2 Mansɛnu 2:14 - ALLALA KUMƐ

¹⁴ Ale fanan ya duruki wo gbesi Yorodan bɛ wo la. A ko, “Nɛbi Ilayata Mari Alla ye mintɔ?” Wo kɔma, a ya duruki wo gbesi yi la tun. Yi farata filɛ la. A tenbira ka ta nɛbi-karan-dan mɔgɔ bi-lolɛ wonu bara la.

2 Mansɛnu 2:14 ပူးပေါင်းရင်းမြစ်များ

2 Mansɛnu 2:13

Wo kɔma, Nɛbi Ilaya yɛlɛmatoe, ala duruki wo bɔra a kan na ka bui. A ya wo bi ka na a la Yorodan bɛ dafɛ.

2 Mansɛnu 4:29

Nɛbi Ilaisa ya a tintan ala wɔli-kɛla Kɛhasi la ka a fɔ a ye ko, “I buri tala nna sewuri kɛ la. I kana kuma mɔgɔ-wo-mɔgɔ la kilɛ la. Ni mɔgɛ do kumara i la, i kana a yabi. Ta sekeke! I wa ke bɔn la, i ni nna sewuri kɛ sa furi wo yakɔrɛ kuma.”

Yaburi 115:2

Nfenna sibolo-gbɛrɛnu bi tola ma manyinikala ko, “Wota Alla ye mi?”

Yaburi 42:10

N yogenu bi n tasɛ min kɛla, wo ye n tɔrɔla ha ka don n kole la bawo anu bi tola n manyinikala ko, “Ita Alla ye mintɔ?”

Yaburi 42:2

Ile Alla-nimɛ sɔgɔ-bɛrɛbɛrɛ ye n na. N si ta i taran muntuma ka i bato?

Bɔ-Koe-Iyipiti 14:22

Isirɛla mɔgɛnu tenbira yi-farani filɛ wo tɛma kɛn-gbalanɛ wo kuma. Yi wo sankasankɛ layɛlɛta iko tarɛ, anu bolo-nyimɛ anubɛ anu maran rɔ.

Yɛrɛmaya 2:6

Hali a ya anu kunyɛ bɔ gbaran rɔ Iyipiti nyamanɛ rɔ ka wulɛ ratɛgɛ kasan, wo benbanu ma ale Mari tɔgɛ rakele mumɛ! A bɔra anu na kuru-gbɔgɔsa-gbagasa-nyamanɛ rɔ min tagbalanɛ todo! A bɔra anu na setani-nyamanɛ rɔ min tapinpinɛ. A tenbira anu na kan do mɔgɔ ti tagama kan min, ado mɔgɔ ti sigi nyɔ. Kɔnɔ wo bɛɛ rɔ, anu ma ale Mari tɔgɔ rakele muk!

Yowɛli 2:17

Wole saraka-masɔlɛ minnu bi wɔlila Mari ye saraka-mintan-tinɛ anubɛ Bato-Bɔn don-dɛ tɛma, wo di ka Alla matara. Wo ni a fɔ ko, “Mari, kinikini ila mɔgɛnu ma. I yandi, i kana sɔn, sibolo-gbɛrɛ-mɔgɛnu ni yɛlɛn ma ma ka a fɔ ko kɛnuta Alla ye mintɔ?”

Maraka 16:20

Karan-dannu tara kawandilɛ bɔ kan tinɛ bɛɛ rɔ. Mari taranta anu fɛ ka tamasere-sɛnbɛmɛnu di anu ma minnu si a mayira ko anuna kawandilɛ, tonyɛ le.]

Yɔni 14:12

“N bi tonyɛ fɔla wo ye, min ba dɛnkɛninya nde ma, n bi kɛwɔli minnu kɛla, wo tigi fanan si wonu kɛ, ado a si donu kɛ minnu kolo kɛnu ko bawo n bi tala n Fa Alla warɛ.

Kɛwɔlɛnu 2:33

A yɛlɛta ka sigi Alla kɔɛn-nyimɛ rɔ. A ya Allala Ni-Sɛnimɛ sɔrɔn iko a Fa Alla ya lanyiri kiri a ye nya min, ado Alla ara ata Ni-Sɛnimɛ wo labɔn ma kuma iko wo ye min yenna kaka ka a lamɔɛn nya min.

Kɛlɛ-Kurugbɛnu 6:13

Kidiyɔn ya a fɔ a ye ko, “Kɔnɔ n fa, ni Mari ye ma fɛ, nfen ya a to, tɔrɔyɛ kɛnu bi sigila ma la? N bi n mirila kabana-koenu ma Mari ya minnu ma iko ma benbanu bi anu takaranna ma ye nya min nun. Mari le ma na anu na ka bɔ Iyipiti nyamanɛ rɔ, wa? A manɛ iko a ara ma boloka ka ma don Midiyan kɛnu bolo.”