2 Mansɛnu 22:19 - ALLALA KUMƐ

¹⁹ bawo mansɛ ara a yen, ale Mari ye nala Yerusalɛm kɛnu tɔrɔyala nya min ka Yerusalɛm soe ma kan-tina-makilannɛ la, ado nyɔ-tɔgɛ si ma dankalɛ la mɔgɛnu bolo. Wo yen mansɛ bolo, a tubira ka a nyɛrɛ famayigi ale Mari ye. A donta diyi-kɛ rɔ ka ala duruki rafara yisi-tinyɛ bolo. Woletɔ Mari ko a ara ale mansɛla matarali-kan lamɔɛn.

2 Mansɛnu 22:19 ပူးပေါင်းရင်းမြစ်များ

1 Mansɛnu 21:29

“I wara a yen Mansa Ehabu ye a famayigila n ye nya min? Ka a tɛgɛ ala famayigi wo ma, n ti kasarɛ wo lana anubɛ ala denbayɛnu kuma a siyi-tele-bɛɛ kɔrɔ. Fɔ ala danta wati rɔ, n ni na to kasarɛ lanala anu kuma.”

2 Mansɛnu 19:20

Wo kɔma, Nɛbi Aiseya ya kilayɛ lata Mansa Hɛsakaya ma. A ko, “Mari ara ila matarali-kan yabi.

2 Mansɛnu 20:5

“Mansa Hɛsakaya min bi nna mɔgɛnu kuma, sɛgi i kɔma wo wara. I wa ke, i ni a fɔ a ye ko nde, a benba Dawudata Mari Alla ko n bara ata matarali-kan lamɔɛn ka a ya-yi yen. A fɔ a ye ko n si a lakɛndɛya ken! Tele fila a sawa nyɔgɛ, a si ke tala n Bato-Bɔn la.

2 Mansɛnu 22:11

Kumɛ minnu sɛbɛnɛ buku wo rɔ, ale mansɛ ya wo lamɔɛn tumɛ min, a ya ala duruki rafara yisi-tinyɛ bolo.

2 Ko-Kɔrɔta-Karan 32:26

Kɔnɔ tɔ-a-la, Mansa Hɛsakaya anubɛ ala mɔgɛ minnu bi Yerusalɛm, wonu ya anu famayigi. Woletɔ Mari ma anu tɔrɔ wo tumɛ ale mansɛ ye a kɛndɛ la.

2 Ko-Kɔrɔta-Karan 33:12

Ka a tɛgɛ ala tɔrɔyɛ wo ma, a ya a famayigi ka di ata Mari Alla dala alako wo ni a kunyɛ bɔ gbaran wo rɔ.

2 Ko-Kɔrɔta-Karan 33:19

Ale mansɛta mataralɛ wo, Allata yabilɛ wo, ale mansɛ ara hakɛ min kɛ nun yanni a ni tubi wo, a ya ko-yogomɛ min kɛ wo, a ya bɛsi-kɔ-tinɛ minnu nadan wo, anubɛ a ya bɛsi-musi Asurala muninyɛ lɛsɛ wo, anu ya wo bɛɛ sɛbɛ nɛbiya-buku do rɔ.

2 Ko-Kɔrɔta-Karan 33:23

Kɔnɔ a ma a famayigi Mari ye iko a fa ya a ma nya min, ado a ya hakɛ kɛ ka tenbi a fa la.

2 Ko-Kɔrɔta-Karan 34:27

A tubira ka a nyɛrɛ famayigi ale Mari ye. A donta diyi-kɛ rɔ ka ala fulɛ fili dugu ma bawo a ara a yen, Mari ye nala Yerusalɛm kɛnu tɔrɔyala nya min. Kɔnɔ Mari ko a ara ale mansɛla matarali-kan lamɔɛn.

Ɛsira 10:1

Nde, Ɛsira ye mataralɛ anubɛ diyi-kɛ kun na ka n sɔ mɔgɛ wonuna hakɛ la tumɛ min Bato-Bɔn don-dɛ la, Isirɛla mɔgɔ-siyaman nara a kinki nyɔ la, kei wo, musu wo, dennɛ wo. Wonu fanan donta diyi-kɛ rɔ anu sɛbɛ-kuna-wɛ la.

