2 Mansɛnu 21:3 - ALLALA KUMƐ

³ A fa Mansa Hɛsakaya ya Alla-batobɛlɛnuna kɔ tinɛ minnu tinya, Mansa Manasa ya wonu sɔ a kurɛ la tun. A ya bɛsi-kɔ-tina-mayɛlɛnɛnu nadan anu si Beyali kɔ kan min. A ya kɔlɔma lɛsɛ musila muninyɛ rɔ iko Isirɛla Mansa Ehabu ya a ma nya min nun. Bɛsɛ wo tɔgɛ le Asura. Min sanɛ wo kuma, a ya lolenu fanan bato.

2 Mansɛnu 21:3 ပူးပေါင်းရင်းမြစ်များ

1 Mansɛnu 18:21

Isirɛla mɔgɛnu kenɛ nyɔ, Nɛbi Ilaya sɔra mɔgɛnu yakɔrɔ ka a fɔ anu ye ko, “Wo si to tagamana Marita kilɛ anubɛ Beyalita kilɛ fɛ ha muntuma? Ni Mari le Alla la, wo ni ale bato. Kɔnɔ ni wota alla le Beyali kɛ la, wo ni to wo kɔla.” Kɔnɔ hali dafa, Isirɛla mɔgɛnu ma a tɛgɛ.

1 Mansɛnu 18:26

Anu ya tura kelen bi ka wo faga. Anu ya a soge wo sa sɔgɔ-ladɛnnɛ wo kuma. Ka a bi sɔgɔmɛ ma ha tele latelan, anu bi anuna Beyali wo matarala. Anu bi gbele-gbelenna ka a fɔ ko, “Beyali, ma yabi. Beyali, ma yabi.” Anu ya saraka-mintan-tinɛ min nadan, anu tora anu dɔnna wola foolɛ rɔ. Kɔnɔ anu ma yabilɛ mumɛ yen anu yɛ la.

2 Mansɛnu 13:6

Kɔnɔ hali wo, anu benba Mansa Yɛrabowami ya anu nabila ko-yogomɛ minnu na, anu ma wonu boloka, ado anu tora wo le kun na burubukai! Min sanɛ wo kuma, kɔlɔma min lɛsɛnɛ musila muninyɛ la, anu bi min kelela ko Asura, anu tora wo kɔla Samariya soe burɔ.

2 Mansɛnu 17:16

Anu ya anuta Mari Allata tɔn bɛɛ tinya. Anu ya nɛgɛ ladan ninki-den filala muninyɛ la. Anu ya kɔlɔma lɛsɛ musila muninyɛ la ka a kele ko Asura. Anu ya lolenu bato. Anu ya anuna bɛsi Beyali kɔ.

2 Mansɛnu 18:22

Tumado, wo ye a fɔla le ma ye ko wo ye lala le wota Mari Alla la, wa? Mansa Hɛsakaya ya kan-tina-mayɛlɛnɛ minnu tinya wonu na, ale Mari bato tinɛ le ma wonu na, wa? Wo kɔma, a ma a fɔ wole Yuda kɛnu ye ko wonu ni to sarakɛnu bɔla saraka-mintan-tina kelan wo rɔ Yerusalɛm, wa?

2 Mansɛnu 18:4

A ya Alla-batobɛlɛnuna bɛsi-kɔ-tina-mayɛlɛnɛnu tinya. A ya anuna kuru-lɛsɛnɛnu takerikeri. Anu ya kɔlɔma minnu lɛsɛ musila muninyɛ la ka a tɔgɔ sa Asura, a ya wonu tatɛgɛtɛgɛ. Hali wo, Musa ya silɛɛ min nadan duguma-fanla muninyɛ la, anu ya wo kele “Nɛhusitan.” Mansa Hɛsakaya ya wo fanan tinya bawo mɔgɛnu bara wo ma anuna bɛsɛ do la ka isɛnti mintan a ye.

