2 Mansɛnu 2:4 - ALLALA KUMƐ

⁴ Nɛbi Ilaya ya a fɔ Nɛbi Ilaisa ye tun ko, “To yan, Mari wara n nata Yɛrikɔ.” Kɔnɔ a ko, “N bara n keli wobɛ Mari-nimɛ ye, n ti to yan!” Wo le mara anuna tɛ la Yɛrikɔ.

2 Mansɛnu 2:4 ပူးပေါင်းရင်းမြစ်များ

1 Mansɛnu 16:34

Mansa Ehabu kɛ ye mansayɛ la tumɛ min, Hiyɛli min bɔra Bɛtɛli soe burɔ, wo tara Yɛrikɔ soe sɔ a kurɛ la tun. Yɛrikɔ soe sɔɛ dabirɛ, ale Hiyɛlila den-kei-sarɛ, Abairam, tɛgɛra a ma. A ya tarɛ-don-dɛ sɔ min kɛ, ala den-kei laban, Segubu, fanan tɛgɛra a ma. Wo bɛɛ mara iko Mari ya a fɔ Nunna den Yasowa ye nya min nun.

2 Mansɛnu 2:2

Anu tamatoe, Nɛbi Ilaya ya a fɔ Nɛbi Ilaisa ye ko, “To yan. Mari wara n nata Bɛtɛli soe burɔ.” Kɔnɔ Nɛbi Ilaisa ko, “N bara n keli wobɛ Mari-nimɛ ye, n ti to yan!” Wo le mara anu natɛ la Bɛtɛli.

2 Mansɛnu 4:30

Musi wo ya a fɔ Nɛbi Ilaisa ye ko, “N bara n keli Mari-nimɛ anubɛ ile ye ko n ti i to yan!” Wo le ya a ma, Nɛbi Ilaisa ya a lasɔ ka bila a fɛ.

Luka 19:1

Yisa donta Yɛrikɔ soe burɔ, a sɔgɛ ye a la, a ni tenbi nyɔ rɔ nun.

Kɛwɔlɛnu 11:23

A kera nyɔ tumɛ min, Alla ara ata duwɛ layigi ata mɔgɛnu kuma nya min, wo yen a bolo, a sewara. A ya anu dama makawandi ko anu ni lanayɛ kɛ ka telen Mari ye anu yisi bɛɛ la.

Kɛwɔlɛnu 2:42

Wonu tora karanna Yisata kilayɛnu fɛ ka ta-nyɔgɔnyɛ kɛ. Anu tora Marita kima dɔnna anu nyɔgɔn fɛ ka Alla matara.

Yasowa 6:1

Yɛrikɔ mɔgɛnu ya tarɛ dɛ latogon bawo anu kilannɛ Isirɛla mɔgɛnu na. Mɔgɔ-wo-mɔgɔ ma ke bɔla, mɔgɔ-wo-mɔgɔ ma ke donna.

Yasowa 6:26

Wo wati rɔ, Yasowa ya tɔn gbɛlɛya mɔgɛnu ye ko, “Mɔgɔ-wo-mɔgɔ wa soe kɛ sɔ a kurɛ la tun, wo tigi si to Marita dankɛ kɔrɔ. Mɔgɛ min ba soe kɛ tarɛ sɔɛ dabira, wo si foo ala den-kei fɔlɔtɛ la. Min ba tarɛ dɛ kɛ ladan, wola den laban si faga.”

Ruti 1:16

Kɔnɔ Ruti ya a fɔ ko, “I kana n madiya i boloka-koe ma. I yandi, a ma, n ni ta i fɛ. I tara kan-bo-kan, nde fanan si ta i fɛ nyɔ. I ya i sigi kan-bo-kan, nde fanan si n sigi nyɔ. Ita mɔgɛnu si ma nta mɔgɛnu na. Ita Alla si ma nta Alla la.

1 Samuwɛli 1:26

Hana ya a fɔ Ilayi ye ko, “N fa, i ya n lɔn tun? Nde le taranta Mari madiyala yan i dafɛ nun.