2 Mansɛnu 21:7 - ALLALA KUMƐ

⁷ A ara bɛsi-musumɛ min nadan kɔlɔma la min tɔgɛ Asura, a ya wo bi ka wo sigi Mari Bato-Bɔn la. Mari ara a fɔ Mansa Dawuda anubɛ ala den Mansa Silamɛni ye nyɔla ko la nun ko, “N bara Yerusalɛm soe kan-tina-kelan kɛ le yabɔ Isirɛla bɔnsɔn tan-ni-filɛ tɛma anu si to n batola kan min.

2 Mansɛnu 21:7 ပူးပေါင်းရင်းမြစ်များ

2 Samuwɛli 7:13

Wo le ye n bato-bɔn sɔla. N si a ma, mansayɛ ti bɔ ala bɔn la mumɛ!

1 Mansɛnu 8:29

I wara kan tinɛ kɛ min yabɔ i bato-koela ko la, i yandi Mari, i ni i fonde to bɔn kɛ ko su-ni-tele. Nba, woletɔ Mari, n ba n ya-lamunun bɔn kɛ la tumɛ min, i ni i wɔlɔ matɔlɔ nta madiyalɛ la n bi min nakɛla i ma.

1 Mansɛnu 8:44

“I wa ila mɔgɛnu nata anu yogenu kɛlɛ tinɛ tumɛ min, anu ba i matara ka anu ya-lamunun ita so-yabɔnɛ anubɛ bɔn kɛ la tumɛ min n ya min sɔ i ye,

1 Mansɛnu 9:3

Mari ya a fɔ a ye ko, “N bara ila matarali-kan lamɔɛn. I wara bɔn min sɔ ka a dantɛgɛ n ma, n bara sɔn ka wo ma n halalɛ la. Wo si to n batola nyɔ burubukai! N si a mafɛlɛn ka a kandan habadan!

1 Mansɛnu 9:7

n si Isirɛla mɔgɛnu gben ka anu bɔ nyamanɛ kɛ rɔ n ya min di anu ma. N bara Bato-Bɔn min ma ntɛ la kɛ la, n si n ban wo la fanan. Mɔgɔ yigi ti taran Isirɛla mɔgɛnu na worɔ tun!

2 Mansɛnu 16:11

Yanni ale Mansa Ehasi ni sɛgi a warɛ, a ya a taran, Saraka-Masɔla Yuraya ara ban saraka-mintan-tinɛ wo sufa ladanna.

2 Mansɛnu 21:4

Bato-Bɔn min sɔnɛ Mari nyɛrɛ-nyɛrɛ ye, a ya Alla-batobɛlɛnuna kɔ tinɛnu nadan nyɔ, ado Mari ko nyɔ sɔnɛ a kelen pe le ye.

2 Mansɛnu 23:27

Ka tenbi wo la, Mari ko, “N si Yuda kɛnu kasara iko n bara Isirɛla kɛnu kasara nya min. N bara Yerusalɛm soe min yabɔ nun, n si n yɛ firindi wo ma. N bara a fɔ batoli-kɛ-tinɛ min ma nun ko anu ni to n batola nyɔ, n bara n kan-kɔ sɔ nyɔ fanan na.”

2 Mansɛnu 23:4

Saraka-Masɔla-Kun-Tigi-Wɛ Helikaya wo, a tatugunnɛnu wo, saraka-masɔlɛ minnu bi Bato-Bɔn bonda-da-makandanna wo, Mansa Yosaya ya a fɔ wonu ye ko, “Beyali kɔ-fannu wo, Asura kɔ-fannu wo, lolenu-bato-fannu wo, wo ni wonu nabɔ Bato-Bɔn kɛ burɔ.” Wonu ban bɛsi-kɔ-miran wonu nabɔla luyi ma, mansɛ ya miran wonu nabɔ soe kɔma ka anu mintan Kidirɔn lɛɛ telen tɔ. A ya a ma, anu tara wonu gbangban la Bɛtɛli soe burɔ.

2 Mansɛnu 23:6

Bɛsɛ min tɔgɛ Asura, a ya kɔlɔma wo labɔ luyi ma ka ta a la Kidirɔn lɛɛ rɔ. A ya wo mintan nyɔ ka a bunden gburr! A ya wo gbangban bi ka a furufuru nyɔ-kaburu-soe rɔ.

