2 Mansɛnu 24:12 - ALLALA KUMƐ

¹² Yuda Mansa Yɛhoyasin wo, a na wo, ala kɛlɛ-den-kunyɛnu wo, ala bolon-mafɛlɛnnɛnu wo, anubɛ ala mɔgɔ-banu, wonu ya anu nyɛrɛ labelen Babilɔn kɛnu ma. Nɛbukanasala mansayɛ san segin nyɔgɛ ma, a ya Mansa Yɛhoyasin bi ka ta a la birɛ rɔ a bolo.

2 Mansɛnu 24:12 ပူးပေါင်းရင်းမြစ်များ

2 Mansɛnu 20:18

A ko hali ile mansɛ bɔnsɔn donu si ta. Wo donu si ma tɛgannu na minnu si to wɔlila Babilɔn mansɛla bolɔn la.”

2 Mansɛnu 24:11

Anu buinɛ Yerusalɛm soe ma, wo wati ya a taran, ale Mansa Nɛbukanasa nyɛrɛ ara na soe kan ma.

2 Mansɛnu 25:27

Ifali-Mɛrodaki mara mansɛ la san min na Babilɔn nyamanɛ rɔ, ale Babilɔn mansɛ wo ya ko-nyimɛ kɛ Yuda mansa kɔrɛ Yɛhoyasin ye ka a labɔ yele la. Mansɛ wo ya a labɔ yele la san bi-sawa ani san wɔrɔnfilɛ, a karɛ tan-ni-fila nyɔgɛ, a tele mogan-ni-wɔrɔnfila nyɔgɛ le ma.

2 Mansɛnu 25:8

Mansa Nɛbukanasala mansayɛ san tan-ni-kɔnɔntɛ, a karɛ loli, tele wɔrɔnfila nyɔgɛ ma, Mansa Nɛbukanasala mɔgɔ-ba do donta Yerusalɛm soe burɔ, ado ala kɛlɛ-den-kunyɛ le fanan. Wo tɔgɛ le Nɛbusaradan.

2 Ko-Kɔrɔta-Karan 36:10

San kurɛ kenɛ, Mansa Nɛbukanasa tara ale Mansa Yɛhoyasin anubɛ Mari Bato-Bɔn fen-kolomɛnu na a bolo Babilɔn. Wo kɔma, a ya Mansa Yɛhoyasin fa dɔgɔma Sɛdɛkaya ma mansɛ la ale Yɛhoyasin gbɛ rɔ Yuda nyamanɛ anubɛ Yerusalɛm soe kun na.

Ɛsita 2:5

Kei do ye Susa soe burɔ, Yahudiya le wo la. A tɔgɛ le Mɔdekɛyai. A fa tɔgɛ le Yeya. Wo fanan fa tɔgɛ le Simayi. Simayi fa fanan tɔgɛ le Kisi. Wonu bɔra Bɛnyamɛ bɔnsɔn-mɔgɛnu tɔ.

Ɛsita 2:6

Babilɔn mansa Nɛbukanasa ya Yuda mansa Yɛhoyasin anubɛ ala nyamanita-mɔgɛnu bira wati min ka ta anu na Babilɔn nyamanɛ rɔ, Mɔdekɛyai ye anu tɛma nun.

Aiseya 24:6

Woletɔ Alla ara dugi danka ka mɔgɛnu sara anuta ko-yogomɛla ko la. Minnu bara to anu niyi la, donu bi tola bɔla wonu na.

Yɛrɛmaya 13:18

Mari ya a fɔ n ye ko n ni kɛ fɔ Yuda mansɛ anubɛ a na ye. A ko anu ni anu nasɔ anuna mansaya-waganɛ rɔ. Anuna mansaya-fulɛ si bɔ anu kunyɛ la.

