2 Mansɛnu 24:14 - ALLALA KUMƐ

¹⁴ A ya mɔgɔ waga tan (10,000) bira ka ta wonu na Babilɔn nyamanɛ rɔ, a kɛlɛ-den-kun wo, a kɛlɛ-den wo, a boloma-wɔli-kɛla wo, katarala nunakɛnu ma. A tara anu dama la fɔɔ Babilɔn nyamanɛ rɔ. Fɔ fugarɛnu gbansan, wonu denu denu tora Yuda nyamanɛ rɔ.

2 Mansɛnu 24:14 ပူးပေါင်းရင်းမြစ်များ

2 Mansɛnu 24:16

A tara mɔgɔ waga wɔrɔnfila (7,000) la minnu tagbɛlɛ anubɛ mɔgɔ waga kelen (1,000) minnu kusan boloma-wɔlɛ kɛnu na. Wonu fanan tagbɛlɛ.

2 Mansɛnu 25:12

A ya minnu to Yuda nyamanɛ rɔ, fɔ bolo-kolon-gbɛnu, wɔli-kɛ-tina sa minnu bolo. A ya wonu to sɛni-ko-wɔlɛ kun na.

1 Ko-Kɔrɔta-Karan 9:1

Anu ya Isirɛla kebilɛ bɛɛ tɔgɛ sɛbɛ Isirɛla mansɛnuna buku do rɔ iko kebilɛ wonu tugunnɛ anu nyɔgɔn na nya min. Kɛlɛ tara Yuda kɛnu na Babilɔn nyamanɛ rɔ ka a tɛgɛ anuna hakɛla ko ma.

Ɛsira 2:1

Kebi Mansa Nɛbukanasa tara mɔgɛ kɛnu na Babilɔn nyamanɛ rɔ, anu tora biralɛ le tɔ ha Mansa Sairasi ya anu hɔrɔya wati min. Anu mɔgɔ-siyaman nara to sɛgila wati wo le tɔ Yerusalɛm soe burɔ anubɛ Yuda nyamani-toe rɔ. Bɛɛ tara a halala-so rɔ.

Nihɛmaya 1:2

N na-kelen-nyɔgɛ min tɔgɛ Hanani, wonubɛ a ta-nyɔgɛ donu nara ka bɔ Yuda nyamanɛ rɔ. N ya anu manyinika Yerusalɛm soela ko ma anubɛ ma ta-nyɔgɛ Yahudiya mɔgɔ-birani-kɔrɛ minnu bara bɔ yan ka ta nyɔ.

Ɛsita 2:6

Babilɔn mansa Nɛbukanasa ya Yuda mansa Yɛhoyasin anubɛ ala nyamanita-mɔgɛnu bira wati min ka ta anu na Babilɔn nyamanɛ rɔ, Mɔdekɛyai ye anu tɛma nun.

Aiseya 3:2

A mara kɛlɛ-nyana la wo, a mara kɛlɛ-den na wo, a mara kiti-sala la wo, a mara nɛbi la wo, a mara bolo-tafɛlɛnna la wo, a mara nyamani-tigi la wo,

Yɛrɛmaya 28:4

Nɛbi Hananaya ko Mari si sɛgi Yahoyakimna den Yuda Mansa Yɛhoyasin anubɛ Yuda mɔgɔ-birani-kɔrɛnu na fanan. A ko Mari ko a si ale Babilɔn mansɛ latinya pɔ!

Yɛrɛmaya 29:2

Mansa Yɛhoyasin anubɛ a na tara birɛ rɔ tumɛ min, anubɛ Yerusalɛm mɔgɔ-banu anubɛ Yuda kun-tigi toe anubɛ nyɔ-boloma-wɔli-kɛlɛnu anubɛ nyɔ-siyakinu, n nara to kɛdi kɛ sɛbɛla.