2 Mansɛnu 8:18

Isirɛla Mansa Ehabu min lakirayara, wola dunmusi le tora Mansa Yɛhoram ye Yuda nyamanɛ rɔ. Ale mansɛ kɛ ya a biran-kei sɔn-yogomɛ bi iko Isirɛla mansɛnu fanan bi nya min. A ya hakɛ kɛ Mari la

2 Mansɛnu 8:27

Mansa Ehasaya fanan ya a biran-kei, Mansa Ehabu sɔn-yogomɛ bi. Ale fanan bilara Mari la iko Mansa Ehabu anubɛ ala denbayɛ ya a ma nya min.

2 Ko-Kɔrɔta-Karan 32:12

A ko ale Mansa Hɛsakaya le ya Mari bato tinɛ wonu tinya. Wo kɔma, a ya a fɔ Yuda anubɛ Yerusalɛm kɛnu ye ko wo ni to ale Mari batola ka isɛnti mintan kan-tina-kelan wo rɔ, Yerusalɛm, kɔni.

2 Ko-Kɔrɔta-Karan 34:3

Mansa Yosayala mansayɛ san segin nyɔgɛ ma, ado wati wo ya a taran a dɔgɔ fɔlɔn, a ya a benba Mansa Dawudata Alla-batoe dabira. San nani wo kɔma, a donta Alla-batobɛlɛnuna kɔ tinɛnu tinya koe rɔ. Hali bɛsi-musi Asurala muninyɛ, a ya wola tamaserenu tinya anubɛ bɛsɛ toe bɛɛ.

Yobu 31:26

Hali a mɛnsan ye tiila a ma, ha bi, n ma tele bato. Hali a mafɛlan di, ha bi, n ma karɛ bato.

Aiseya 65:11

Mari ko wole minnu bara wo kan-kɔ sɔ ale Mari la, wo si tɔrɔ bawo wo ara nyina ata kɔnkɔ-sɛnimɛ ko. Wo ye bɛsɛ minnu kɔla, kelan tɔgɛ le, “Hɛrɛ.” Wo ye doi min kɔla, wo fanan tɔgɛ le, “Ko-latɛgɛnɛ.”

Yɛrɛmaya 7:30

Mari ko fenfen min yogo, wole Yuda kɛnu diyana-koe le wo la. Ale ya a bato-tinɛ min yabɔ wole, ata mɔgɛnu ye, wo ara ta wola kisimiriya-bɛsɛnu sɔla nyɔ. Wo ara kan-tinɛ wo latinya feu!

Maika 6:16

Wo ara ko-yogomɛ ma iko wola mansɛ Hɔmɔri anubɛ ala den Mansa Ehabu, woletɔ tɔrɔya-su kɛ ye nala sigila wo la. Mari si wola nyamanɛ kɛ halaki. Mɔgɛnu si wo mayɛlɛn dɔgɔma-ma-de! Fɔ ni wo ya wo munyu manyinɛnu kɔrɔ bawo wo ma sɔn Marita kumɛ birala.

Tɔn-Fɔɛ-Fila-Nyɔgɛ 16:21

“Wo wa saraka-mintan-tinɛ ladan wota Mari Alla ye tumɛ min, wo kana wo gbɛrɛn kɔlɔma-malɛsɛnɛ wo ma min tɔgɛ Asura min malɛsɛnɛ musila muninyɛ la.

Tɔn-Fɔɛ-Fila-Nyɔgɛ 17:2

“Mari ye nala lanyiri-nyamanɛ min dila wo ma, wo wa ban wo sigi-bole rabɛnna nyɔ, bɛsɛ wo, tele wo, lole wo, karɛ wo, ni mɔgɛ do ya wo fenfen kɔ wo tɛma nyɔ, wo tigi ara hakɛ kɛ Mari la ka ata tɔn anubɛ lanyiri tinya min bi ale anubɛ wole tɛma.

Tɔn-Fɔɛ-Fila-Nyɔgɛ 20:18

Wo ye wo mala alako wonu kana wo karan anuna bɛsɛ-kɔ-bolo-yogomɛnu na. Ni wo bilara anu fɛ, wo ara hakɛ kɛ wota Mari la.

Tɔn-Fɔɛ-Fila-Nyɔgɛ 4:19

Fenfen min bi san ma iko tele anubɛ karɛ anubɛ lolenu, wo kɔ-sɔgɛ kana wo bira. Wota Mari Alla ya wonu di duninya mumɛ ma le.