2 Mansɛnu 2:3 - ALLALA KUMƐ

³ Anu ke Bɛtɛli, nɛbi-karan-dan minnu bi nyɔ, wonu ya Nɛbi Ilaisa manyinika ko, “I ma a lɔn ko Mari si i karan-mɔgɔ bi i bolo bi, wa?” Nɛbi Ilaisa ko, “Ɔn, n ya a lɔn kɔnɔ a sɔgɔ sa n na, n ni n dɛ bila wo rɔ.”

2 Mansɛnu 2:3 ပူးပေါင်းရင်းမြစ်များ

1 Mansɛnu 18:4

Lunyɛ do, Yɛsɛbɛli ye Marita nɛbinu fagala tumɛ min, ale Hɔbadaya kɛ le ya nɛbi wonu mɔgɔ kɛmɛ bi ka anu dogon bi-loli bi-lolinyɛ ma farannu na. A tora anu de-nyinina nyɔnu tɔ.)

1 Mansɛnu 20:35

Nɛbi kelen ya a fɔ a ta-nyɔgɛ do ye nɛbinu tɛma ko, “N tɔntɔn” bawo Mari ara a fɔ a ye wo nya. Kɔnɔ a ta-nyɔgɛ wo ya a ban wo ma.

2 Mansɛnu 2:15

Yɛrikɔ nɛbi-karan-dan minnu yɛ bɛnnɛ anu ma nun, wonu ko, “Nɛbi Ilayata sɛnbɛ ye Nɛbi Ilaisa fɛ!” Anu tara a labɛn ka anu madu dugu ma a kɔrɔ.

2 Mansɛnu 2:5

Anu ke Yɛrikɔ, nɛbi-karan-dan minnu bi nyɔ, wonu ya Nɛbi Ilaisa manyinika ko, “I ma a lɔn ko Mari si i karan-mɔgɔ bi i bolo bi, wa?” Nɛbi Ilaisa ko, “Ɔn, n ya a lɔn kɔnɔ a sɔgɔ sa n na, n ni n dɛ bila wo rɔ.”

2 Mansɛnu 2:7

Nɛbi-karan-dan mɔgɔ bi-loli bilara Nɛbi Ilaya anubɛ Ilaisa fɛ ka ta Yorodan bɛ wara la. Anu ke nyɔ, anu ya anu sɔ Yorodan bɛ dafɛ kɔnɔ nɛbi-karan-dan mɔgɔ bi-loli wonu tora anu ma wulɛ la ka anu yɛ bɛn anu ma.

2 Mansɛnu 4:1

Nɛbi dola kɛɛ-musi nara Nɛbi Ilaisa wara ka a fɔ a ye ko, “N fa, n nara i wara le. Nna kei ara faga. I ya a lɔn ko mɔgɛ le wo la nun min bi Alla gbiliyala. Kɔnɔ yaga, mɔgɛ dola yili ye a la nun. Yilima-tigi wo ye nala le nna den filɛ bi tinɛ ka ta anu ma yɔɔn la nna keila yili wola ko la.”

2 Mansɛnu 4:38

Wati do kera, kɔnkɔ-fitinɛ donta Isirɛla nyamanɛ rɔ. Wo ya a taran, Nɛbi Ilaisa ara sɛgi Kiligali, a ye nɛbinu karanna. A ya a fɔ ala wɔli-kɛlɛ ye ko a ni daga-belebele sigi tɛ rɔ alako a ni pɔrɛ do ladan.

2 Mansɛnu 5:22

Kɛhasi ya a fɔ a ye ko, “Ko ma ma. N tigi le ya n sɔ i wara ka a fɔ i ye ko nɛbi-karan-den fila ara na kaka ka bɔ Ifɛrɛm kɔnkɔ-nyamanɛ rɔ. I ni a madɛnbɛ wodi-gbɛ minna gbiliyɛ anubɛ fui-fan bɔrɔ-talɛ rakɛn anubɛ fɛrɛya-bɔ-hakika fila la.”

2 Mansɛnu 6:1

Lunyɛ do, Nɛbi Ilaisala karan-den donu nara anu masigima-koe fɔ a ye ko, “Mala bɔn radɔgɔ.

2 Mansɛnu 9:1

Wo kɔma, Nɛbi Ilaisa ya ala nɛbi-karan-dan do kele ka a fɔ a ye ko, “I rabɛn ta-koe ma. I ni tulu-barɛ kɛ bi ka ta Ramɔti-Kaliyadi soe burɔ.

Aiseya 8:18

Ale Mari ara dan minnu di n ma, mabɛ wonu bi yan. Mari Sɛnbɛ-Bɛɛ-Tigi min bi Yerusalɛm kɔnkɔ-sɛnimɛ kuma, wo le ya ma ma sarakani-sɛnimɛ la Isirɛla mɔgɛnu ye.

Emɔsi 7:14

Woletɔ Nɛbi Emɔsi ya a fɔ Saraka-Masɔla-Kun-Tigi-Wɛ Hamasa ye ko, “Wo nɛbi ma n na min bi nɛbiyɛ kɛla nɔnfulila ko la. Ki-fannu anubɛ kolo-fannu bi n bolo n barɛ.

Kɛwɔlɛnu 22:3

“Yahudiya le nde la. N sɔrɔnta Tarasa soe burɔ Salesiya nyamanɛ rɔ kɔnɔ n makolota n karan-mɔgɔ Kameliyɛ bolo Yerusalɛm yan karan-denyɛ la. N ya ma benbanuna tɔn lɔn a kila-bɛrɛbɛrɛ fɛ! N bara n nyɛrɛ di Allata wɔlɛ ma fasai iko wo dama ye nya min yan bi.

Tɔn-Fɔɛ-Fila-Nyɔgɛ 33:3

Marita mɔgɛnu di ale ye. A ye ata mɔgɛnu fɛ-birala. Woletɔ ma ye ma sala a tontɛ kɔrɔ ka a bato ka karan-tɔnɔnamɛ sɔrɔn ale bolo.

1 Samuwɛli 10:5

“Wo kɔma, i si ta kan tinɛ do rɔ anu bi min kelela ko Allata kɔnkɛ. Wo ye Kibiya soe burɔ le, Filisitinu si anu daga makɛ kan min. Yanni i ni don soe burɔ, i si bɛn nɛbi-kurɔn donu na. Anu bi saraka-mintan-tina-kɔnkɛ wo yigila. Anu bi sɔrɔnnu anubɛ dundunnɛnu fɔla. Anu bi fulinu fɛla ka bɔlɔnnu fanan fɔ. Nɛbi wonu bi dɔn anubɛ sɔnkɔ-sɔnkɛ kun na.

1 Samuwɛli 19:20

a ya mɔgɛ donu boloka ko wonu ni ta Dawuda bira nyɔ. Wonu bi kela nyɔ tumɛ min, anu ya a taran, Samuwɛli anubɛ ala karan-dannu bi dɔn-kɛ anubɛ wɔlɔyiya-kuma-fɔɛ kun na. Tiriyante wo rɔ, Marita sɛnbɛ yigira Mansa Sɔlita mɔgɛ wonu kuma, anu fanan donta dɔn-kɛ anubɛ wɔlɔyiya-kuma-fɔɛ rɔ.