2 Ko-Kɔrɔta-Karan 33:15

A ya bɛsɛnu nabɔ Mari Bato-Bɔn la. A ya bɛsi-kɔ-tinɛ minnu sɔ kɔnkɛ kuma, Mari Bato-Bɔn ye kan min, a ya wo bɔ nyɔ anubɛ minnu bi Yerusalɛm soe burɔ kan-tina-gbɛrɛkɛnu tɔ. A ya kɛ bɛɛ bi ka anu nakɛ a rɔ soe kɔma.

2 Ko-Kɔrɔta-Karan 33:7

A ya bɛsɛ do sigi Mari Bato-Bɔn la, ado Mari ara a fɔ Mansa Dawuda anubɛ ala den Mansa Silamɛni ye nun ko, “N bara Yerusalɛm soe kan-tina-kelan kɛ le yabɔ Isirɛla bɔnsɔn tan-ni-filɛ tɛma anu si to n batola kan min.

2 Ko-Kɔrɔta-Karan 6:6

Kɔnɔ kaka, a ara Yerusalɛm soe yabɔ, wo si a bato kan min. Wo kɔma, a ya n fa Mansa Dawuda yabɔ ka a sigi mansayɛ la ata mɔgɛnu kun na.”

2 Ko-Kɔrɔta-Karan 7:12

Mari ya a nyɛrɛ yira a la suyi rɔ. Mari ya a fɔ a ye ko, “N bara ila matarali-kan lamɔɛn. Anu bi sarakɛnu bɔla n ye kan min, n bara wo bira.

2 Ko-Kɔrɔta-Karan 7:16

bawo n bara nyɔ yabɔ ka a ma kan-tina-dantɛgɛnɛ la. Mɔgɛnu si to n batola nyɔ burubukai!

2 Ko-Kɔrɔta-Karan 7:20

wo si a ma, n ni wo bɔ nyamanɛ kɛ rɔ. Wo kɔma, n ni n ban bɔn kɛ la min dantɛgɛnɛ n bato-koela ko la. Duninya-mɔgɛ bɛɛ si Bato-Bɔn wo ma mayɛlɛnma-fan la.

Nihɛmaya 1:9

Kɔnɔ ni ma sɛgira i ma tun ka ileta tɔnnu bira, i si ma kundɛn tun kan tinɛ wo rɔ ile ya min yabɔ i bato-tinayɛ la. I ko hali ma basanta duninya-tonko-nanɛ bɛɛ la, i si ma kundɛn tun.

Yaburi 74:2

I wara ita mɔgɛ minnu yabɔ i nyɛrɛ ye bi-ko-ma, i miri anu ma, i ya minnu kunyɛ bɔ yɔɔnyɛ rɔ ka anu ma i halala mɔgɛnu na, kɔni. I miri Yerusalɛm soe ma i mayiginɛ kan min nun.

Yaburi 78:58

Anu ya Alla-lɔnbɛlɛnuna bɛsi-kɔ-tinɛnu ma anuna batoli-kɛ-tinɛnu na min kɛ, Mari kɔrɔtɔra anu ma kan-tina-mayɛlɛnɛ wonuna ko la. Anu ya a ma, a diminyara bɛsɛ wonuna ko la.

Yɛrɛmaya 32:34

Bato-Bɔn min sɔnɛ a bato-tinayɛ la, a ko anu bara anuna kisimiriya-bɛsɛnu nadon nyɔ ka nyɔ latinya.

Yɛrɛmaya 7:30

Mari ko fenfen min yogo, wole Yuda kɛnu diyana-koe le wo la. Ale ya a bato-tinɛ min yabɔ wole, ata mɔgɛnu ye, wo ara ta wola kisimiriya-bɛsɛnu sɔla nyɔ. Wo ara kan-tinɛ wo latinya feu!

Isikiyɛli 23:38

Anu ma dan wo dɔrɔn ma. Anu ya nna Bato-Bɔn wo bɔrɔbɔ ka a latinya. N ya Sulen-Tele min natɛgɛ n nyɛrɛ ye, anu ya anu ban wo birɛ ma.

Tɔn-Fɔɛ-Fila-Nyɔgɛ 16:21

“Wo wa saraka-mintan-tinɛ ladan wota Mari Alla ye tumɛ min, wo kana wo gbɛrɛn kɔlɔma-malɛsɛnɛ wo ma min tɔgɛ Asura min malɛsɛnɛ musila muninyɛ la.