2 Mansɛnu 23:27 - ALLALA KUMƐ

²⁷ Ka tenbi wo la, Mari ko, “N si Yuda kɛnu kasara iko n bara Isirɛla kɛnu kasara nya min. N bara Yerusalɛm soe min yabɔ nun, n si n yɛ firindi wo ma. N bara a fɔ batoli-kɛ-tinɛ min ma nun ko anu ni to n batola nyɔ, n bara n kan-kɔ sɔ nyɔ fanan na.”

2 Mansɛnu 23:27 ပူးပေါင်းရင်းမြစ်များ

1 Mansɛnu 8:29

I wara kan tinɛ kɛ min yabɔ i bato-koela ko la, i yandi Mari, i ni i fonde to bɔn kɛ ko su-ni-tele. Nba, woletɔ Mari, n ba n ya-lamunun bɔn kɛ la tumɛ min, i ni i wɔlɔ matɔlɔ nta madiyalɛ la n bi min nakɛla i ma.

1 Mansɛnu 9:3

Mari ya a fɔ a ye ko, “N bara ila matarali-kan lamɔɛn. I wara bɔn min sɔ ka a dantɛgɛ n ma, n bara sɔn ka wo ma n halalɛ la. Wo si to n batola nyɔ burubukai! N si a mafɛlɛn ka a kandan habadan!

2 Mansɛnu 17:18

Mari diminyara Isirɛla mɔgɛnu ma ha a ya anu gben ka a kan-kɔ sɔ anu na. Fɔ Yuda nyamanɛ dɔrɔn, wo le tora.

2 Mansɛnu 17:20

Wo le ya a ma, Mari ya a ban Yakoba kegeyɛ bɛɛ la Isirɛla mɔgɛnu, kɔni. Tɔ-a-la, a ya a kan-kɔ sɔ anu na ka anu don anu yogenu bolo minnu bi anu bira boloko-yogomɛ-kɛla.

2 Mansɛnu 17:23

Anu tora wo le la ha Mari ya a kan-kɔ sɔ anu na, ado a ara nɛbinu nata anu makawandi tinɛ nun. Wo le ya a ma, Asiriyanu nara anu bira ka ta anu na pon! Anu bi nyɔ ha bi.

2 Mansɛnu 18:11

Wo kɔma, Asiriya mansɛ wo tara Isirɛla mɔgɛnu na birɛ rɔ a warɛ nyamanɛ rɔ. A ke anu na, a ya anu tatala. A ya donu nata Hela sigisɔn rɔ. A tara donu na Koson sigisɔn rɔ min bi Hebɔ bɛ dafɛ. A tara donu na Midinuna soenu tɔ.

2 Mansɛnu 21:13

N si Yerusalɛm kɛnu tɔrɔ iko n ya Samariya kɛnu anubɛ Ehabu kegeyɛ tɔrɔ nya min nun. N si mɔgɛnu kian firan Yerusalɛm soe burɔ iko mɔgɛ ye fi rafiranna nya min ka a laburun.

2 Mansɛnu 21:14

Min bi tola anu niyi la, n si n yɛ firindi wonu ma ka anu kunyɛ don anu yogenu bolo. Anu yoge wonu si anu nɔ ka anu bolo-fan bɛɛ bi anu bolo.

2 Mansɛnu 21:4

Bato-Bɔn min sɔnɛ Mari nyɛrɛ-nyɛrɛ ye, a ya Alla-batobɛlɛnuna kɔ tinɛnu nadan nyɔ, ado Mari ko nyɔ sɔnɛ a kelen pe le ye.

2 Mansɛnu 21:7

A ara bɛsi-musumɛ min nadan kɔlɔma la min tɔgɛ Asura, a ya wo bi ka wo sigi Mari Bato-Bɔn la. Mari ara a fɔ Mansa Dawuda anubɛ ala den Mansa Silamɛni ye nyɔla ko la nun ko, “N bara Yerusalɛm soe kan-tina-kelan kɛ le yabɔ Isirɛla bɔnsɔn tan-ni-filɛ tɛma anu si to n batola kan min.

2 Mansɛnu 23:28

Mansa Yosaya ya koe min bɛɛsi ma ala mansayɛ kɔrɔ, anu ya wo bɛɛ sɛbɛ Yuda Mansɛnuna Buku do rɔ.

