2 Mansɛnu 20:3 - ALLALA KUMƐ

³ “E, Mari, i miri n ma. N ya ko-latelennɛ kɛ ka ita kumɛnu to anu gbɛ rɔ. N ya n taya ka i sako bɛɛ kɛ.” Ala matarali-kɛ wo ya a laban diyi kɛ ma a bolo.

2 Mansɛnu 20:3 ပူးပေါင်းရင်းမြစ်များ

Ko-Dabirɛnu 17:1

Burama sɔrɔn ya san bi-kɔnɔntɔ ani san kɔnɔntɔ (99) bɔ tumɛ min, Mari bɔra a ye gbɛ rɔ ka a fɔ a ye ko, “Alla Sɛnbɛ-Bɛɛ-Tigi le nde la. I telen n ye. I ni n sako kɛ.

Ko-Dabirɛnu 5:22

Mɛtusala sɔrɔn kɔma, Inɔki tora Allala kilɛ fɛ san kɛmɛ sawa. A sɛgira dan donu sɔrɔnna tun.

Ko-Dabirɛnu 5:24

Inɔki tora Allala kilɛ fɛ. A tununta yen! Wo mara bawo Alla tara a la a warɛ.

Ko-Dabirɛnu 8:1

Alla ma nyina Nowa anubɛ soge wonu ko minnu bi kulɔn wo rɔ nun. Alla ya fɔnyɔ latugu ka yi masagan.

1 Mansɛnu 11:4

San-siyaman tenbinɛ, musi wonu ya Mansa Silamɛni yisi tintan anuna bɛsɛnu bara la. A ma a telen ata Mari Alla ye iko a fa Mansa Dawuda duruta a mala nya min nun.

1 Mansɛnu 15:14

Hali Mansa Esa ma ban bɛsi-kɔ-tinɛ bɛɛ tinyana ata nyamanɛ wo rɔ kɔnɔ hali wo, ale ma bɔ Mari fɛ a siyi-tele-bɛɛ kɔrɔ.

1 Mansɛnu 2:4

Wo si a ma, Mari Alla ni a hɛnkili to lanyiri wo ko a ya min fɔ ndela ko la. A ya a fɔ nun ko ni n kegeyɛnu mara mɔgɔ-latelennɛnu na ale yala ka bila a fɛ anu yisi bɛɛ la, a ko nna mansaya-bɔn si to sɛnbɛ rɔ Isirɛla mɔgɛnu tɛma.

1 Mansɛnu 3:6

Mansa Silamɛni ya a fɔ Alla ye ko, “I ya keninteya-wɛ yira n fa Dawuda la bawo a mara mɔgɔ-nyimɛ anubɛ mɔgɔ-telennɛ la i yala. I wara den-kei di a ma min bara mansayɛ kɛ a gbɛ rɔ. Wo fanan bara a yira ko a di i ye.

1 Mansɛnu 8:23

A ya Alla matara, a ko, “E, Isirɛlata Mari Alla, i nyɔgɔn sa san-kole anubɛ dugu-kole rɔ! Mɔgɛ minnu bi tagamana ila kilɛ fɛ anu yisi gbɛnɛ la, i ye ila lanyiri latɔnbagayala anu ye ka ila keninteyɛ yira anu na.

1 Mansɛnu 8:61

Alamɛ wo sɔndɔmɛ gbɛra mata Mari Alla ye ka to ata tɔn bɛɛ birala iko wo ye a mala nya min kaka.”

1 Mansɛnu 9:4

Ni i tora telenbagayɛ rɔ ka nna kumɛ anubɛ nna tɔnnu bira iko i fa Dawuda taranta a mala nya min,

2 Mansɛnu 20:2

Mansa Hɛsakaya ya a tintan dandan la ka matarali kɛ. A ko,

2 Mansɛnu 20:4

Nɛbi Aiseya ya a warata-kilɛ bira. Yanni a ni tenbi mansɛla kata la, Mari ya a fɔ a ye ko,

2 Ko-Kɔrɔta-Karan 16:9

Mari ye duninya mumɛ bɛɛ kumafɛlɛnna, ado a si ata sɛnbɛ di ata mɔgɔ-latelennɛnu ma. Mansɛ, i wara yuwayɛ kɛ. Ka a bi bi ma ha tumɛ min di ale ye, kɛlɛ ti bɔ i kun ma mumɛ!”

