2 Mansɛnu 23:3 - ALLALA KUMƐ

³ A ban, ale mansɛ wo sɔra Bato-Bɔn sɛnbɛrɛn-kɔn fɛ ka lanyiri kiri Mari ye. A ko a si ala tɔn wonu natɔnbagaya a yisi bɛɛ la. A ko a si sereya mumɛ bɛɛsi bira iko sarama-kan sɛbɛnɛ Marita buku rɔ nya min. Ala nyamanita-mɔgɛ wonu damasi sɔnta kumɛ wo ma. Anu ko anu denu fanan si tɔn wo damasi bira.

2 Mansɛnu 23:3 ပူးပေါင်းရင်းမြစ်များ

2 Mansɛnu 11:14

A ke nyɔ, a ya mansa-kurɛ sɔnɛ taran Bato-Bɔn don-dɛ sɛnbɛrɛn-kɔn fɛ iko anuna namu ye nya min. Mansa-kurɛ kɛ lafoonɛ kandali-kɛlɛnuna kun-tiginu bolo anubɛ buru-fɛlɛnu anubɛ mɔgɛnu. Anu damasi ye a lawɔyɔla sewɛ bolo. Anu bi burinu fanan fɛla. Ale Atalaya ya wo rayen min kɛ, a ya ala duruki rafara yisi-tinyɛ bolo. A ya a fɔ ko, “Anu bi nna bu-koe le tɔ kɛ la.”

2 Mansɛnu 11:17

Saraka-Masɔla Yɛhoyada ya sarama-kan kiri Mari ye mansa-kurɛ wonubɛ ala mɔgɛnuna ko la ko anu ti bɔ Mari fɛ muk! A ya a ma fanan, mɔgɛnu ya sarama-kan kiri mansa-kurɛ wo ye ko anu ti anu bɔ a fɛ mumɛ!

2 Ko-Kɔrɔta-Karan 15:15

Yuda mɔgɛ bɛɛ sewara bawo anu bara sarama-kan kɛ kiri anu yisi bɛɛ la. Anu sewara Mari bato tinɛ. Woletɔ Mari fanan ya anu tabira ka yisi-kimɛ di anu ma anuna nyamanɛ wo kan tinɛ bɛɛ rɔ.

2 Ko-Kɔrɔta-Karan 23:13

A ke nyɔ, a ya mansa kurɛ sɔnɛ taran Bato-Bɔn don-dɛ la sɛnbɛrɛn-kɔn dafɛ mansɛnu duruta sɔla kan min. Mansa-kurɛ kɛ lafoonɛ kɛlɛ-den-kunyɛnu na anubɛ buru-fɛlɛnu. Anu damasi ye a lawɔyɔla sewɛ bolo. Anu bi burinu fanan fɛla. Bato-Bɔn fɔli-fannu kɛnɛ a rɔ fɔli-kɛlɛnu bolo. Ale Atalaya ya wo rayen min kɛ, a ya ala duruki rafarafara yisi-tinya bolo. A ya a kuli mayɛlɛ ka a fɔ ko, “Wo ye n nabu-koe le tɔ kɛ la. Wo ara bɔ n kɔrɔ.”

2 Ko-Kɔrɔta-Karan 23:16

Saraka-Masɔla Yɛhoyada ya a ma, mansa-kurɛ wonubɛ ala mɔgɛnu ya sarama-kan kiri Mari ye ko anu ti bɔ Mari fɛ muk!

2 Ko-Kɔrɔta-Karan 29:10

“N bara ban a latɛgɛla ko mabɛ Isirɛlata Mari Alla ni sarama-kan kiri ma nyɔgɔn tɛma alako a fondo-bɔnɛ kana to ma kuma tolon!

Ɛsira 10:3

Ma dama ni lanyiri kiri Alla ye gben ko ma si ma ban musi kɛnubɛ anuna dannu na ka anu gben. Ma si a ma iko ile Ɛsira anubɛ i ta-nyɔgɛ Allata-tɔn-lɔnnɛnu bi a fɔla ma ye nya min. Ma si a ma iko Allata tɔn ye a fɔla ma ye nya min.

Nihɛmaya 10:1

Mɔgɔ fɔlɔtɛ min ya a bole sa mana kɛ rɔ, wo le mala kun-tigi Nihɛmaya la, Hakalayala dan, kɔni. Wo kɔma, Sɛdɛkaya ya a bole sa mana rɔ.

Nihɛmaya 5:13

N ya n butɛ-kiri-fan ragbɔngbɔn. N ya a fɔ anu ye ko, “Ni min ma kumɛ kɛ latɔnbagaya, Alla ye wo tigi fanan tagbɔn-gbɔnna ka le. Alla si wo tigila bɔn anubɛ a bolo-fan mumɛ bɛɛ toronde a la ka a to sigini gboka!” Min bɛɛ taranta nyɔ rɔ wonu ko, “Amina!” Wo kɔma, wonu ya Alla tanto. Anu damasi ya anu kan wo latɔnbagaya.

Nihɛmaya 9:38

Ka a tɛgɛ koe min bɛɛsi ara ma kɔrɔma la, male Isirɛla mɔgɛnu sarata ko kelen de ma ka kɛdi sɛbɛ ka ma bole sa mana rɔ. A kun-tigi wo, a Lifayi wo, a saraka-masɔla wo, ma dama ara ma tɔgɛ sɛbɛ.

Bɔ-Koe-Iyipiti 24:3

Wo kɔma, Musa tara ka Marila kumɛ anubɛ ata tɔn kɛnu natenbi mɔgɛnu ma. Mɔgɛ bɛɛ ya a fɔ nya-kun-kelen ko, “Mari ara kumɛ min bɛɛsi fɔ, ma si wonu bira.”