Nihɛmaya 1:4

N ya wo lamɔɛn nkɛkuna, n ya n sigi ka don diyi-kɛ rɔ. Tele siyaman, n bi diyi kɛ kun na, ado fen-dɔn-sɔgɔ ma n bira. N ya Arinyɛnɛ-Tigi-Alla matara, n ko,

Nihɛmaya 8:9

Kumɛ min sɛbɛnɛ tɔn wo rɔ, anu ya wonu namɔɛn min kɛ, anu donta diyi-kɛ rɔ bawo kumɛ wonu bara anu sɔn-kunyɛ lamaga. Woletɔ Nihɛmaya min bi anu kun na anubɛ Saraka-Masɔla Ɛsira min bi tɔn-karan-mɔgɔyɛ la, anubɛ Lifayi minnu ya tɔn rakaran anu ye, wonu ya a fɔ mɔgɛnu ye ko, “Tele-sɛnimɛ le bi la mata Mari Alla ye. A ma bɛn, mɔgɔ ni di tele kɛ rɔ.

Yaburi 119:120

N fɛrɛ ye a burila n ma bawo n bi kilanna i la. N kumakɔnɛ kilan bolo ka a tɛgɛ ila kitila ko ma.

Yaburi 119:136

N ya-yi ye yigila iko bɛ bawo mɔgɛnu sa sɔnna ita tɔnnu bira-koe ma.

Yaburi 51:17

E, Alla, ndeta sarakɛ ye min na, wo le famayigi la. Ile Alla ye nyinina min ma bɛrɛbɛrɛkɛ, wo le mɔgɛ yisi wa tinya a sɔn-yogomɛla ko la.

Yaburi 51:19

Wo kɔma, i ni na to sewala saraka-mabɛnnɛnu na. Mata saraka-mintan-sumɛ si a diya don i rɔ tun. Ma si turɛnu mintan ila saraka-mintan-tinɛ kuma gburr!

Bɔ-Koe-Iyipiti 10:3

Musa anubɛ Aruna tara mansɛ wara ka a fɔ a ye ko, “Hiburunuta Mari Alla ya a fɔ ko ile si i nyɛrɛ famayigi ale ye wati mintan? I ni ata mɔgɛ kɛnu boloka alako anu ni ta a bato tinɛ.

Aiseya 46:12

Wole tolo-gberenu, a ko wo ni wo tole masɔ, wole min fɛ-yan ko-telennɛ la, kɔni.

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Aiseya 66:2

A ya fan bɛɛ dan a kɔɛn le la. Fan bɛɛ ye gbɛ kɛ le ma bawo ale le ya wonu nadan. Mari ko a si sewa mɔgɔ-sufa kɛnu na, minnu ma wasi, ado anu tole ma gbɛlɛ. Anu bi kilanna a la ka a sako kɛ.

Aiseya 66:5

Wole min bi Marita kumɛ birala, wo ni wo tole masɔ a kan la. A ko wo gboyara wo na-kelen-nyɔgɛnu ye. Anu wulita wo kan ma bawo wo bilanɛ ale Mari fɛ. Anu bi wo rasɛ-kumɛnu fɔla ko, “Nba, alamɛ ata fanka ya wo lakisi, woletɔ ma si to wo sewanɛ yenna.” Kɔnɔ Mari ko fɔ mɔgɔ-mayɛlɛnnɛ kɛnu ba tɔrɔ le serr!

Yɛrɛmaya 13:17

Ni wo ma ale Mari kan bira, n si to dila n yisi rɔ wola wasinteyɛla ko la. N si di biribiri! N ya-yi si n ya-denkɛ lafa bawo wole, Marita mɔgɛnu si taran biralɛ rɔ.