Yɛrɛmaya 24:1

Babilɔn Mansa Nɛbukanasa tara Mansa Yahoyakimna den Yuda Mansa Yɛhoyasin la Babilɔn nyamanɛ rɔ. A tara Yuda mɔgɔ-banu anubɛ a boloma-wɔli-kɛlɛnu anubɛ siyakinu fanan na. Wo tenbira min kɛ, Mari ya senda fila yira n na minnu nafanɛ toro-gbɔɛ la. Anu siginɛ Bato-Bɔn lu-kole ma.

Yɛrɛmaya 25:1

Yosayala den Mansa Yahoyakimna mansayɛ san nanɛ ma Yuda nyamanɛ rɔ, Mari ya kilayɛ kɛ le don nde, Yɛrɛmaya bolo wole, Yuda mɔgɛnuna ko la. (Nɛbukanasala mansayɛ san fɔlɔtɛ le kɛ la Babilɔn nyamanɛ rɔ.)

Yɛrɛmaya 36:30

Woletɔ Mari ye a fɔla ale Mansa Yahoyakimla ko la ko a ti den-wo-den sɔrɔn min si Mansa Dawuda gbɛ bi hali! A ko anu si a furi lakɛ a rɔ, tele si to a mamintanna, duri si to a kimala suyi rɔ.

Yɛrɛmaya 37:1

Babilɔn Mansa Nɛbukanasa ya Yosayala den Sɛdɛkaya sigi Yahoyakimna den Yɛhoyasin gbɛ rɔ Yuda nyamanɛ rɔ.

Yɛrɛmaya 52:12

Mansa Nɛbukanasala mansayɛ san tan-ni-kɔnɔntɛ, a karɛ loli, tele tan nyɔgɛ ma, ale Nɛbukanasala mɔgɔ-ba do donta Yerusalɛm soe burɔ, ado ala kɛlɛ-den-kunyɛ le fanan. Wo tɔgɛ le Nɛbusaradan.

Yɛrɛmaya 52:28

Nɛbukanasata san wɔrɔnfila nyɔgɛ ma mansayɛ la, a tara mɔgɛ minnu na biralɛ rɔ a bolo, wonu yatɛ le kɛnu na. Mɔgɔ waga sawa anubɛ mɔgɔ mogan-ni-sawa (3,023).

Yɛrɛmaya 52:31

Ifali-Mɛrodaki mara mansɛ la san min na Babilɔn nyamanɛ rɔ, ale Babilɔn mansɛ wo ya ko-nyimɛ kɛ Yuda mansa-kɔrɛ Yɛhoyasin ye ka a labɔ yele la. Mansɛ wo ya a labɔ yele la san bi-sawa ani san wɔrɔnfila, a karɛ tan-ni-fila, a tele mogan-ni-loli-nyɔgɛ le ma.

Isikiyɛli 17:12

“Mɔgɔ-murutiyanɛnu manyinika, wa, ni anu ya tili kɛ kɔrɛ lɔn. A fɔ anu ye ko Babilɔn mansɛ nara Yerusalɛm soe burɔ. A tara Yuda mansɛ anubɛ a mɔgɔ-banu dununa a bolo Babilɔn nyamanɛ rɔ.

Isikiyɛli 17:4

A tara wo la ka a ki soe do burɔ yilanuna nyamanɛ rɔ nyɔ.

Isikiyɛli 19:1

Mari ya a fɔ n ye ko n ni kinikini-sigi kɛ sa Isirɛla mansa-bɔn ye.

Isikiyɛli 19:13

Kaka, a kinɛ kɛnkɛn le tɔ dugu-gbalanɛ rɔ yi sa kan min.

Tɔn-Fɔɛ-Fila-Nyɔgɛ 28:36

“Mari si wole anubɛ wola mansɛ lagbengben ka wo labɔ wola nyamanɛ rɔ ka ta wo don wo yogenu bolo anuna nyamanɛ rɔ. Wo yogenu si to wo gbenna ka ta wo la nyamanɛ do rɔ, wo ma wo kian sɔ wɛ kan min nun, hali wo benbanu. Wo wa ke wonu bole tɔ tumɛ min, wo si anuna bɛsɛnu kɔ. Kɔlɔma anubɛ kuru-malɛsɛnɛ le wonu na.