda kan ma iko Yɛrɛmaya kɛ.

Yɛrɛmaya 26:6

Ni wo tora murutiyɛ kɛ kun na, a ko a ya ala Fani-Bɔn tinya Sailo soe burɔ nya min nun, a ye a Bato-Bɔn fanan tinyana wo nya na le, ado duninya-mɔgɛ bɛɛ si Yerusalɛm soe tɔgɔ ratɛgɛ dankali-kɛ-tinɛ.

Yɛrɛmaya 32:28

A ko a si soe kɛ latenbi Babilɔn Mansa Nɛbukanasa anubɛ ala kɛlɛ-dannu ma. Anu si soe bira

Yɛrɛmaya 35:11

Mansa Nɛbukanasala bui nyamanɛ ma, wo le ya a ma, ma donta Yerusalɛm soe burɔ alako ma ni kanan Babilɔn anubɛ Siriya kɛlɛ-dannuna masibɛ ma. Wo le wara ma sigi Yerusalɛm yan.”

Yɛrɛmaya 52:28

Nɛbukanasata san wɔrɔnfila nyɔgɛ ma mansayɛ la, a tara mɔgɛ minnu na biralɛ rɔ a bolo, wonu yatɛ le kɛnu na. Mɔgɔ waga sawa anubɛ mɔgɔ mogan-ni-sawa (3,023).

Nimisa Koe 1:17

“Nde, Yerusalɛm bole rasiginɛ iko tarali-kɛlɛ kɔnɔ n denkunna mumɛ sa. Nyamanɛ min bɛɛsi ye nna foolɛ rɔ, Mari ara a fɔ wonu ye ko anu ni n kɛlɛ. Anu bi n bira boloko-yogomɛ-kɛla iko fen-kɔsɔni-kɔnkɔn.

Isikiyɛli 19:8

Sibolo-siyaman ya anu kundɛn a kan ma ka bɔ kan tinɛ bɛɛ rɔ. Anu ya anuna donsoya-yalɛnu tafulen ha anu ya a bira sɔɛn!

Isikiyɛli 23:23

Babilɔn kɛnu anubɛ Kaladiya kɛ minnu bɔra Pikɔdi wo, Sowa wo, anubɛ Kowa, anubɛ Asiriyanu, n si anu damasi ladɛn ila minɛ rɔ. Anu dama kɛlɛ-den-kunyɛnu anubɛ mɔgɔ-banu anubɛ so-laburila-kunyɛ minnu fonike, ado anu mafɛlɛn di.

Maika 3:12

“Woletɔ mɔgɛ kɛnu bara-koe le ye a mala, sibolo-gbɛrɛkɛ-mɔgɛnu ni Yerusalɛm ma tonbɔn la. Anu si so-karantan kɛ rasin ka a ma sɛnɛ la. Wo kɔma, hali Marita Bon-Sɛnimɛ sɔnɛ kɔnkɛ min kuma, wo fanan si ma anuna sangban la.”

Habakuku 1:6

Babilɔn kɛ minnu karagbɛlɛ, ado anu yisi lakala kati, n bi nala sɛnbɛ dila anu ma mɔgɛnu kan ma. Anu bara wuli buila sibolo-gbɛrɛnu ma ka anuna nyamanɛnu bi anu bolo.