2 Mansɛnu 23:5 - ALLALA KUMƐ

⁵ Bɛsi-kɔlɛnu bi sarakɛnu bɔla ka isɛnti mintan kan-tina-mayɛlɛnɛnu tɔ anuna bɛsi Beyali anubɛ tele anubɛ karɛ anubɛ lolenu ye, ado Yuda mansɛnu denu ya bɛsi-kɔlɛ wonu sɔ. Ni min bi ala wɔli kɛla Yerusalɛm soe dafɛ le, ka, ni a taranta so-gbɛrɛkɛ le tɔ Yuda nyamanɛ rɔ, Mansa Yosaya ya wonu dama ban Yuda nyamanɛ rɔ.

2 Mansɛnu 23:5 ပူးပေါင်းရင်းမြစ်များ

2 Mansɛnu 21:5

Bato-Bɔn wo kata gbaranda filɛ burɔ, a ya saraka-mintan-tinɛnu nadan nyɔ rɔ alako ka wonu ma lolenu bato tinɛ la.

2 Ko-Kɔrɔta-Karan 33:3

A fa Mansa Hɛsakaya ya Alla-batobɛlɛnuna kɔ tinɛ minnu tinya, ale Mansa Manasa ya wonu sɔ-kurɛ-kɛ tun. A ya saraka-bɔ-tinɛnu nadan anu si Beyali kɔ kan min. A ya kɔlɔma lɛsɛ bɛsi-musi Asurala muninyɛ la. Min sanɛ wo kuma, a ya lolenu fanan bato.

2 Ko-Kɔrɔta-Karan 34:4

Ala mɔgɛnu ya Beyali kɔ tinɛnu tinya ka isɛnti mintan tinɛnu tinya minnu bi bɛsɛ wonu dafɛ. Anu ya bɛsi-musi Asura wonubɛ bɛsɛ doinu tabunden. Wo kɔma, a ya bɛsɛ wonu gbangbannu kɛ bɛsɛ wonu masɔlɛnu kaburunu kuma.

Yobu 38:32

I si ke lolenu makandanna samɛ anubɛ telemɛ rɔ? I si ke kumala lolenu ye, anu ni i kuman-kan to a gbɛ rɔ?

Isikiyɛli 8:6

Alla ya a fɔ n ye ko, “Ile hadama-dan, i wara a yen min bi mala? I wara a yen Isirɛla bɔnsɔn-mɔgɛnu bi ko-kɔsɔni-sufa min nadanna? Ko-sufa kɛnu denu bi a mala, n ni n bɔ nta kan-tina-sɛnimɛ kɛ rɔ feufeu! Nba, i si ko-yogomɛ yen anu bolo kɛ rɔ min tenbira kɛ la.”

Hoseya 10:5

Sɛnɛ min nadannɛ ninki-danla muninyɛ la Bɛti-Efɛn soe burɔ, wole Samariya kɛnu bi kilanna ko anu kana na foo wo la. Wo yogenu ba sɛnɛ wo bɛɛ ka kɔlɔma-lɛsɛnɛ wo ma, bɛsɛ wo kɔlɛnu anubɛ a saraka-masɔlɛnu si na di bɛsɛ wola ko la bawo anu bara foo a la.

Sɛfanaya 1:4

Mari ko a si a kɔɛn lata wole Yuda nyamanita-mɔgɛnu anubɛ Yerusalɛm so-burɔ-mɔgɛnu kan ma ka wo tɔrɔ. A ko a si Beyali bɛsi-kɔlɛnu ban yan fegba! Hali Beyalita saraka-masɔlɛnu tɔgɛ si tunu mɔgɛnu tɛma.