2 Mansɛnu 23:4 - ALLALA KUMƐ

⁴ Saraka-Masɔla-Kun-Tigi-Wɛ Helikaya wo, a tatugunnɛnu wo, saraka-masɔlɛ minnu bi Bato-Bɔn bonda-da-makandanna wo, Mansa Yosaya ya a fɔ wonu ye ko, “Beyali kɔ-fannu wo, Asura kɔ-fannu wo, lolenu-bato-fannu wo, wo ni wonu nabɔ Bato-Bɔn kɛ burɔ.” Wonu ban bɛsi-kɔ-miran wonu nabɔla luyi ma, mansɛ ya miran wonu nabɔ soe kɔma ka anu mintan Kidirɔn lɛɛ telen tɔ. A ya a ma, anu tara wonu gbangban la Bɛtɛli soe burɔ.

2 Mansɛnu 23:4 ပူးပေါင်းရင်းမြစ်များ

2 Samuwɛli 15:23

Mansa Dawuda anubɛ ala mɔgɛnu bi tala, so-burɔ-mɔgɛnu bi dila anuna ko la anu sɛbɛ-kuna-wɛ la. Mansɛ anubɛ ala mɔgɛnu ya yi do tɛgɛ min tɔgɛ Kidirɔn. Anu kunyɛ telennɛ wulɛ wara le la.

1 Mansɛnu 12:29

A ya ninki-dan wo kelen to Bɛtɛli soe burɔ. A tara doi to Dan soe burɔ.

1 Mansɛnu 15:13

A ya a mama Meyaka wo bɔ mansa-musuyɛ la bawo a ara bɛsi-musumɛ Asura muninyɛ ladan min mamilita. A ya bɛsɛ wo bi ka a rakerikeri ka a mintan Kidirɔn lɛɛ rɔ.

1 Mansɛnu 16:31

A ya hakɛ min kɛ iko Mansa Yɛrabowamitɛ, wo ma a wasa. A sɛgira tala Saidon Mansa Ɛtibeyalila dunmusi furula. Musi wo tɔgɛ le Yɛsɛbɛli. Wo kɔma, a ya bɛsɛ do kɔ min tɔgɛ Beyali.

1 Mansɛnu 18:19

Nɛbi Ilaya ya a fɔ a ye tun ko, “Ta a fɔ Isirɛla mɔgɔ damasi ye ko anu ni na n taran Kamɛli kɔnkɛ kuma. Nɛbi kɛmɛ nani ani bi-loli minnu bi Bɛsi Beyali kɔla, wonu fanan ni na. Nɛbi kɛmɛ nanɛ fanan minnu bi ila musi Yɛsɛbɛli kɔrɔ Asura bɛsi-kɔ-tinɛ, wonu fanan ni na.”

1 Mansɛnu 18:26

Anu ya tura kelen bi ka wo faga. Anu ya a soge wo sa sɔgɔ-ladɛnnɛ wo kuma. Ka a bi sɔgɔmɛ ma ha tele latelan, anu bi anuna Beyali wo matarala. Anu bi gbele-gbelenna ka a fɔ ko, “Beyali, ma yabi. Beyali, ma yabi.” Anu ya saraka-mintan-tinɛ min nadan, anu tora anu dɔnna wola foolɛ rɔ. Kɔnɔ anu ma yabilɛ mumɛ yen anu yɛ la.

1 Mansɛnu 18:40

Nɛbi Ilaya ya a fɔ anu ye ko, “Wo ni Beyalita nɛbinu bira. Wo kana sɔn, anu do-wo-do ni anu buri.” Mɔgɛ wonu ya nɛbi wo dama bira. Anu bilara Nɛbi Ilaya fɛ ka ta nɛbi wonu faga Kisɔn ba lɛɛ dafɛ.

1 Mansɛnu 19:18

Kɔnɔ hali wo, n si mɔgɔ waga wɔrɔnfila to a niyi la Isirɛla nyamanɛ rɔ bawo wonu denu telennɛ n ye. Anu ma anu madu Beyali kɔrɔ. Anu ma a sunbu.”

2 Mansɛnu 10:26

Anu ya anuna bɛsi Beyali gbu labɔ luyi ma ka wo mintan.

2 Mansɛnu 12:10

Wo wa siyaya kenkirɛ rɔ, mansɛla kɛdi-sɛbɛlɛ anubɛ saraka-masɔla-wɛ si ta wodi wonu bɔ kenkirɛ wo rɔ ka a dan. Wo kɔma, anu si a kɛ bɔrɛnu tɔ ka anu dan lakiri.

