2 Mansɛnu 23:34 - ALLALA KUMƐ

³⁴ Ale Mansa Niko ya a ma, anu ya Mansa Yosayala dan do ma mansɛ la Yɛhowahasi gbɛ rɔ. Wo tɔgɛ le Ilayakim kɔnɔ Iyipiti Mansa Niko ya a tɔgɛ yɛlɛma ko Yahoyakim. Mansa Niko tara a kɔrɔ Mansa Yɛhowahasi la Iyipiti nyamanɛ rɔ. A fagara nyɔ le.

2 Mansɛnu 23:34 ပူးပေါင်းရင်းမြစ်များ

Ko-Dabirɛnu 41:45

Mansɛ ya tɔgɔ-kurɛ di ale Yusufu ma, a ko, “I tɔgɛ le gbɛ ‘Duninya-Kisilɛ.’ ” Mansɛ ya Asɛnati furu Yusufu ye ka a di a ma. Asɛnati wo fa Pɔtifɛra le saraka-masɔ-wɔlɛ kɛla Iyipiti bɛsɛnu ye Hɛliyapolisi soe burɔ. Yusufu-sɔrɔn ya san bi-sawa bɔ tumɛ min, a nara to sɔ tinɛ wo sɔrɔnna Iyipiti nyamanɛ rɔ. Yusufu ya ala wɔlɛ dabira ka Iyipiti nyamanɛ ratagama.

2 Mansɛnu 23:29

Mansa Yosaya ye ala mansayɛ la wati min, Iyipiti Mansa Niko nara ala kɛlɛ-dannu na Yufereti bɛ dala Asiriyanu madɛnbɛ tinɛ kɛlɛ rɔ. Ale mansɛ tara kilɛ tɛgɛ tinɛ Iyipiti kɛlɛ-dan wonu ma Magidɔ soe burɔ. Iyipiti mansɛ ya a yen nyɔ min kɛ, a ya a faga. A kunyɛ tora kɛlɛ rɔ nyɔ le.

2 Mansɛnu 24:17

Wo kɔma, a ya Mansa Yɛhoyasin fa-dɔgɔma Matanaya ma mansɛ la Mansa Yɛhoyasin gbɛ rɔ ka a tɔgɛ yɛlɛma ko Sɛdɛkaya.

1 Ko-Kɔrɔta-Karan 3:15

Yosaya ya den-kei mɔgɔ nani sɔrɔn, Yohenan wo, Yahoyakim wo, Sɛdɛkaya wo, anubɛ Yɛhowahasi.

Yɛrɛmaya 35:1

Yosayala den Yahoyakim ye mansayɛ la Yuda nyamanɛ rɔ tumɛ min, Mari kumara n ye tun.

Daniyɛli 1:7

Anu karan-mɔgɛ ya tɔgɔ-kura sa anu kuma. A ya Daniyɛli tɔgɔ yɛlɛma Bɛlitisasa. A ya Hananaya tɔgɔ yɛlɛma Sadiraki. A ya Misiyɛli tɔgɔ yɛlɛma Mɛsaki. A ya Asaraya tɔgɔ yɛlɛma Abɛdinigɔ.

Yasowa 18:18

Dan wo le tenbira kɔnkɔ-bolɔn do la kantɔ min yɛ layiginɛ Yorodan-ba-lɛɛ ma.