2 Mansɛnu 20:13 - ALLALA KUMƐ

¹³ Wonu ke Mansa Hɛsakaya ma, a ya wonu sɛnibɔ. Fen-kolomɛ min bɛɛ lamaranɛ ale Mansa Hɛsakaya bolo, a ya wonu yira sundan wonu na. Sɛnɛ wo, wodi-gbɛ wo, dɔn-fen ladiya-fan anubɛ fen-suma-diyamɛ wo, kɛlɛ-kɛ-miran minnu maranɛ a bolo wo, a ya wo bɛɛ yira sundan kɛnu na. Fenfen sa ala nyamanɛ wo rɔ a ma min yira sundan wonu na.

2 Mansɛnu 20:13 ပူးပေါင်းရင်းမြစ်များ

1 Mansɛnu 10:10

Musu-mansɛ wo ya Mansa Silamɛni sanba kɛnɛ anubɛ dugu-kɔrɔ-nɔnfuli siyaman na. Wo kɔma, a ya sɛnɛ min di a ma, wo gbiliyɛ anubɛ fui-fan bɔrɔ bi-wɔrɛ rakɛn de! Ale Siba musu-mansɛ wo nara kɛnɛ min nyɔgɛ la mansɛ ye, mɔgɔ-wo-mɔgɔ ma ke nala wo nyɔgɛ la tun.

1 Mansɛnu 10:2

A nara a gba-fɛ-bilala-siyaman na. Wo kɔma, a ya kɛnɛ-dunɛnu anubɛ sɛnɛ-dunɛnu anubɛ dugu-kɔrɔ-nɔnfulu siyaman-dunɛnu kiri nyomɛnu kɔ tɛma. Ale musu-mansɛ ya Mansa Silamɛni taran min kɛ Yerusalɛm soe burɔ, a ara a miri nyinikalɛ min bɛɛ ma, a ya mansɛ manyinika wonu ma.

1 Mansɛnu 10:25

San-bo-san, min ba wuli tala bɔla a wara, wo si a sanba. Donu si ta wodi-gbɛ la, donu si ta sɛnɛ la, donu fanan si ta duruku-ba la, donu si ta kɛlɛ-kɛ-fan la, donu si ta kɛnɛ la, donu si ta soeenu na, donu si ta sofɛlɛnu na anu bolo.

2 Mansɛnu 20:14

Nɛbi Aiseya tara ale mansɛ manyinika ko, “Sundan kɛnu bɔra mintɔ? Anu ya nfen fɔ i ye nun?” Mansa Hɛsakaya ko, “Anu bɔra fɔɔ Babilɔn nyamanɛ rɔ pon!”

2 Mansɛnu 20:15

Nɛbi Aiseya ko, “Anu ya nfen yen ila bolɔn la nun?” Mansa Hɛsakaya ko, “Fenfen sa nyɔ anu ma min yen anu yɛ la. Nna bolonna-fen wo, nna fen-namara-tinata-fen wo, n ya wo bɛɛ yira anu na.”

Yaburi 62:11

Tuma-wo-tuma, n bi a lamɔɛnna Alla bolo ko ale letan ye sɛnbɛ damasi la

Hɛnkilimaya-Kumɛnu 23:5

Ni i ya wo ma, ila wodi si gban i bole tɔ iko kokɛ si gban nya min ka ta a ye pon!

Makawandili Kumɛnu 7:20

Mɔgɔ-wo-mɔgɔ sa nyɔ min si to ko-telennɛ kɛla tuma-wo-tuma, tele-kelen-bɛrɛni, a ma sama.

Aiseya 39:2

Wonu ke Mansa Hɛsakaya ma, a ya wonu sɛnibɔ. Fen-kolomɛ min bɛɛ lamaranɛ ale Mansa Hɛsakaya bolo, a ya wonu yira sundan wonu na. Sɛnɛ wo, wodi-gbɛ wo, dɔn-fen-ladiya-fan anubɛ fen-suma-diyamɛ wo, anubɛ kɛlɛ-kɛ-miran minnu namaranɛ a bolo wo, a ya wo bɛɛ yira sundan kɛnu na. Fenfen sa ala nyamanɛ wo rɔ a ma min yira sundan wonu na.

Yɛrɛmaya 9:22

Mari ko n ni a fɔ wo ye ko furinu bolokanɛ ye tala iko ninki-nyɛ. Anu bolokanɛ ye tala gbɛ ma iko fui-fen-tɛgɛlɛ ye bolofɛ tola a kɔma nya min. A madɛnna fenfen ti taran.