2 Mansɛnu 21:15 - ALLALA KUMƐ

¹⁵ Ni i ya a yen n bi kɛ mala, kebi anu benbanu bɔra Iyipiti nyamanɛ rɔ ka na yan, anu bi hakɛ kɛla n na tolon! Anu bara a ma, n bara diminya kosɛbɛ!”

2 Mansɛnu 21:15 ပူးပေါင်းရင်းမြစ်များ

2 Mansɛnu 21:14

Min bi tola anu niyi la, n si n yɛ firindi wonu ma ka anu kunyɛ don anu yogenu bolo. Anu yoge wonu si anu nɔ ka anu bolo-fan bɛɛ bi anu bolo.

2 Mansɛnu 21:16

Mansa Manasa ya a ma, Yuda mɔgɛnu bara hakɛ kɛ Mari la ka anu don bɛsi-kɔ-koe rɔ. Min sanɛ wo kuma, sɔn-yogoma sa mɔgɛ minnu na, mansɛ ya wonu mɔgɔ-siyaman faga ha wonu yele tugura a rɔ Yerusalɛm kilɛnu na iko gboron-gboronna-yi.

Aiseya 24:5

Duninya la ara tinya bawo mɔgɛnu bara Allata tɔnnu tinya ka ata habadan-sarama-kan boloka.

Yɛrɛmaya 15:4

A ko a si a ma, wole Yuda kɛnu si ma mɔgɔ-makawanɛ la duninya-mɔgɛ bɛɛ ye. Mari ko a si kɛ ma ka a tɛgɛ Yuda Mansa Hɛsakayala den Mansa Manasa sɔn ma Yerusalɛm soe burɔ.

Yɛrɛmaya 25:7

Kɔnɔ Mari nyɛrɛ ko wo ma wo tole masɔ a kin na! A ko wo ara a fonde magboya wola bɛsɛnu na, ado a ko wole le ya tɔrɔyɛ wo sanba wo nyɛrɛ ma.

Nimisa Koe 1:5

Yerusalɛm yogenu bara ma anu tiginu na. A bira-koe ma gbɛlɛya a yogenu bolo lefan! Mari ara ale Yerusalɛm tɔrɔ bawo a ara hakɛ dan-natenbi. A yogenu bara ala dan bɛɛ bira ka ta wonu na pon!

Isikiyɛli 20:13

Kɔnɔ hali n ke anu na wulɛ wo rɔ, anu ya n bɔrɔbɔ. Anu ya anu ban nna sereyanu birala ka anu kan-kɔ sɔ nna tɔnnu na, ado ni min ya wonu bira, wo tigi si siyimayɛ sɔrɔn. Anu ya Sulen-Tele lafɛya pɔ! Woletɔ n tabɛnnɛ nun ka nna diminyɛ mumɛ yira anu na wulɛ wo rɔ nyɔ alako anu wara-koe ni ka-a-la.

Isikiyɛli 20:21

“Kɔnɔ fonike wonu fanan sɛgira n bɔrɔbɔla tun. Anu ya nna tɔn anubɛ sereyanu tinya feu, ado ni min ya tɔn wonu bira, wo si siyimayɛ sɔrɔn. Wonu fanan ya nna Sulen-Tele wo bɔrɔbɔ. Woletɔ n tabɛnnɛ nun ka nna diminyɛ mumɛ yira anu na wulɛ wo rɔ nyɔ.

Isikiyɛli 20:30

Woletɔ i ni nde, wo Tigi Mari kan kɛ latenbi Isirɛla mɔgɛnu ma ko nfenna anu bi bɛsɛnu kɔla iko anu benbanu ya a ma nya min?

Isikiyɛli 20:4

“Ile hadama-dan, i rabɛnnɛ ka anu tɔrɔ-koe fɔ anu ye, wa? Nba, i raya de! Anu hɛnkili bila ka a tɛgɛ anu benbanu ya kisimiriya koe minnu ma.

Isikiyɛli 23:3

Anu dɔgɔ wati min Iyipiti nyamanɛ rɔ, anu ya kei-koe dabira ka ma yɛlannu na nyɔ. Keinu tolonta anu kinyɛ la nyɔ ka anu kin-sungbannu tadigin.

Daniyɛli 9:15

“E, ma Tigi Alla, i nara ila mɔgɛnu na ka bɔ Iyipiti nyamanɛ rɔ tumɛ min, i ya ita sɛnbɛ-makawanɛ yira anu na wulɔn. Ha bi, ma ye ma mirila ita kabana-ko-sɛnbɛ wo ma. Kɔnɔ hali wo, ma ara hakɛ kɛ ka karagbɛlɛyɛ sigi i la.

Tɔn-Fɔɛ-Fila-Nyɔgɛ 31:27

N ya anuna tolo-gbereyɛ anubɛ anuna murutiyɛ nya-lɔn. Anu bara murutiya Mari ma nde nyɛrɛ yala. N ba faga tumɛ min, anu si murutiya ka tenbi a fɔlɔtɛ fanan na.

Tɔn-Fɔɛ-Fila-Nyɔgɛ 31:29

N ya a lɔn ko n ba faga tumɛ min, Isirɛla mɔgɛnu si ma wunduyogenu na. Anu si anu ban nta karan kɛnu na. Kɔnɔ tɔ-a-la, anu si masiba-koenu sɔrɔn bawo anu ya Alla kuman-kan masɔsɔ. Woletɔ anu bara a ma, Mari fonde ara bɔ anu kuma dɔgɔma-ma-de!”

Tɔn-Fɔɛ-Fila-Nyɔgɛ 9:21

N ya wola fen-kɔsɔnɛ wo bi, wola ninki-danla muninyɛ, kɔni, ka a lakɛ tɛ rɔ. Wo kɔma, n ya a rakerikeri ka a ramɛsɛya ha a mara gbangban la. N ya a gbangban bi ka a rawuya yi rɔ min kunyɛ sɔnɛ kɔnkɛ wo ma. Yi wo yigira gbangban wo la pon!