2 Mansɛnu 23:26 - ALLALA KUMƐ

²⁶ Kɔnɔ hali wo, Mansa Manasa ya koe minnu tinya, wo ya a ma, Mari fonde bɔra Yuda kɛnu kuma, ado ha kaka, a fonde ma kima wɛ.

2 Mansɛnu 23:26 ပူးပေါင်းရင်းမြစ်များ

2 Mansɛnu 22:13

“Wo ta Mari manyinika mabɛ nta nyamanita-mɔgɛnu ye ka a tɛgɛ buku kɛ karanla ko ma. Mari ara diminya ma ma bawo ma fanu ma tagama iko a sɛbɛnɛ buku kɛ rɔ nya min.”

2 Mansɛnu 24:2

Mari ya a ma, nyamani-kun nani mɔgɔ-kurɔn donu wulita Yuda nyamanita-mɔgɛnu kan ma iko Mari ya a fɔ ala wɔli-kɛla nɛbinu ye nya min nun. Kurun do bɔra Babilɔn, do nara ka bɔ Siriya nyamanɛ rɔ, do nara ka bɔ Mohabu nyamanɛ rɔ, anubɛ do nara ka bɔ Amon nyamanɛ rɔ.

2 Mansɛnu 24:20

Mari diminyara Yuda mɔgɛnu ma anubɛ Yerusalɛm so-burɔ-mɔgɛnu ha a ya a kolan firindi anu ma.

2 Mansɛnu 24:3

Mari ya kɛ bɛɛ ma bawo Mansa Manasa ara ko-yogomɛ min kɛ. Wo le ya a to, Mari ya a yɛ firindi Yuda mɔgɛnu ma,

2 Mansɛnu 24:4

katarala Mansa Manasa ya mɔgɔ-magbalanɛ minnu faga. Mari ti a makoto ko-yogomɛ wonu na.

2 Ko-Kɔrɔta-Karan 35:20

Ale Mansa Yosaya ban Bato-Bɔn wo ladanna, Iyipiti Mansa Niko tara ala kɛlɛ-dannu na Kakemisi soe burɔ min bi Yufereti bɛ dafɛ. Wo le ya a ma, ale Mansa Yosaya tara kilɛ tɛgɛ tinɛ Iyipiti mansɛ wo ma.

2 Ko-Kɔrɔta-Karan 36:16

Kɔnɔ hali wo, anu tora Allata kilayɛnu manyinina. Anu bi anu tengberenyala Marita kuma-lamɔɛn-koe ma ka ata nɛbinu mayɛlɛn. Kɔnɔ tɔ-a-la, Marita diminyɛ warata anu kuma ha anu bɔ-kunya ma sɔrɔn tun Marita diminya kɔrɔ.

Ɛsira 10:14

Nba, ma si min ma, mala mɔgɔ-banu ni to Yerusalɛm yan tɔ, wonu ni to koe kɛ rabɛnna. Ni sibolo-gbɛrɛkɛ-musi ye min bolo, wonubɛ anuna mɔgɔ-banu anubɛ anuna kiti-tɛgɛlɛnu si ta kun lɔgɔ ma anu si na min ma. Wo ko sufa si a ma, Alla fonde ni kimɛ.”

Yɛrɛmaya 23:20

ado tɔrɔyɛ wo ti bɔ anu kuma fɔ a wa ban a miriya lawɔlila. Wo wati rɔ, wole Marita mɔgɛnu si ata miriyanu nya-yen ka a ragbɛ.