2 Mansɛnu 21:9 - ALLALA KUMƐ

⁹ Kɔnɔ hali wo, anu ma sɔn anu tole masɔla. Mansa Manasa ya a ma, Isirɛla mɔgɛnu ya hakɛ kɛ dɔgɔma-ma-de hali ka tenbi mɔgɛ wonu na Mari ya minnu gben anu yarɔ nun.

2 Mansɛnu 21:9 ပူးပေါင်းရင်းမြစ်များ

1 Mansɛnu 14:16

Mari ko bawo Mansa Yɛrabowami ara mɔgɛnu bɔ ale wara la ka anu nadon hakɛ rɔ, a si a ban Isirɛla mɔgɛnu na.”

2 Mansɛnu 16:3

A ya Isirɛla mansɛnu sɔn bi hali ka a halala-den-kei ma saraka-mintantɛ la bɛsɛnu ye. Min kolo wo ko, Mari ya mɔgɛ minnu gben nyamanɛ wo rɔ nyɔ nun, wonu taranta kisimiriya-koe kɛ le sufa mala nun.

2 Mansɛnu 21:10

Mari ya min fɔ nɛbinu ye, anu ya wo latenbi mɔgɛnu ma. Mari ko,

2 Ko-Kɔrɔta-Karan 33:9

Mansa Manasa ya a ma, Yuda anubɛ Yerusalɛm kɛnu ya hakɛ kɛ dɔgɔma-ma-de, hali ka tenbi mɔgɛ wonu na Mari ya minnu gben anu yarɔ nun.

2 Ko-Kɔrɔta-Karan 36:16

Kɔnɔ hali wo, anu tora Allata kilayɛnu manyinina. Anu bi anu tengberenyala Marita kuma-lamɔɛn-koe ma ka ata nɛbinu mayɛlɛn. Kɔnɔ tɔ-a-la, Marita diminyɛ warata anu kuma ha anu bɔ-kunya ma sɔrɔn tun Marita diminya kɔrɔ.

Nihɛmaya 9:26

“Kɔnɔ ita mɔgɛnu murutiyara i ma ka i kan bɔ a gbɛ rɔ. Anu ya anu kan-kɔ sɔ ila tɔn la. Nɛbi minnu ya anu makawandi, anu ya wonu faga bawo wonu bi anu makawandila ko anu ni sɛgi i ma. Tuma-wo-tuma, i lafɛyanɛ anu bolo.

Yaburi 81:10

Wota Mari Alla le nde la min nara wo la ka bɔ Iyipiti nyamanɛ rɔ. Wo ni wo dɛnu naka wɛ kɛ. N si wo de-nyini.

Hɛnkilimaya-Kumɛnu 29:12

Ni kun-tigi ya a tole masɔ foninya-fɔlɛnu na, ala mɔgɔ-ba bɛɛ si ma wunduyogenu na.

Isikiyɛli 11:12

A ko wo si a lɔn worɔ ko wota Mari le ale la bawo sibolo-gbɛrɛ minnu bi wola foolɛ rɔ, wo ya wonuta tɔnnu bira ka aletɛnu tinya.

Isikiyɛli 16:47

Ka bila wonu fɛ kisimiriya ko-ladan rɔ, wo ya i wasa, wa? Wati-kundu-nɛ kɛ kɔrɔ, ile sɔn tenbira anutɛ la pirr!

Isikiyɛli 22:3

Nde, wo Tigi Mari kan kɛ latenbi Yerusalɛm soe wo ma ko a ara ala mɔgɛnu faga-siyamɛ-kɛ min kɛ kɛ la, ka a nyɛrɛ latinya bɛsi-kɔ-koe fɛ, ata wati ye nala.

Isikiyɛli 5:6

Kɔnɔ Yerusalɛm mɔgɛnu bara murutiya nna tɔnnu ma. Wo ara a yira n na ko anu wunduyogo sibole doinu ko. Tɔn-tinya di anu ye ka tenbi sibolo-gbɛrɛ doinu na minnu bi anuna foolɛ rɔ. Yerusalɛm mɔgɛnu bara anu kan-kɔ sɔ nna tɔnnu na. Anu ma sɔn nna tɔnnu birala mumɛ!’

Isikiyɛli 5:7

“Woletɔ i ni n kan latenbi Yerusalɛm kɛnu ma. Wole Yerusalɛm kɛnu, wo ni wo tole masɔ nde, wo Tigi Mari Alla kan la. Wo ara wo ban nna tɔnnu birala min kɛ, wo ara n yakɔrɔ-mamɔ ka tenbi sibole doinu na. Wo ara sibolo-gbɛrɛ doinuna namunu bi.

Daniyɛli 9:6

Mala mansɛnu wo, mala mɔgɔ-banu wo, ma benbanu wo, anubɛ mala nyamanita-mɔgɛ bɛɛ, i ya nɛbinu sɔ ka ila kumɛ fɔ ma ye kɔnɔ ma ma ma tole masɔ wo fenfen na.

Hoseya 5:11

Wole Isirɛla mɔgɛnu ya wo tui ka ta dɛnbɛni-nyini-tinɛ bɛsɛ wonu denu bara minnu ti ke wo dɛnbɛna. Wo le ya a ma, wole Isirɛla mɔgɛnu bara tɔrɔyɛ sɔrɔn Yuda kɛnu bolo. Anu bara bui wo ma ka wo halala-dugi bi wo bolo.

Luka 13:34

“E, Yerusalɛm, Yerusalɛm! I ye nɛbinu fagala nun tolon! Alla ara kilayɛ minnu sɔ i wara, i ya wonu mabon kurinu na! A sɔgɛ ye n na wati siyaman ka ila mɔgɛ bɛɛ ladɛn iko sisi-denbɛ si ala dannu nadɛn a kanban kɔrɔ nya min kɔnɔ i ma sɔn n ni wo ma!

Yɔni 15:22

Ni n ma kuma anu ye nun, anu ti yiliki hakɛla ko la nun. Kɔnɔ kaka, masigima-ko-fɔ sa anu bolo tun ka a tɛgɛ anuna hakɛ ma.

Yemesi 4:17

Wo ni wo hɛnkili to kɛ ko. Ni mɔgɛ ya ko-nyimɛ-kɛ nya-lɔn kɔnɔ a ma a kɛ, hakɛ le wo la.

Lankɛnimayɛ 2:20

Kɔnɔ min bi n kɔntɔ wo kan ma, wo le kɛ la. Wo ye sɔnna musi dola koenu ma, Yɛsɛbɛli, kɔni, min bi a nyɛrɛ kelela ko Allata kilayɛ. A ye mɔgɛnu karanna ka nna wɔli-kɛlɛnu nasama alako anu ni don yɛlɛnyɛ rɔ. A ye anu karanna bɛsi-kɔ-fannu dɔn-koe ma fanan.

1 Samuwɛli 8:19

Kɔnɔ hali wo, mɔgɛnu ma sɔn anu tole masɔla Samuwɛlita kumɛ wonu na. Anu ya a fɔ a ye ko, “Hali wo, male ye nyinina mata mansɛ le ma,