2 Mansɛnu 2:24 - ALLALA KUMƐ

²⁴ Nɛbi Ilaisa ya a tintan ka a yɛ wuya a rɔ. Wo kɔma, a ya anu danka Mari tɔgɛ rɔ. Tiriyante wo rɔ, sogo-ferema fila bɔra anu burila firɛ rɔ ka na kemini-mɛsɛ mɔgɔ bi-nani ani mɔgɔ fila (42) mafarafara.

2 Mansɛnu 2:24 ပူးပေါင်းရင်းမြစ်များ

Ko-Dabirɛnu 9:25

A ya a fɔ wo rɔ ko, “Hamala den Kenan anubɛ a bɔnsɔn si ma dankatoenu na. Anu si ma yɔɔnnu na Sɛma anubɛ Yefɛti bɔnsɔnnu kɔrɔ.”

2 Samuwɛli 17:8

Bɛɛ ya a lɔn serr, ko i fa Dawuda anubɛ ala kɛlɛ-dannu tagbɛlɛ, ado anu fere iko kulu-yuwan. Ni mɔgɛ ya ala dannu bi, wo ya a lɔn wo si min ma. Wo ya a lɔn fanan ko kɛlɛ-kurugba-kɔrɛ le i fa la woletɔ anubɛ ala kɛlɛ-dannu ti ki kan-tina-kelen.

1 Mansɛnu 13:24

Wo sigira sofɛlɛ wo la ka kilɛ bira. A ye tala kilɛ la tumɛ min, yarɛ do ya a taran ka kɛ a ma. Wo ya a faga. A furi sanɛ tora kilɛ la. Yarɛ wonubɛ sofɛlɛ sɔnɛ a dafɛ.

1 Mansɛnu 19:17

Ni min ya a buri Hesiyɛli kɔrɔ, Yehu si wo faga. Ni min ya a buri Yehu kɔrɔ, Ilaisa si wo faga.

1 Mansɛnu 20:36

Ale nɛbi ya a fɔ a ta-nyɔgɛ wo ye ko, “Bawo i wara i ban n tɔntɔn-koe ma ka Marita kumɛ tinya, i tenbi i kian bɔla yan kawo, yarɛ ye i birala.” Wo bɔɛ nyɔ kawo, yarɛ ya a bira ka a faga.

2 Mansɛnu 2:25

Wo kɔma, Nɛbi Ilaisa tara Kamɛli kɔnkɛ kuma. Kɔnɔ tɔ-a-la, a bɔra nyɔ ka ta Samariya soe rɔ.

Bɔ-Koe-Iyipiti 20:5

wo si wo nyɛnkin min kɔrɔ ka a kɔ. Nde le wota Mari Alla la min sa nyinina a senɛ ma. Ni nde, Mari sɔgɔ labɔra mɔgɛ minnu na ka bɛsɛ kɔ, n si wonu tɔrɔ, hali anuna dannu anubɛ anuna mamanɛnu ha ka ta a sigi anu tolo-birɛnu na.

Hɛnkilimaya-Kumɛnu 17:12

Yanni i ni kun-takolɔn taran masiba-koe ladanna, a fisa, i ni yara-denbɛ taran minna dannu bara tunu a ma.

Hɛnkilimaya-Kumɛnu 19:29

Mɔgɛ min si to mɔgɛ mayɛlɛnna, tɔrɔyɛ ye wo makɔnɔna. Gbesili fanan bi kun-takolɔn makɔnɔna.

Hɛnkilimaya-Kumɛnu 28:15

Minnu kuma-kuma-fɔla sa, ni karagbɛlɛ mara mansɛ la wonu kuma, a si a lagbɛlɛya anu kuma iko yara-kɔnkɔtoe wa a labɔ sogenu ma.

