6 Nɛbi Ilaya ya a fɔ Nɛbi Ilaisa ye tun ko, “To yan, Mari wara n nata Yorodan bɛ fɛ.” Kɔnɔ a ko, “N bara n keli wobɛ Mari-nimɛ ye, n ti to yan!” Wo le mara anuna tɛ la.
Iburayima ya a yabi ko, “Nba, nna den, Alla si ma makoe nyinya ka sagɛ labɔ min si ma ala saraka-mintantɛ la.” Anu mɔgɔ filɛ bɛɛ tora tala anu nyɔgɔn fɛ.
Anu tamatoe, Nɛbi Ilaya ya a fɔ Nɛbi Ilaisa ye ko, “To yan. Mari wara n nata Bɛtɛli soe burɔ.” Kɔnɔ Nɛbi Ilaisa ko, “N bara n keli wobɛ Mari-nimɛ ye, n ti to yan!” Wo le mara anu natɛ la Bɛtɛli.
Kɔnɔ Ruti ya a fɔ ko, “I kana n madiya i boloka-koe ma. I yandi, a ma, n ni ta i fɛ. I tara kan-bo-kan, nde fanan si ta i fɛ nyɔ. I ya i sigi kan-bo-kan, nde fanan si n sigi nyɔ. Ita mɔgɛnu si ma nta mɔgɛnu na. Ita Alla si ma nta Alla la.
Dawuda ya a fɔ a ye ko, “I fa ya a lɔn serr, ko n di i ye, ado a ya a lɔn fanan ko, ni a ya ko-sufa kɛ fɔ i ye, a si i yisi tɔrɔ i ma kosɛbɛ! N bara n keli i ye Mari Alla la, n bi lakira bonda-dɛ le la kɛ la.”