2 Mansɛnu 2:23 - ALLALA KUMƐ

²³ Nɛbi Ilaisa bɔmatoe Yɛrikɔ ka ta Bɛtɛli, kemini-mɛsɛ donu bɔra soe ka a taran. Anu burunta a rasɛla. Anu ya a fɔ a ma ko, “Ile kun-gbana. Ile fanan, yɛlɛ san ma gbɛ!”

2 Mansɛnu 2:23 ပူးပေါင်းရင်းမြစ်များ

Ko-Dabirɛnu 21:9

Lunyɛ do, Iyipiti kɛ Hega ya dan min sɔrɔn Iburayima ma, Sira ya wo yen yɛlɛnna ala dan Isiyaka ma.

2 Mansɛnu 2:11

Anu tora anu matagamana ka kuma anu nyɔgɔn fɛ, tiriyante wo rɔ, soeenu anubɛ anuna kirindinu yigira ta-mɛlan la anu bolo ka anu fara. Wo kɔma, tɔnkɔlɔn wo yɛlɛta Nɛbi Ilaya la san ma.

2 Mansɛnu 2:2

Anu tamatoe, Nɛbi Ilaya ya a fɔ Nɛbi Ilaisa ye ko, “To yan. Mari wara n nata Bɛtɛli soe burɔ.” Kɔnɔ Nɛbi Ilaisa ko, “N bara n keli wobɛ Mari-nimɛ ye, n ti to yan!” Wo le mara anu natɛ la Bɛtɛli.

2 Mansɛnu 2:22

Ka a bi wo tele ma, yi wo mara a bɛrɛ la iko Nɛbi Ilaisa ya a fɔ nya min.

2 Ko-Kɔrɔta-Karan 36:16

Kɔnɔ hali wo, anu tora Allata kilayɛnu manyinina. Anu bi anu tengberenyala Marita kuma-lamɔɛn-koe ma ka ata nɛbinu mayɛlɛn. Kɔnɔ tɔ-a-la, Marita diminyɛ warata anu kuma ha anu bɔ-kunya ma sɔrɔn tun Marita diminya kɔrɔ.

Yobu 19:18

Dennɛnu ba n yen, anu ni nyima n tɔ anu si n mayɛlɛn n kɔma kilɛ la.

Yobu 30:1

Kɔnɔ kaka gbɛ, n kina minnu ko, wonu bi n tasɛla, ado fɔlɔ nun, hali wonu fanu ti ke nna wulinu dɛnbɛna nna sagɛnu kandanna.

Yaburi 31:17

Mari, n bi i rakelela. A ma, n kana na yarabi. Alamɛ karagbɛlɛnu yarabira. Alamɛ anu tara kaburu-madɛnni-dondon-bɛ rɔ.

Yaburi 31:18

Alamɛ tɔn sigira foninya-fɔlɛnuna kumɛ la. Nyɛrɛmankolɛ le anu na, ado anu wasira. Anu bi mɔgɔ-telennɛnu tasɛla.

Yaburi 35:15

Kɔnɔ tɔrɔyɛ ya n sɔrɔn wati min, anu dama nyagalenta. Anu ya a kinki n ma ka n mayɛlɛn. Mɔgɛ kɛnu ya n natɛrɛna ka kɛ n ma. Anu ya n kumakiri foninyɛ la.

Hɛnkilimaya-Kumɛnu 20:11

Dennɛ si lɔn a kɛ-nya ma, ni a latelenta.

Hɛnkilimaya-Kumɛnu 22:15

Kun-takolonyɛ ye dennɛ le bolo ma kɔnɔ ni i ya a lasanfan bosɛ la, a si kun-takolonyɛ wo boloka.

Hɛnkilimaya-Kumɛnu 22:6

Mɔgɛ ni ala dan kolo ka a bila kila-nyimɛ fɛ, a bɛnnɛ a ni to min fɛ. Ni i ya wo ma, a ti kila-nyimɛ wo boloka ha a si kɔrɔya.

Makawandili Kumɛnu 11:10

I kana hɔn fenfen na ka i nyɛrɛ makinikini bawo i sa nala tola fonikeyɛ wo rɔ.

Aiseya 1:4

Wole Isirɛla mɔgɛnu, hakɛ-tigi anubɛ ko-yogoma-kɛlɛnu le wole la. Gbalo ye wo kuma. Wola hakɛ ye tala wo lasɛgila wo kɔma. Wo ara wo ban Mari la, Isirɛlata Alla-sɛnimɛ, kɔni. Wo ara wo kan-kɔ sɔ a la.

Aiseya 3:5

Mɔgɛnu si to anu nyɔgɔn niyi ragbɛrɛnna. Kemini-mɛsɛnu si yo kinanu ma. Kuntannu si yo mɔgɔ-gbiliyanɛnu ma.

Yɛrɛmaya 20:7

Mari, i wara n bolo labira ha n ma ara yuwaya. I ragbɛlɛ n ko, ado i wara n nɔ. N bara ma yɛlɛnma-fan la. Bɛɛ ye n mayɛlɛnna tumɛ bɛɛ.