2 Mansɛnu 24:2

Mari ya a ma, nyamani-kun nani mɔgɔ-kurɔn donu wulita Yuda nyamanita-mɔgɛnu kan ma iko Mari ya a fɔ ala wɔli-kɛla nɛbinu ye nya min nun. Kurun do bɔra Babilɔn, do nara ka bɔ Siriya nyamanɛ rɔ, do nara ka bɔ Mohabu nyamanɛ rɔ, anubɛ do nara ka bɔ Amon nyamanɛ rɔ.

2 Mansɛnu 24:3

Mari ya kɛ bɛɛ ma bawo Mansa Manasa ara ko-yogomɛ min kɛ. Wo le ya a to, Mari ya a yɛ firindi Yuda mɔgɛnu ma,

2 Mansɛnu 25:11

Boloma-wɔli-kɛlɛ minnu tora soe burɔ wo, minnu ya anu buri ka ta kofu Babilɔn kɛnu ma wo, Yuda nyamanita-mɔgɛ toenu wo, kɛlɛ-den-kunyɛ wo tara wonu na Babilɔn nyamanɛ rɔ.

2 Mansɛnu 25:21

Anu ke anu na Ribila soe burɔ Hamati nyamanɛ rɔ, Babilɔn mansɛ ya Yerusalɛm kɛ wonu gbesi ka anu faga. Kɛlɛ tara Yuda mɔgɛnu na ka le.

Yaburi 51:11

I kana n gben i fɛ. I kana ita niyi bɔ n tɔ.

Yɛrɛmaya 15:4

A ko a si a ma, wole Yuda kɛnu si ma mɔgɔ-makawanɛ la duninya-mɔgɛ bɛɛ ye. Mari ko a si kɛ ma ka a tɛgɛ Yuda Mansa Hɛsakayala den Mansa Manasa sɔn ma Yerusalɛm soe burɔ.

Yɛrɛmaya 23:20

ado tɔrɔyɛ wo ti bɔ anu kuma fɔ a wa ban a miriya lawɔlila. Wo wati rɔ, wole Marita mɔgɛnu si ata miriyanu nya-yen ka a ragbɛ.

Yɛrɛmaya 23:33

Mari ya a fɔ nde, Yɛrɛmaya ye ko nɛbi wo, saraka-masɔla wo, ala mɔgɛ toenu wo, ni wo do ya nde, Yɛrɛmaya manyinika ko, “Mari ya kuma-gbilimɛ nyuman fɔ?” N ni a fɔ wo tigi ye ko, “Wole ara ma kuma-gbilimɛ la Mari ye,” ado a si wo tigi fɛrɛn dugi la pose!

Yɛrɛmaya 23:39

Mari si wo bi ka wo lafili a rɔ pirr! A ya soe min di wobɛ wo benbanu ma, a ya a ban wo la.

Yɛrɛmaya 31:37

Ni hadama-dan si ke san-kole sumanna, ni a si ke dugu-kurukɛ-tinɛ bɛɛ lɔnna, nba, mani ale Mari si a ban wole, ala mɔgɛnu na ka a tɛgɛ wo hakɛ ma. Mari kan le kɛ la.

Yɛrɛmaya 32:31

Ka a bi soe kɛ sɔ-wati ma, a ko dugu dannu bara a ma, a ara kɔrɔtɔ wɛ kɛ. Woletɔ a ara soe kɛ kasara-koe latɛgɛ

Yɛrɛmaya 33:24

mɔgɛnu bi a fɔla ko ale Mari ara Isirɛla anubɛ Yuda min yabɔ, a ara wonu boloka. A ya nde, Yɛrɛmaya manyinika ni n ya wo lamɔɛn de! Woletɔ a ko mɔgɛnu yigi-tɛgɛnɛ ala mɔgɛnu na. Anu ma anu miri anu ma bɔnsɔn la lefan!

Nimisa Koe 2:7

N Tigi Mari ya a kan-kɔ sɔ aleta saraka-mintan-tinɛ anubɛ a Bato-Bɔn la. A ya a ma, ma yogenu ya Bato-Bon-dandan labui. Male ye batoli kɛla kan min nun sewɛ la, ma yogenu bi wasawasɛ layɛlɛla nyɔ.