2 Mansɛnu 20:14 - ALLALA KUMƐ

¹⁴ Nɛbi Aiseya tara ale mansɛ manyinika ko, “Sundan kɛnu bɔra mintɔ? Anu ya nfen fɔ i ye nun?” Mansa Hɛsakaya ko, “Anu bɔra fɔɔ Babilɔn nyamanɛ rɔ pon!”

2 Mansɛnu 20:14 ပူးပေါင်းရင်းမြစ်များ

2 Mansɛnu 20:13

Wonu ke Mansa Hɛsakaya ma, a ya wonu sɛnibɔ. Fen-kolomɛ min bɛɛ lamaranɛ ale Mansa Hɛsakaya bolo, a ya wonu yira sundan wonu na. Sɛnɛ wo, wodi-gbɛ wo, dɔn-fen ladiya-fan anubɛ fen-suma-diyamɛ wo, kɛlɛ-kɛ-miran minnu maranɛ a bolo wo, a ya wo bɛɛ yira sundan kɛnu na. Fenfen sa ala nyamanɛ wo rɔ a ma min yira sundan wonu na.

2 Mansɛnu 20:15

Nɛbi Aiseya ko, “Anu ya nfen yen ila bolɔn la nun?” Mansa Hɛsakaya ko, “Fenfen sa nyɔ anu ma min yen anu yɛ la. Nna bolonna-fen wo, nna fen-namara-tinata-fen wo, n ya wo bɛɛ yira anu na.”

Yaburi 141:5

Ni telenbagɛ ya n gbesi, a ye n dɛnbɛn-koe le tɔ. Ni a ya n makuma, wo mani de iko a ara tuli le don n yakɔrɛ ma, ado n ti n ban a bolo. N bi madiyali kɛla ko-yogoma-kɛlɛnu denu kan ma.

Hɛnkilimaya-Kumɛnu 25:12

Mɔgɛ min si sɔn a tole masɔla labila-kumɛ la hɛnkilimɛ bolo, kumɛ wo si kinya a ye iko sɛnɛ-foro-hakikɛ min bo sa a yala.

Aiseya 13:5

Anu bi bɔla nyamani-yan le tɔ pon! Mari si na nyamanɛ wo fi-koro-tiyi-kɛ ka a daga-koro-tiyi-kɛ ata fondo-bɔɛ la.

Isikiyɛli 23:23

Babilɔn kɛnu anubɛ Kaladiya kɛ minnu bɔra Pikɔdi wo, Sowa wo, anubɛ Kowa, anubɛ Asiriyanu, n si anu damasi ladɛn ila minɛ rɔ. Anu dama kɛlɛ-den-kunyɛnu anubɛ mɔgɔ-banu anubɛ so-laburila-kunyɛ minnu fonike, ado anu mafɛlɛn di.

Yilan-Yilan Koe 22:9

Alla nara a fɔ Nɛbi Belam ye ko, “Yon bi mɔgɛ kɛnu na minnu bi yiyala i warɛ kɛ la?”

Tɔn-Fɔɛ-Fila-Nyɔgɛ 28:49

“Mari si a ma, sibolo-gbɛrɛkɛ-mɔgɛnu si na wo tɛma ka bɔ wula-yan la pon, wo ti minnu kuman-kan lamɔɛn hali! Wonu si na kɛ wo ma iko bibinu.

Yasowa 9:6

Anu tara Isirɛla dagɛ rɔ Kiligali ka a fɔ Yasowa ye ko, “Ma bɔra nyamanɛ min tɔ, wo fɛ-yan alako wo ni lanyiri kiri ma ye ka a fɔ ko wo ti ma kɛlɛ.”

Yasowa 9:9

Anu ya a yabi ko, “Male bɔra nyamani-fɛ-yanyanɛ rɔ bawo ma ya a lamɔɛn wota Mari Alla ara min ma Iyipiti nyamanɛ rɔ.