Yɛrɛmaya 28:16

Woletɔ Mari ko a ti mɛ tun, a si i firan duninya ma. A ko bawo i wara a ma, mɔgɛnu bara anu kan-kɔ sɔ Mari la min kɛ, i si faga nyina san kɛ la.”

Nimisa Koe 3:65

Ko-yogomɛ sigi anu na alako anu yisi ni tinya pɔ!

Hoseya 13:8

N si kɛ wo ma iko sogo-ferema-yuwan, ala dan wa tunu a ma. A si wo buyi laka. A ye kɛla wo ma kan min, a ye wo dɔnna nyɔ le sa! N si wo rafarafara iko sogo-dalamɛ si a ma nya min.

Saraka-Masɔlɛnuta Tɔnnu 26:22

N si sogo-feremɛnu nana wo tɛma. Wonu si to wola dannu fagala. Anu si wola kolo-fannu kasara. N si wo madɔgɔya hali wola kila-kunyɛ na si kolonya fiyon!

Emɔsi 7:17

Nba, ile Saraka-Masɔla-Kun-Tigi-Wɛ Hamasa, i ni i tole masɔ Mari ye nala min fɔla i wara-koe rɔ. Mari ko ila musi si ma yɛlan la ka to yilan-yilanna keinu kuma. Ila dannu si to kɛlɛ rɔ. Wo yogenu si na wola nyamanɛ kɛ bi wo bolo ka a tala anu nyɔgɔn na. Anu si ta Isirɛla mɔgɛnu na ka anu ma yɔɔnnu na nyamani-gbɛrɛ rɔ. Ile Hamasa nyɛrɛ-nyɛrɛ si faga nyamani-gbɛrɛ rɔ.”

Maraka 11:14

Yisa ya a fɔ toro-kuri ye ko, “Mɔgɔ-wo-mɔgɔ ti i gbɔɛ dɔn tun!” Ala karan-dannu ya a kuman-kan wo lamɔɛn.

Maraka 11:21

Min kera nun, Pita ya a hɛnkili to wo ko. A ya a fɔ Yisa ye ko, “Karan-mɔgɔ, i ya toro-kuri min danka, wo mafɛlɛn, a la ara gbala feu!”

Kɛwɔlɛnu 5:5

Ananayasi ya wo lamɔɛn nkɛkuna, a buira. A niyi bɔra. Min bɛɛ ya wo lamɔɛn, wonu kilanta kati!

Kɛwɔlɛnu 5:9

Woletɔ Pita ya a fɔ a ye ko, “Nfenna wobɛ ila kei ya a latɛgɛ ko wo ni Marita Ni-Sɛnimɛ kɔrɔbɔ? Minnu tara ila kei togon, wonu bi dɛ la kaka. Anu si ta ile fanan na!”

Kɛwɔlɛnu 8:20

Kɔnɔ Pita ya a fɔ a ye ka a gbɛ ko, “I mirinɛ ko i si Allala kɔ-fan san wodi la min kɛ, wobɛ ila wodi ni halaki nyahanama rɔ!

2 Kɔrɛnti 10:6

Wo ni wota kuma-birɛ yira fɔlɔn, wo kɔma, ma si ma rabɛn ka kuma-birabɛlɛ-bɛɛ tɔrɔ!

Kɛlɛ-Kurugbɛnu 9:20

Kɔnɔ ni wo lara a la ko wo ma ko-nyima ma anu na, alamɛ tɛ bɔra Abimɛlɛki bolo ka Sɛkɛm anubɛ Bɛti-Melo so-burɔ-mɔgɛnu mintan gburr! Alamɛ tɛ bɔra sorɔ-mɔgɛ wonu bolo ka Abimɛlɛki fanan mintan gburr!”

Kɛlɛ-Kurugbɛnu 9:57

Alla ya a ma, Sɛkɛm mɔgɛnu ya tɔrɔyɛ sɔrɔn anuna wunduyogoyɛla ko la iko Kidiyɔnla den Yɔtam ya anu danka nya min.