Nihɛmaya 13:14

E, nta Alla, i fonde lamiri koe wo dama ma n bara minnu ma ita Bato-Bɔn anubɛ a wɔlɛla ko ma.

Nihɛmaya 13:22

Wo kɔma, n ya a fɔ Lifayinu ye ko anu ni anu nyɛrɛ sɛninya ka to tarɛ don-dɛnu makandanna alako Sulen-Tele ni to gbiliyɛ rɔ. E, Alla, i fonde lamiri n ma kɛ fananna ko la. I ni n tanka ka a tɛgɛ ita keninteya-wɛla ko ma.

Nihɛmaya 13:31

N ya sɔgɛ wara-koe rabɛn anu bi sarakɛnu mintanna minnu na alako sɔgɛ wo ni na a wati-bɛrɛ rɔ. Mɔgɛnu si na dɔn-fen-kun-fɔlɛnu na nya min, n ya wo bɛɛ rabɛn. E, nta Alla, i miri kɛ dama ma. I ni n barayi wonuna ko la.

Nihɛmaya 5:19

E, Alla, i yandi, n bara koe min bɛɛsi kɛ mɔgɛ kɛnu ye, a ma, n ni wo barayi sɔrɔn yarɔ.

Yobu 1:1

Kei do ye nyɔ nun min tɔgɔ Yobu. A siginɛ Yusi nyamanɛ rɔ. Mɔgɔ-nyimɛ le ale la min bi Alla gbiliyala, ado a telennɛ a ye. A ye a mala a fɛrɛma bawo a ma di a ye a ni ko-yogo wo ko-yogo ma.

Yobu 1:8

Mari ya a fɔ a ye tun ko, “I ya nna wɔli-kɛla Yobu yen nun? Mɔgɔ-nyimɛ le ale la, ado a telennɛ. A nyɔgɔn sa duninya rɔ. A ye n batola. A ye a mala a fɛrɛma alako a kana na ko-yogomɛ ma.”

Yobu 16:20

N diyana-mɔgɛnu bi n mayɛlɛnna. N ya-yi ye yigila Alla yala biribiri!

Yobu 4:6

I ya Alla bato, ado fɛɛ sa i la, woletɔ yili-madiyɛ anubɛ yigi ni taran i bolo kɛ rɔ.

Yaburi 102:9

Ta-gbangban le manɛ nna dɔn-fan la. N tenbi n minna, n ya-yi ye kɛla yi-lafɛ rɔ

Yaburi 119:26

N ban n nyɛrɛ fɛɛ-koe-bɛɛ rakaranna, i ya n denkun nna madiyalɛ rɔ. N karan i wara-koe ma.

Yaburi 119:49

I miri, i wara nde, ita wɔli-kɛlɛ yili-madiya min kɛ. Yili-madiyɛ wo le ya a ma, n yigi sara i kuma.

Yaburi 145:18

Minnu bi a rakelela, a gbɛrɛnnɛ wonu denu ma, minnu bi a rakelela tonyɛ la, kɔni.

Yaburi 25:7

N bara hakɛ anubɛ ko-yogomɛ minnu kɛ nun nna denniya-wati rɔ, i ni n makoto wonu na. I ni i hɛnkili to n ko bawo ila mɔgɛnu di i ye, ado a di i ye, i ni ko-nyimɛnu kɛ anu ye.

Yaburi 26:1

N Mari, a ma, n ni yo sɔrɔn bawo n bi ko-latelennɛ kɛla, ado n lanɛ i la gben!