Yɛrɛmaya 20:8

N tenbi kumala mɔgɛnu ye fɔ n ba n kan mayɛlɛ. N bi karagbɛlɛyɛ anubɛ kasarɛ le dɔrɔn wara-koe fɔla. N bi ile Marita sarakanɛ le dɔrɔn nakɛla mɔgɛnu ma, ado wo le ye a mala, mɔgɛnu bi n mamɔɛnna wati bɛɛ.

Yɛrɛmaya 7:18

A ko n ni n yɛ lata wole, Yuda kɛnu kɛ-nya ma. Wola dannu tenbi nala sɔgɛ la, anu fanu bi tɛ ladɛnna wo la. Anu nanu bi dɛgɛ mintanna ka wo di bɛsɛ wo ma min tɔgɛ Arinyɛnɛ Musu-Mansɛ. Wo kɔma, anu bi minni-sarakɛnu bɔla bɛsɛ doinu ye. A ko wo ye wo damasi mala alako a fonde ni bɔ.

Hoseya 10:15

Wole Bɛtɛli kɛnu, n bi a mala wole fanan na wo nya na le ka a tɛgɛ wola karagbɛlɛya-yogomɛ ma. Kɛlɛ wo ye buila nya min wo, Isirɛla mansɛ wo ye fagala le.”

Hoseya 10:5

Sɛnɛ min nadannɛ ninki-danla muninyɛ la Bɛti-Efɛn soe burɔ, wole Samariya kɛnu bi kilanna ko anu kana na foo wo la. Wo yogenu ba sɛnɛ wo bɛɛ ka kɔlɔma-lɛsɛnɛ wo ma, bɛsɛ wo kɔlɛnu anubɛ a saraka-masɔlɛnu si na di bɛsɛ wola ko la bawo anu bara foo a la.

Hoseya 4:15

“Hali wole, Isirɛla mɔgɛnu ma telen n ye kɔnɔ Yuda mɔgɛnu kana anuta kɛ-nyanu bi. Wo kana batoli-kɛ Kiligali soe anubɛ Bɛti-Efɛn soe burɔ. Wo kana lanyiri kiri nyɔ nde, Mari-nimɛ tɔgɛ rɔ.

Saraka-Masɔlɛnuta Tɔnnu 13:40

“Ni mele bɔra kei do kunyɛ kɔma, ni wo ma, a yarɔ, wo ti a ma kei-sɛninyabɛlɛ la.

Emɔsi 3:14

Wo ni a fɔ anu ye ko Mari wa na anu tɔrɔ tinɛ tumɛ min anu hakɛla ko la, a si anuna saraka-mintan-tinɛ tinya min bi Bɛtɛli soe burɔ. A si anuna saraka-mintan-tinɛ bolon nanɛ keri, mɔgɛnu si anu dun min na anu niyi kisi-koe la.

Emɔsi 4:4

Allatala ko wole Isirɛla mɔgɛnu, ni a di wo ye, wo ni ta wola kan-tina-sɛnimɛ Bɛtɛli ka hakɛ kɛ iko a di wo ye nya min. A ko wo ni ta Kiligali fanan ka murutiya iko a di wo ye nya min. Wo si na wola sarakɛ minnu na san la, ni a di wo ye, wo ni to nala wonu na sɔgɔma-wo-sɔgɔma. Wo si na wola yaka min na san kɔrɔ iko sawa, ni a di wo ye fanan, wo ni na wonu na tele-sawa wo tele-sawa kɔrɔ.

Emɔsi 5:5

Mari ko wo kana ta Kiligali a bato tinɛ tun iko wo duruta a mala nya min nun fɔlɔfɔlɔ bawo nyɔ si ma don-dɛ la wo ye ka don yɔɔnyɛ rɔ. Wo kana ta Bɛtɛli soe fanan tɔ min tɔgɔ-kɔrɛ le ‘Marita Bɔn’ bawo nyɔ si ma nyinɛnuna bɔn la. Hali wo ma ta Biri-Siba ka Mari bato wula-yan la.

Emɔsi 7:13

I kana ila wɔlɔyiya-kumɛnu fɔ male warɛ Bɛtɛli soe kɛ burɔ yan tun. Mata mansɛ warɛ le yan na, ado a si Alla bato yan de fanan.”

Kalesiya 4:29

Wo wati rɔ, dan min ma sɔrɔn iko Allata lanyiri-latɛgɛnɛ ye nya min, a sɔrɔnta hadama-danta kilɛ le fɛ. Wo ya a lagbɛlɛya dan doi wo kuma min sɔrɔnta Allata Ni-Sɛnimɛ baraka rɔ, ado ha bi, a ye wo nya na le.

Hiburunu 11:36

Anu ya donu mayɛlɛn ka anu gbesi. Anu ya donu kiri yɔlɔkɛnu na ka anu sa yele la.