Yɛrɛmaya 39:10

Ale kɛlɛ-den-kunyɛ ya fugarɛ donu to Yuda nyamanɛ rɔ. A ya sɛni-sa-tinɛ anubɛ ki-fan donu di anu ma.

Yɛrɛmaya 40:7

Yuda kɛlɛ-den-kunyɛ anubɛ kɛlɛ-dan donu ya anu buri, ado wonu ma sɔn dɛgɛ minna Babilɔn mansɛ ye. Kɛlɛ-maburilɛ wonu ya a lamɔɛn ko fugarɛ minnu ma ta birɛ rɔ Babilɔn, nyɔ-mansɛ ara wonubɛ Yuda nyamanɛ kerifa Kɛdalaya la.

Yɛrɛmaya 52:16

A ya minnu to Yuda nyamanɛ rɔ, fɔ bolo-kolon-gbɛnu, wɔli-kɛ-tina sa minnu bolo. A ya wonu to sɛni-ko-wɔlɛ kun na.

Yɛrɛmaya 52:28

Nɛbukanasata san wɔrɔnfila nyɔgɛ ma mansayɛ la, a tara mɔgɛ minnu na biralɛ rɔ a bolo, wonu yatɛ le kɛnu na. Mɔgɔ waga sawa anubɛ mɔgɔ mogan-ni-sawa (3,023).

Isikiyɛli 17:14

alako Isirɛla mɔgɛ wonu kana na wuli anu kan ma. A ya wo ma le alako ka sarama-kan wo mabalan.

Isikiyɛli 17:3

alako anu ni a lɔn nde, wo Tigi Mari ye min fɔla wo ye. Kokɛ-belebele do ye nyɔ nun min kanban tafulennɛ. A kanban-tiyi wonu kin dɔgɔma-ma-de! A kanban wonu tagbɛlɛ. A gbanta ka ta Lɛbanan kɔnkɛnu kuma. A ke nyɔ, a ya sida-kɔn-sungban do keri.

Matiyu 1:11

Yosaya mara Yɛhoyasin anubɛ a na-kelen-nyɔgɛnu benba la wo tumɛ anu bi biralɛ rɔ Babilɔn nyamanɛ rɔ.

Matiyu 1:12

Anu tɛ kɔmɛ Babilɔn, Yɛhoyasin ya Siyalitiyɛli sɔrɔn. Siyalitiyɛli mara Sarababulu fa-kinamɛ la.

Matiyu 1:17

Min bɛɛ tɔgɛ ratɛgɛnɛ ka a dabira Iburayima ma, ka a sigi Dawuda la, bɔnsɔn matiyi tan-ni-nani le. Ka a dabira Dawuda ma, ka a sigi Isirɛla mɔgɛnuna biralɛ rɔ Babilɔn, bɔnsɔn matiyi tan-ni-nani le. Ka a dabira mɔgɛnuna biralɛ ma Babilɔn, ka a sigi Allata-Mɔgɔ-Yabɔnɛ sɔrɔn wati ma, bɔnsɔn matiyi tan-ni-nani le.

Tɔn-Fɔɛ-Fila-Nyɔgɛ 28:36

“Mari si wole anubɛ wola mansɛ lagbengben ka wo labɔ wola nyamanɛ rɔ ka ta wo don wo yogenu bolo anuna nyamanɛ rɔ. Wo yogenu si to wo gbenna ka ta wo la nyamanɛ do rɔ, wo ma wo kian sɔ wɛ kan min nun, hali wo benbanu. Wo wa ke wonu bole tɔ tumɛ min, wo si anuna bɛsɛnu kɔ. Kɔlɔma anubɛ kuru-malɛsɛnɛ le wonu na.

1 Samuwɛli 13:19

Wo wati ya a taran, nunaka mumɛ fenfen sa Isirɛla mɔgɛnu tɛma bawo a ma di Filisitinu ye Hiburunu ni kɛlɛ-kɛ-fen sɔrɔn.