Yaburi 26:3

Ila keninteya-dannatɛgɛbɛlɛ le n kandannɛ la. Ila lanayɛ ye n yarɔ ka kilɛ yira n na.

Yaburi 32:2

Mɔgɔ-sewanɛ le wo tigi la Mari ma hakɛ yen min ma. Mɔgɔ-sewanɛ le wo tigi la yanfante ma min na.

Yaburi 39:13

I masɛgi n na alako n ni sewa tun. A ti mɛ tun, n si a fesakɔrɔ ka faga.

Yaburi 6:6

Nna kurɔn ara a ma, n na ara kɔyɔ. Su-wo-su, n si ki n ya-yi tɛma sofa rɔ hali nna kun-kɔrɔ-sɛ, wo si kimɛ n ya-yi bolo yɔgbɔ!

Yaburi 6:7

N yɛ bɛɛ ara yiri diyi-kɛ bolo. N yogenu bara a ma, n sa ko-ragbɛla tun.

Yaburi 89:47

N siyi-fɛ wuruyanɛ ye nya min, i fonde lamiri wo ma. Fenfen ma male, hadama-dannu na iko i ya ma ladan nya min.

Yaburi 89:50

E, n tigi, i ma a yen, anu bi nde, ila wɔli-kɛlɛ rasɛla nya min? N bi mɔgɛnuna fɛyɛ labirala n ma.

Aiseya 38:14

N kan ma ara dɔgɔya. N kan mani de iko kangbo-kan. N yɛ ara bandan san-mafɛlan la. Mari, i ni n kunyɛ bɔ tɔrɔyɛ kɛ rɔ.

Aiseya 63:11

Wo kɔma, ala mɔgɛnu hɛnkili na ara to bilala ko-tenbini-kɔrɛnu ko. Anu hɛnkili tugura Musa la. Anu ko, “Mari min ya mabɛ mala kun-tiginu natɛgɛ kɔgɔ-yi la, wo ye mintɔ? Min ya ata Ni-Sɛnimɛ layigi mala mɔgɔ-banu kuma, wo ye mintɔ?”

Yɛrɛmaya 4:2

Ni wo ya wo keli Mari kelan rɔ, wo kɔma ka lanyiri wo kanbali, sibole bɛɛ si duwɛ sɔrɔn wo lela ko la, ado anu si to ale Mari matɔgɔla ala ko-ladannɛnuna ko la.

Emɔsi 5:4

Nɛbi Emɔsi ya Mari kuman-kan latenbi Isirɛla mɔgɛnu ma ko, “Ni wole si wo gbɛrɛn ale Mari ma, wo si kisi.

Luka 1:6

Anu filɛ bɛɛ telennɛ Alla yala. Anu ya Marita tɔn anubɛ sereya bɛɛ bira a kila-bɛrɛbɛrɛ fɛ.

Yɔni 1:47

Yisa ya Nataniyɛli yen nala a wara tumɛ min, a ya kɛ fɔ ala ko la. A ko, “Ma benba Isirɛla bɔnsɔn mɔgɔ-bɛrɛ le ye nala kɛ la. A raduni ma hali doni!”

2 Kɔrɛnti 1:12

Ma wasinɛ minna ko la, wo le kɛ la. Ma sɔndɔmɛ ye ma sere la ko mala tagama-nya duninya kɛ rɔ, katarala wole wara la, ma ya wo bɛɛ kɛ Allala hinɛ le baraka rɔ. A ma kɛ mɔgɔya-hɛnkili fɛ. Alla le ya a ma, ma ma ko-wo-ko dogon wo ma. Ma ya tonyɛ fɔ ma sɔndɔmɛ bɛɛ la.

Hiburunu 5:7

Yisa ye dugu-kole kɛ kuma tumɛ min, Alla min si ke a kisila sayɛ ma, a ya wo madiya a kulu-mayɛlɛnɛ anubɛ diyi la a bolo. Alla ya a wɔlɔ matɔlɔ Yisa la bawo a ya a famayigi ka madiyali kɛ, ado a telenta.