2 Mansɛnu 21:24 - ALLALA KUMƐ

^24-26 Wo kɔma, mɔgɔ-ba minnu ya Mansa Amɔn faga wo la, Yuda mɔgɛnu ya wonu fanan faga. Anu ya Mansa Amɔn togon a fa dafɛ a halala-kata burɔ Ɔsa ye lu-kɔndɛ min fɛ-birala. Anu ya ala den Yosaya sigi a gbɛ rɔ. Mansa Amɔn ya koe min bɛɛsi ma ala mansayɛ kɔrɔ, anu ya wo bɛɛ sɛbɛ Yuda Mansɛnuna Buku do rɔ.

2 Mansɛnu 21:24 ပူးပေါင်းရင်းမြစ်များ

2 Samuwɛli 5:3

Woletɔ Isirɛla kun-tiginu bara a lakiri yisi-kimɛ rɔ gben ka to kan kelen tɔ. Anu ya dantɛgɛ-tuli kɛ Dawuda kunyɛ rɔ ka a ma anuna mansɛ la.

1 Mansɛnu 12:1

Rihobowami tara Sɛkɛm soe burɔ, Isirɛla kantɔ-warala-mɔgɛnu ya anu nadɛn kan min ka a ma mansɛ la.

1 Mansɛnu 12:20

Isirɛla mɔgɔ damasi ya a lamɔɛn min kɛ ko Yɛrabowami ara sɛgi ka bɔ Iyipiti nyamanɛ rɔ, anu ya a kele anuna ladɛn-kinamɛ kuma ka a ma mansɛ la Isirɛla mɔgɛnu kuma. Fɔ Yuda bɔnsɔnnu, wonu denu tora Mansa Dawuda sɔrɛnu fɛ.

2 Mansɛnu 11:17

Saraka-Masɔla Yɛhoyada ya sarama-kan kiri Mari ye mansa-kurɛ wonubɛ ala mɔgɛnuna ko la ko anu ti bɔ Mari fɛ muk! A ya a ma fanan, mɔgɛnu ya sarama-kan kiri mansa-kurɛ wo ye ko anu ti anu bɔ a fɛ mumɛ!

2 Mansɛnu 14:21

Ala den Yusaya, wola sɔrɔn-san tan-ni-wɔrɛ, Yuda nyamanita-mɔgɛnu ya wo ma anuna mansɛ la a fa gbɛ rɔ.

2 Mansɛnu 14:5

Mansa Hamasa ya sɛnbɛ sɔrɔn ala mansayɛ rɔ wati min, mɔgɔ-ba minnu ya a fa Mansa Yohasi faga, ale fanan ya wonu damasi faga.

2 Mansɛnu 22:1

Yosaya ya mansayɛ sɔrɔn Yuda nyamanɛ rɔ a sɔrɔn-san segin nyɔgɛ le ma. San bi-sawa ani san kelen, a ye mansayɛ la Yerusalɛm soe burɔ. A na le Adayala den Yɛdaida min bɔra Bɔsikati soe burɔ.

2 Ko-Kɔrɔta-Karan 22:1

Yerusalɛm kɛnu ya ale Ehasaya sigi a fa gbɛ rɔ bawo Arabunu tara bui Yuda nyamanɛ ma nun ka Mansa Yɛhoramla dan bɛɛ faga fɔ ala den-naban min tɔgɛ Ehasaya.

2 Ko-Kɔrɔta-Karan 26:1

Hamasala den Yusaya sɔrɔn-san tan-ni-wɔrɛ ma, Yuda nyamanita-mɔgɛ bɛɛsi ya ale ma anuna mansɛ la a fa gbɛ rɔ.

2 Ko-Kɔrɔta-Karan 33:25

Mɔgɔ-ba minnu ya Amɔn faga wo la, Yuda mɔgɛnu ya wonu fanan faga. Anu ya ala den Yosaya sigi a gbɛ rɔ.

1 Samuwɛli 11:15

Anu dama tara Kiligali. Anu ya yisi-kima-sarakɛnu bɔ Mari ye kan-tina-sɛnimɛ rɔ nyɔ ka Sɔli sigi mansayɛ la wulɔn. Sɔli anubɛ ala nyamanita-mɔgɛnu ya ladiyɛ kɛ anu nyɔgɔn fɛ.