Yɛrɛmaya 14:17

Mari ko nde, Yɛrɛmaya ni kɛ fɔ wole, Yuda kɛnu ye. Alamɛ n ya-denkɛ lafara n ya-yi la. N si to dila su-ni-tele. N si di wole, nna mɔgɛnuna ko la. Mari ara ban wo rafɛrɛnna nun. Wo matanbanta kosɛbɛ!

Yɛrɛmaya 26:6

Ni wo tora murutiyɛ kɛ kun na, a ko a ya ala Fani-Bɔn tinya Sailo soe burɔ nya min nun, a ye a Bato-Bɔn fanan tinyana wo nya na le, ado duninya-mɔgɛ bɛɛ si Yerusalɛm soe tɔgɔ ratɛgɛ dankali-kɛ-tinɛ.

Yɛrɛmaya 36:13

Baruki ya min bɛɛ karan mɔgɛnu ye, ale Mɛkaya ya wo bɛɛ rakaran mɔgɔ-ba wonu ye.

Yɛrɛmaya 36:24

Ale mansɛ anubɛ ala mɔgɔ-banu ya kɛ lamɔɛn min kɛ, anu yisi ma tɔrɔ. Anu ma kilan defan!

Yɛrɛmaya 44:22

Bi, wola nyamanɛ ye tonbonyɛ le la gbɛ! Mɔgɔ sigini sa a rɔ. Mɔgɛnu ba nyɔ yen, anu si anu bole sa anu dɛ la ka kawa. Anu si wo tɔgɛ ma dankali-kɛ-fan la bawo Mari ti ke a munyuna wola karagbɛlɛya-koe kɛnu kɔrɔ muk!

Yɛrɛmaya 9:1

Alamɛ n kunyɛ mara iko tenke woletɔ n ya-denkɛ ra ti gbala. Ka a tɛgɛ nna mɔgɛnuna sayɛ ma, n bi diyi le kun na su-ni-tele.

Isikiyɛli 9:4

“Yerusalɛm soe mumɛ ratagama. Ni i ya min yisi-tɔrɔnɛ yen a ma soe kɛ burɔ ko-yogomɛnuna ko la, i ni tamasere sa wo tigi telɛ ma.”

Maika 6:8

Nɛbi Maika ko, “Ma si min ma wona, Mari ara wo fɔ ma ye nun. A ye nyinina minnu ma ma bolo, wo le kɛnu na. A dabira fɔlɔtɛ, a ko ma ni ko-latelennɛ kɛ. A fila nyɔgɛ, ma ni ma nyɔgɔn keni anubɛ Alla. A sawa nyɔgɛ, ma ni Alla diyana-koenu kɛ gbiliyɛ rɔ.

Yilan-Yilan Koe 25:6

Anu banta mɔgɛ wonu fagala tumɛ min, anu donta diyi-kɛ rɔ. Isirɛla kei do nara Midiyan musi do la a bolo.

Luka 19:41

Yisa gbɛrɛnta Yerusalɛm soe ma tumɛ min, a ya a yen nkɛkuna, a dira ala ko la.

Tɔn-Fɔɛ-Fila-Nyɔgɛ 29:23

Wola sɛni sa tinɛnu si ma kɔgɔ-dugi la. Fenfen ti ma-a-la wo bolo. Hali binyɛ ti ma-a-la nyɔ. Wola nyamanɛ si ma iko Sɔdɔm wo, Kɔmɔra wo, Adima wo, anubɛ Sebom mara nya min. Marita fondo-bɔ-belebele kɛra min kɛ, a ya soe wonu tinya.

Kɛlɛ-Kurugbɛnu 20:26

Isirɛla mɔgɛnu dimatoe sɛgira Bɛtɛli soe burɔ tun. Anu telenta sunyɛ rɔ ha wurɛ la. Anu ya saraka-mintantɛnu anubɛ yisi-kima-sarakɛnu bɔ Mari ye wulɔn.

1 Samuwɛli 24:5

Dawuda sɛgira a kɔma ala mɔgɛnu bara. Wo kɔma, a yisi donta a tɔrɛ rɔ a ma bawo a ara Mansa Sɔlila duruki tɛgɛ a la.