Makawandili Kumɛnu 8:2

Mansɛta kumɛnu to a gbɛ rɔ ka a tɛgɛ wo ara lanyiri min kiri ale mansɛ ye Alla yala.

Yɛrɛmaya 34:15

A ko wole fanan bara wo miriya yɛlɛma kaka ka a diyana-koe ladan. Wo sɔnta wo na-kelen-nyɔgɛ boloka-koe ma. Wo ya sarama-kan kiri a Bato-Bɔn la Mari nyɛrɛ yala.

Yɛrɛmaya 34:8

Mansa Sɛdɛkaya anubɛ Yerusalɛm kɛnu sɔnta ko kelen ma. Anu sɔnta ko bɛɛ ni a ta-nyɔgɛ Hiburu yɔɔn boloka, a keima wo, a musuma wo. A ko mɔgɔ kana a na-kelen-nyɔgɛ Isirɛla mɔgɛ ma yɔɔn la tun. Mɔgɔ-banu anubɛ anuna mɔgɛnu sɔnta yɔɔn-boloka-koe wo ma. Anu ko anu ti wo sufa ma tun. Anu ya anuna yɔɔnnu boloka kɔnɔ tɔ-a-la, anu ya anu miriya yɛlɛma. Anu ya anu nasɛgi yɔɔnyɛ rɔ tun ka a lagbɛlɛya anu kuma. Wo kɔma, Mari Isirɛlata Alla ya sarakanɛ don n bolo

Yɛrɛmaya 4:2

Ni wo ya wo keli Mari kelan rɔ, wo kɔma ka lanyiri wo kanbali, sibole bɛɛ si duwɛ sɔrɔn wo lela ko la, ado anu si to ale Mari matɔgɔla ala ko-ladannɛnuna ko la.

Yɛrɛmaya 50:5

Anu si Yerusalɛm kilɛ manyinika alako anu ni bɔ nyɔ-kilɛ la. Anu denubɛ Mari si sarama-kan kiri anu nyɔgɔn tɛma min ti tinya muk!

Tɔn-Fɔɛ-Fila-Nyɔgɛ 10:12

Musa ya a fɔ tun ko, “Wo Mari ye nyinina min ma wo bolo, wole Isirɛla mɔgɛnu, wo ni wo tole masɔ wo la. Wo ni Alla bato ka ata kumɛnu bira ka a ma iko a ya a fɔ wo ye nya min. Wo ni a keni ka ata wɔlɛ kɛ wo yisi bɛɛ la,

Tɔn-Fɔɛ-Fila-Nyɔgɛ 11:13

“Min sanɛ wo kuma, n bara Marita tɔn minnu di wo ma bi, wo ni wonu bira. Wo ni Mari Alla keni ka ata wɔlɛ kɛ wo yisi bɛɛ la.

Tɔn-Fɔɛ-Fila-Nyɔgɛ 13:4

Wo si bila wota Mari Alla fɛ ka a gbiliya bɛrɛkɛ ka ata kumɛnu anubɛ ata tɔnnu bira. Wo ni ale bato ka ma lanaya-mɔgɛnu na ale ye.

Tɔn-Fɔɛ-Fila-Nyɔgɛ 29:1

Kuma-kolomɛ le kɛnu na Mari ya minnu lanyiri kiri Musa ye wo tumɛ Isirɛla mɔgɛnu bi Sinayi kɔnkɛ dafɛ. Kaka, a ye nala kumɛ wo le makofuli-kɛla Mohabu nyamanɛ rɔ.

Tɔn-Fɔɛ-Fila-Nyɔgɛ 4:45

anu bɔɛ Iyipiti nyamanɛ rɔ. A ye a karanna anu ye tumɛ min, wo ya a taran, anu bi Yorodan bɛ dafɛ Bɛti-Piyɔri soe da kɔrɔ. Dugi kan tinɛ wo ye Amora Mansa Saihɔn le bolo nun. Wo siginɛ Hɛsibɔn soe burɔ nun.

Tɔn-Fɔɛ-Fila-Nyɔgɛ 6:1

Musa ya a fɔ Isirɛla mɔgɛnu ye tun ko, “Mata Mari Alla ya tɔn kɛnu don n bolo ka wo karan anu na. Wo ye nala wo sigila wola nyamanɛ min tɔ kaka, wo wa ke nyɔ rɔ, wo si tɔn kɛnu bira.

Tɔn-Fɔɛ-Fila-Nyɔgɛ 6:5

Wo ni wota Mari Alla keni wo yisi bɛɛ la anubɛ wo sɔndɔmɛ bɛɛ la anubɛ wo sɛnbɛ bɛɛ la.

Tɔn-Fɔɛ-Fila-Nyɔgɛ 8:19

“Wo kana wota Mari Alla boloka ka wo madu bɛsɛnu kɔrɔ. N bi wo makawandila bi bɛrɛkɛ, ni wo ya wo ma, wo si kasara, yɔ! Sika mumɛ sa wo rɔ!

Hiburunu 12:24

Sarama-kan-kurɛ ara kiri Yisa yele min fɛ, wo ara ke wo fanan ma, ado a yele-purupurunɛ tenbira Ebɛli yele la.

Hiburunu 13:20

Yisa mara saga-fɛ-birala-wɛ la ata saya le fɛ, habadan-sarama-kan kirita ata yele min fɛ. Alla ara ma Mari Yisa lawuli ka a bɔ furinu tɛma. Alla kelan min bi yisi-kimɛ dila wo ma,