2 Mansɛnu 17:16

Anu ya anuta Mari Allata tɔn bɛɛ tinya. Anu ya nɛgɛ ladan ninki-den filala muninyɛ la. Anu ya kɔlɔma lɛsɛ musila muninyɛ la ka a kele ko Asura. Anu ya lolenu bato. Anu ya anuna bɛsi Beyali kɔ.

2 Mansɛnu 21:3

A fa Mansa Hɛsakaya ya Alla-batobɛlɛnuna kɔ tinɛ minnu tinya, Mansa Manasa ya wonu sɔ a kurɛ la tun. A ya bɛsi-kɔ-tina-mayɛlɛnɛnu nadan anu si Beyali kɔ kan min. A ya kɔlɔma lɛsɛ musila muninyɛ rɔ iko Isirɛla Mansa Ehabu ya a ma nya min nun. Bɛsɛ wo tɔgɛ le Asura. Min sanɛ wo kuma, a ya lolenu fanan bato.

2 Mansɛnu 21:5

Bato-Bɔn wo kata gbaranda filɛ burɔ, a ya saraka-mintan-tinɛnu nadan nyɔ rɔ alako ka wonu ma lolenu bato tinɛ la.

2 Mansɛnu 21:7

A ara bɛsi-musumɛ min nadan kɔlɔma la min tɔgɛ Asura, a ya wo bi ka wo sigi Mari Bato-Bɔn la. Mari ara a fɔ Mansa Dawuda anubɛ ala den Mansa Silamɛni ye nyɔla ko la nun ko, “N bara Yerusalɛm soe kan-tina-kelan kɛ le yabɔ Isirɛla bɔnsɔn tan-ni-filɛ tɛma anu si to n batola kan min.

2 Mansɛnu 22:4

Mansa Yosaya ya a fɔ ale Safan ye ko, “Ta Saraka-Masɔla-Kun-Tigi-Wɛ Helikaya wara. A fɔ a ye ko saraka-masɔlɛ minnu bi wodi makelela batoli-kɛlɛnu bolo bonda-dɛ la, ni anu bara min nyɔgɔn sɔrɔn, anu ni wo dan.

2 Mansɛnu 23:12

Yuda mansɛnu ya bɛsi-kɔ-tinɛ minnu nadan Mansa Ehasi ki-tina-kɔrɛ kuma, ale Mansa Yosaya ya wo rakeri. Mansa Manasa ya bɛsi-kɔ-tinɛ minnu nadan Mari Bato-Bɔn kata gbaranda filɛ burɔ nun, a ya wonu fanan takeri. A ya kan-tina filɛ wo bɛsɛnu takerikeri ka wonu nakɛ a rɔ Kidirɔn lɛɛ rɔ.

2 Mansɛnu 23:15

Nebatila den Mansa Yɛrabowami min ya Isirɛla mɔgɛnu nadon hakɛ rɔ, wo ya bɛsi-kɔ-tinɛ min nadan Bɛtɛli, Mansa Yosaya ya wo fanan tinya. Kuri minnu nadannɛ saraka-mintan-tinɛ la, a ya wonu tatiitii ka anu munku iko gbangban ka Asurala muninyɛ mintan.

2 Mansɛnu 25:18

Saraka-Masɔla-Kun-Tigi-Wɛ Sɛraya wo, a kan-kɔrɔ-sigilɛ Sɛfanaya wo, Bato-Bɔn bonda-da-makandanna mɔgɔ sawɛ wo, Nɛbusaradan ya wonu dama bira.

2 Ko-Kɔrɔta-Karan 15:16

Mansa Esa ya a mama Meyaka bɔ musu-mansayɛ la bawo a ya kɔlɔma lɛsɛ musila muninyɛ la min tɔgɛ Asura, ado wo mamilita. Mansa Esa ya bɛsɛ wo ratɛgɛtɛgɛ ka a mintan Kidirɔn yi-dɛ la.

2 Ko-Kɔrɔta-Karan 33:3

A fa Mansa Hɛsakaya ya Alla-batobɛlɛnuna kɔ tinɛ minnu tinya, ale Mansa Manasa ya wonu sɔ-kurɛ-kɛ tun. A ya saraka-bɔ-tinɛnu nadan anu si Beyali kɔ kan min. A ya kɔlɔma lɛsɛ bɛsi-musi Asurala muninyɛ la. Min sanɛ wo kuma, a ya lolenu fanan bato.

