2 Mansɛnu 20:19 - ALLALA KUMƐ

¹⁹ Mansa Hɛsakaya ya a lɔn kumɛ wo le ma ko ata wati si ma yisi-kimɛ anubɛ lafɛrɛ la. Woletɔ a ya a fɔ nɛbi wo ye ko, “I wara Marita kilayɛ min nakɛ n ma kɛ la, wo kin fasai!”

2 Mansɛnu 20:19 ပူးပေါင်းရင်းမြစ်များ

1 Mansɛnu 11:12

Kɔnɔ bawo ka a tɛgɛ i fa Dawudala ko ma, fananta i ye i kɛndɛ la, n ti mansayɛ kɛ bi i bolo, fɔ ila dan min bi sigila i gbɛ rɔ.

1 Mansɛnu 2:38

Simayi ya a fɔ mansɛ ye ko, “Mansɛ, i wara min fɔ kɛ la, wo kin. Iko i wara a fɔ n ye nya min, n si a ma wo nya.” Wo le ya a ma, Simayi ya wati-yan bɔ Yerusalɛm.

2 Mansɛnu 20:20

Mansa Hɛsakaya ya yi lɛngban ladan nya min wo, a ya kɔnkɛ punsɔgɔ, yi tenbira ka don soe burɔ nya min wo, anubɛ a ya kerinteyɛ min kɛ, wo bɛɛ sɛbɛnɛ Yuda Mansɛnuna Buku do rɔ.

2 Mansɛnu 22:20

A ti tɔrɔyɛ wo lana Yerusalɛm soe ma fɔ ale mansɛ wa faga tumɛ min. Mari ko a si a ma, ale mansɛ ni faga yisi-kimɛ rɔ.” Mɔgɛ wonu tara sarakanɛ wo lake Mansa Yosaya ma.

Ɛsita 9:30

A ya kɛdi wonu nata Yahudiyanu ma nyamani-kun kɛmɛ ani nyamani-kun mogan-ni-wɔrɔnfilɛ bɛɛ (127) rɔ. Min sanɛ kɛdi wonu tɔ ko alamɛ wonu ya latankɛ anubɛ yisi-kimɛ sɔrɔn.

Yobu 1:21

A ko, “N bolo-kolɔn le sɔrɔnta. N bolo-kolɔn le ye fagala. Mari min ya anu di n ma, Mari kelan wo le wara anu bi. N si ale Mari tanto!”

Yaburi 39:9

N si n tade don. N ti fenfen fɔ bawo ile nyɛrɛ le ya a ma, n ya tɔrɔya-sufa kɛ sɔrɔn.

Yɛrɛmaya 33:6

Kɔnɔ a ko a si Yerusalɛm soe dandan anubɛ ala mɔgɛnu ka anu nasɛgi anu gbɛ rɔ. A si yisi-kimɛ di anu ma duk, ka anu nakanan.

Nimisa Koe 3:22

Wo le iko Marita keninteya-dan-natɛgɛbɛlɛ anubɛ ata kinikinɛ min ti ban.

Nimisa Koe 3:39

Mari tenbi hadama-dan tɔrɔla a hakɛla ko la, nfenna a ye gbɛngbɛrɛnna?

Saraka-Masɔlɛnuta Tɔnnu 10:3

Wo kɔma, Mari ya min fɔ nun, Musa fanan ya Aruna hɛnkili labila wo la ko, “Ni mɔgɔ-wo-mɔgɔ ye wɔlila Alla ye, fɔ wo tigi ni Marita sɛninya-koe mara bawo Mari ya a fɔ ko a si ata fanka yira ata mɔgɛnu na.” Kɔnɔ Aruna ma fenfen fɔ.

Sakaraya 8:19

A ko wo ye sunyɛ min donna san karɛ nani, anubɛ karɛ loli, anubɛ karɛ wɔrɔnfilɛ anubɛ karɛ tan ma, wonu si ma wola ladiya-ladɛn-karɛnu na Yuda kɛnu ye. Kɔnɔ a ko fɔ tonyɛ anubɛ yisi-kimɛ ni diya wo ye.

Luka 2:10

Melika ya a fɔ anu ye ko, “Wo kana kilan! N bara na kibara-nyimɛ la wo ye, min si ma sewa-belebele la mɔgɛ bɛɛ ye.

Luka 2:14

“Gbiliyɛ ni ke Alla ye san-kole rɔ pon! Minnu ya Alla hɛnɛ, yisi-kimɛ ni to wonu fɛ!”

1 Samuwɛli 3:18

Mari ya koe min bɛɛsi fɔ a ye, Samuwɛli ya wonu fɔ a ye. A ma ko-wo-ko dogon a ma. Samuwɛli ban wo fɔla, Ilayi ya a fɔ ko, “Mari le ale la. Ko-wo-ko diyara ale ye, a si wo ma.”