2 Mansɛnu 24:15 - ALLALA KUMƐ

¹⁵ A tara ale Mansa Yɛhoyasin anubɛ a na anubɛ ala musinu anubɛ ata mɔgɔ-banu anubɛ ata mɔgɔ-ba-tɔgɔlamɛnu na a bolo Babilɔn.

2 Mansɛnu 24:15 ပူးပေါင်းရင်းမြစ်များ

2 Mansɛnu 20:18

A ko hali ile mansɛ bɔnsɔn donu si ta. Wo donu si ma tɛgannu na minnu si to wɔlila Babilɔn mansɛla bolɔn la.”

2 Mansɛnu 24:8

Yɛhoyasin ya mansayɛ sɔrɔn Yuda nyamanɛ rɔ a sɔrɔn-san tan-ni-segin-nyɔgɛ le ma. A ye mansayɛ la Yerusalɛm soe burɔ karɛ sawa pe. A na le Ɛlinetanna den Nɛhusita min bɔra Yerusalɛm soe burɔ.

2 Mansɛnu 25:12

A ya minnu to Yuda nyamanɛ rɔ, fɔ bolo-kolon-gbɛnu, wɔli-kɛ-tina sa minnu bolo. A ya wonu to sɛni-ko-wɔlɛ kun na.

2 Mansɛnu 25:21

Anu ke anu na Ribila soe burɔ Hamati nyamanɛ rɔ, Babilɔn mansɛ ya Yerusalɛm kɛ wonu gbesi ka anu faga. Kɛlɛ tara Yuda mɔgɛnu na ka le.

2 Mansɛnu 25:27

Ifali-Mɛrodaki mara mansɛ la san min na Babilɔn nyamanɛ rɔ, ale Babilɔn mansɛ wo ya ko-nyimɛ kɛ Yuda mansa kɔrɛ Yɛhoyasin ye ka a labɔ yele la. Mansɛ wo ya a labɔ yele la san bi-sawa ani san wɔrɔnfilɛ, a karɛ tan-ni-fila nyɔgɛ, a tele mogan-ni-wɔrɔnfila nyɔgɛ le ma.

1 Ko-Kɔrɔta-Karan 9:1

Anu ya Isirɛla kebilɛ bɛɛ tɔgɛ sɛbɛ Isirɛla mansɛnuna buku do rɔ iko kebilɛ wonu tugunnɛ anu nyɔgɔn na nya min. Kɛlɛ tara Yuda kɛnu na Babilɔn nyamanɛ rɔ ka a tɛgɛ anuna hakɛla ko ma.

2 Ko-Kɔrɔta-Karan 36:10

San kurɛ kenɛ, Mansa Nɛbukanasa tara ale Mansa Yɛhoyasin anubɛ Mari Bato-Bɔn fen-kolomɛnu na a bolo Babilɔn. Wo kɔma, a ya Mansa Yɛhoyasin fa dɔgɔma Sɛdɛkaya ma mansɛ la ale Yɛhoyasin gbɛ rɔ Yuda nyamanɛ anubɛ Yerusalɛm soe kun na.

Ɛsita 2:5

Kei do ye Susa soe burɔ, Yahudiya le wo la. A tɔgɛ le Mɔdekɛyai. A fa tɔgɛ le Yeya. Wo fanan fa tɔgɛ le Simayi. Simayi fa fanan tɔgɛ le Kisi. Wonu bɔra Bɛnyamɛ bɔnsɔn-mɔgɛnu tɔ.

Ɛsita 2:6

Babilɔn mansa Nɛbukanasa ya Yuda mansa Yɛhoyasin anubɛ ala nyamanita-mɔgɛnu bira wati min ka ta anu na Babilɔn nyamanɛ rɔ, Mɔdekɛyai ye anu tɛma nun.

Yɛrɛmaya 13:18

Mari ya a fɔ n ye ko n ni kɛ fɔ Yuda mansɛ anubɛ a na ye. A ko anu ni anu nasɔ anuna mansaya-waganɛ rɔ. Anuna mansaya-fulɛ si bɔ anu kunyɛ la.

Yɛrɛmaya 29:2

Mansa Yɛhoyasin anubɛ a na tara birɛ rɔ tumɛ min, anubɛ Yerusalɛm mɔgɔ-banu anubɛ Yuda kun-tigi toe anubɛ nyɔ-boloma-wɔli-kɛlɛnu anubɛ nyɔ-siyakinu, n nara to kɛdi kɛ sɛbɛla.

Yɛrɛmaya 52:28

Nɛbukanasata san wɔrɔnfila nyɔgɛ ma mansayɛ la, a tara mɔgɛ minnu na biralɛ rɔ a bolo, wonu yatɛ le kɛnu na. Mɔgɔ waga sawa anubɛ mɔgɔ mogan-ni-sawa (3,023).

Isikiyɛli 17:12

“Mɔgɔ-murutiyanɛnu manyinika, wa, ni anu ya tili kɛ kɔrɛ lɔn. A fɔ anu ye ko Babilɔn mansɛ nara Yerusalɛm soe burɔ. A tara Yuda mansɛ anubɛ a mɔgɔ-banu dununa a bolo Babilɔn nyamanɛ rɔ.

Isikiyɛli 17:13

Babilɔn mansɛ ya Yuda mansɛ wola dan do bi ka sarama-kan do kiri anu nyɔgɔn tɛma alako anu kana na anu nyɔgɔn kɛlɛ. A tara mɔgɔ-ba wonu na biralɛ rɔ nun

Isikiyɛli 17:3

alako anu ni a lɔn nde, wo Tigi Mari ye min fɔla wo ye. Kokɛ-belebele do ye nyɔ nun min kanban tafulennɛ. A kanban-tiyi wonu kin dɔgɔma-ma-de! A kanban wonu tagbɛlɛ. A gbanta ka ta Lɛbanan kɔnkɛnu kuma. A ke nyɔ, a ya sida-kɔn-sungban do keri.

Isikiyɛli 19:9

Anu ya yɔlɔkɛ kɛ a ma ka a ladon sansan burɔ ka ta a don Babilɔn mansɛ bolo. Anu ya a sa yele la ka a kandan alako a bɔrɔndɔ-bɔrɔndɔ-kan wo ni ban Isirɛla kɔnkɛnu tɔ feufeu!

Daniyɛli 1:3

Isirɛla kemini minnu bɔra mansaya-bɔn anubɛ tɔgɔlamɛnuna bɔn la, ale mansɛ ya a fɔ ala kandɛ ye min tɔgɛ Asipinasi ko a ni ta wo donu yatɔnbɔn.