2 Ko-Kɔrɔta-Karan 33:7

A ya bɛsɛ do sigi Mari Bato-Bɔn la, ado Mari ara a fɔ Mansa Dawuda anubɛ ala den Mansa Silamɛni ye nun ko, “N bara Yerusalɛm soe kan-tina-kelan kɛ le yabɔ Isirɛla bɔnsɔn tan-ni-filɛ tɛma anu si to n batola kan min.

Aiseya 27:9

Alla-lɔnbɛlɛnuna saraka-mintan-tinɛnu ba ma gbangban la tumɛ min Isirɛla mɔgɛnu bolo, Mari si Isirɛla mɔgɛnu makoto anu hakɛ la wo wati le tɔ. A ti anu makoto fɔ wusura mintan tinɛnu ba ban. A sa nyinina fenfen-lɛsɛni ma tun iko anuna bɛsi-musumɛ Asura manɛ nya min.

Yɛrɛmaya 52:24

Saraka-Masɔla-Kun-Tigi-Wɛ Sɛraya wo, a kan-kɔrɔ-sigilɛ Sɛfanaya wo, anubɛ Bato-Bɔn bonda-da-makandanna mɔgɔ sawɛ wo, Nɛbusaradan ya wonu dama bira.

Yɛrɛmaya 7:9

Ha bi, wo ye kankanyɛ kɛla. Ha bi, wo ye mɔgɔ-fagɛ kun na. Ha bi, wo bole ye yɛlɛnyɛ rɔ. Ha bi, wo ye tɔgɛ sala mɔgɛnu na. Ha bi, wo ye bɛsi Beyali kɔla. Ha bi, wo nɔrɔnɛ sibolo-gbɛrɛnuna bɛsi-kɔ-koenu ma.

Isikiyɛli 8:6

Alla ya a fɔ n ye ko, “Ile hadama-dan, i wara a yen min bi mala? I wara a yen Isirɛla bɔnsɔn-mɔgɛnu bi ko-kɔsɔni-sufa min nadanna? Ko-sufa kɛnu denu bi a mala, n ni n bɔ nta kan-tina-sɛnimɛ kɛ rɔ feufeu! Nba, i si ko-yogomɛ yen anu bolo kɛ rɔ min tenbira kɛ la.”

Hoseya 4:15

“Hali wole, Isirɛla mɔgɛnu ma telen n ye kɔnɔ Yuda mɔgɛnu kana anuta kɛ-nyanu bi. Wo kana batoli-kɛ Kiligali soe anubɛ Bɛti-Efɛn soe burɔ. Wo kana lanyiri kiri nyɔ nde, Mari-nimɛ tɔgɛ rɔ.

Emɔsi 4:4

Allatala ko wole Isirɛla mɔgɛnu, ni a di wo ye, wo ni ta wola kan-tina-sɛnimɛ Bɛtɛli ka hakɛ kɛ iko a di wo ye nya min. A ko wo ni ta Kiligali fanan ka murutiya iko a di wo ye nya min. Wo si na wola sarakɛ minnu na san la, ni a di wo ye, wo ni to nala wonu na sɔgɔma-wo-sɔgɔma. Wo si na wola yaka min na san kɔrɔ iko sawa, ni a di wo ye fanan, wo ni na wonu na tele-sawa wo tele-sawa kɔrɔ.

Sɛfanaya 1:4

Mari ko a si a kɔɛn lata wole Yuda nyamanita-mɔgɛnu anubɛ Yerusalɛm so-burɔ-mɔgɛnu kan ma ka wo tɔrɔ. A ko a si Beyali bɛsi-kɔlɛnu ban yan fegba! Hali Beyalita saraka-masɔlɛnu tɔgɛ si tunu mɔgɛnu tɛma.

Matiyu 26:3

Saraka-masɔla-wɛnu anubɛ Yahudiya-kɛmɔgɛnu ya anu nadɛn Saraka-Masɔla-Kun-Tigi Kaifasi warɛ.

Matiyu 27:1

Subaga-dɛ ma, saraka-masɔla-wɛ bɛɛ anubɛ Yahudiya-kɛmɔgɛnu ya anu nyɔgɔn nadɛn ka sɔn Yisa faga-koe ma.

Yɔni 18:1

Yisa banta madiyalɛ kɛ kɛla tumɛ min, anubɛ ala karan-dannu tara ka Kidirɔn yi tɛgɛ. Ki-fannu bi kan tinɛ wo rɔ. Yisa anubɛ ala karan-dannu donta ki-fan wonu kɔrɔ.

Kɛlɛ-Kurugbɛnu 2:13

Anu ya Mari-bato-koe boloka ka bila bɛsɛ donu fɛ. Bɛsɛ wonu tɔgɛ le Beyali anubɛ Asitɔra.