2 Mansɛnu 21:2 - ALLALA KUMƐ

² Mansa Manasa ya hakɛ kɛ Mari la ka kisimiriya-koenu ma iko Mari ya mɔgɛ minnu gben Isirɛla mɔgɛnu yarɔ fɔlɔ nun.

2 Mansɛnu 21:2 ပူးပေါင်းရင်းမြစ်များ

2 Mansɛnu 17:2

A ya hakɛ kɛ Mari la kɔnɔ a ma ke Isirɛla mansɛ doinutɛ rɔ.

2 Mansɛnu 21:11

“Manasa ara kisimiriya-koenu kɛ. A ya ko-yogomɛnu kɛ ka tenbi Kenan kɛnu na. A ara Yuda mɔgɛnu nabila bɛsi-kɔ-koe la.

2 Mansɛnu 21:16

Mansa Manasa ya a ma, Yuda mɔgɛnu bara hakɛ kɛ Mari la ka anu don bɛsi-kɔ-koe rɔ. Min sanɛ wo kuma, sɔn-yogoma sa mɔgɛ minnu na, mansɛ ya wonu mɔgɔ-siyaman faga ha wonu yele tugura a rɔ Yerusalɛm kilɛnu na iko gboron-gboronna-yi.

2 Mansɛnu 21:20

Ale Mansa Amɔn fanan ya hakɛ kɛ Mari la iko a fa Mansa Manasa ya a ma nya min.

2 Mansɛnu 21:21

A ya a fa sɔn bi ka a fala bɛsɛ wonu kɔ.

2 Mansɛnu 21:7

A ara bɛsi-musumɛ min nadan kɔlɔma la min tɔgɛ Asura, a ya wo bi ka wo sigi Mari Bato-Bɔn la. Mari ara a fɔ Mansa Dawuda anubɛ ala den Mansa Silamɛni ye nyɔla ko la nun ko, “N bara Yerusalɛm soe kan-tina-kelan kɛ le yabɔ Isirɛla bɔnsɔn tan-ni-filɛ tɛma anu si to n batola kan min.

2 Mansɛnu 22:17

Yerusalɛm kɛnu ya anu ban ale Mari la ka sarakɛ bɔ anubɛ ka isɛnti mintan anuna bɛsɛnu ye. Woletɔ Mari fonde ara bɔ. A ko fenfen sa nyɔ min si ala fondo-bɔɛ makimɛ.

2 Mansɛnu 23:32

Ale mansɛ fanan ya hakɛ kɛ Mari la iko a benbanu.

2 Mansɛnu 24:9

Mansa Yɛhoyasin fanan bilara Mari la iko a fa ya a ma nya min.

2 Ko-Kɔrɔta-Karan 36:14

Min sanɛ wo kuma, kun-tiginu anubɛ saraka-masɔlɛnu anubɛ Isirɛla mɔgɛnu tora ko yogomɛ mala iko sibolo-gbɛrɛ minnu bi anuna foolɛnu tɔ. Mari nyɛrɛ ara a Bato-Bɔn min sɛninya nun, anu ya wo latinya.

Makawandili Kumɛnu 9:18

Hɛnkilimayɛ fisa kɛlɛ-kɛ-miran-siyamɛ ko kɔnɔ ko-yogoma-kelen si ko-nyima-siyaman tinya.

Aiseya 66:4

Woletɔ a ko fɔ a wa anu tɔrɔ serr! Anu bi kilanna min na wɛ kɛ, a si anu tɔrɔ wo la. A ya anu takele kɔnɔ mɔgɔ-wo-mɔgɔ ma a denkun. A kumara anu ye kɔnɔ mɔgɔ-wo-mɔgɔ ma a tole masɔ a la. Ale ara a fɔ koe minnu ma ko anu yogo, anu denu bi tola wonu mala. Koe minnu ma di Mari ye, anu denu tora wonu denu mala.

Yɛrɛmaya 15:4

A ko a si a ma, wole Yuda kɛnu si ma mɔgɔ-makawanɛ la duninya-mɔgɛ bɛɛ ye. Mari ko a si kɛ ma ka a tɛgɛ Yuda Mansa Hɛsakayala den Mansa Manasa sɔn ma Yerusalɛm soe burɔ.

Isikiyɛli 11:12

A ko wo si a lɔn worɔ ko wota Mari le ale la bawo sibolo-gbɛrɛ minnu bi wola foolɛ rɔ, wo ya wonuta tɔnnu bira ka aletɛnu tinya.

Isikiyɛli 16:51

I kɔrɔ-musi Samariyata hakɛ ma ke iletɛ rɔ. Ile kɛ-nya makisimirita atɛ ko pirr! Ni n ya i na-kelen-nyɔgɔ-musi kɛnu sanka ile nyɔgɔn ma, n ti fɛɛ yen wonu na.

Isikiyɛli 22:3

Nde, wo Tigi Mari kan kɛ latenbi Yerusalɛm soe wo ma ko a ara ala mɔgɛnu faga-siyamɛ-kɛ min kɛ kɛ la, ka a nyɛrɛ latinya bɛsi-kɔ-koe fɛ, ata wati ye nala.

Tɔn-Fɔɛ-Fila-Nyɔgɛ 12:31

Wo kana wota Mari Alla bato iko anu denu bi anuna bɛsɛnu kɔla nya min bawo anu bi layarabi-koe ladanna min ma di Mari ye. Hali anuna dannu kɛndɛ, anu bi anu mala sarakɛ la ka anu mintan gburr!