2 Mansɛnu 2:12 - ALLALA KUMƐ

¹² Nɛbi Ilaisa ya a yen yɛlɛla, a ya a rakele, a ko, “E, n fa! Ile Isirɛla latankalɛ! I wara ta!” Nɛbi Ilaisa ma a yen tun. Yisi-tinyɛ wola ko la, Nɛbi Ilaisa ya a kan-na-duruki rafara filɛ la.

2 Mansɛnu 2:12 ပူးပေါင်းရင်းမြစ်များ

Ko-Dabirɛnu 37:34

Yakoba ya ala duruki rafara a kan na mɔninyɛ bolo ka kasa-kurɛ don a kan na. A mɛra ala dan dila.

Ko-Dabirɛnu 5:24

Inɔki tora Allala kilɛ fɛ. A tununta yen! Wo mara bawo Alla tara a la a warɛ.

2 Mansɛnu 13:14

Sa-kirayɛ do ya Nɛbi Ilaisa bira. Kirayɛ gbɛlɛyara tumɛ min, Isirɛla Mansa Yɛhowasi nara a kɔndɔn tinɛ. A ke nɛbi wo ma, a dira. A ko, “E, n fa, Isirɛla kandan-natugu-ragbɛlɛ le ile la.”

2 Mansɛnu 2:13

Wo kɔma, Nɛbi Ilaya yɛlɛmatoe, ala duruki wo bɔra a kan na ka bui. A ya wo bi ka na a la Yorodan bɛ dafɛ.

2 Mansɛnu 5:13

Ale Neyamanna wɔli-kɛlɛnu nara a fɔ a ye ko, “Ma tigi, ni nɛbi kɛ ya a lagbɛlɛya i kuma, fɔ i wa i nyɛrɛ don i kɔndɔfili-koe rɔ nun. Kɔnɔ a ara a fɔ i ye min kɛ dɔrɔn ko i ni ta i ku, i ni kɛndɛya, nfenna i ma sɔn wo ma?”

2 Mansɛnu 6:21

Isirɛla mansɛ ya Siriya kɛlɛ-dan wonu yen tumɛ min, a ya Nɛbi Ilaisa manyinika a ko, “N fa, n ni anu faga? N ni anu faga fasai?”

Yobu 22:30

Ni fɛɛ sa mɔgɛ min na, a si wo lakisi katarala min bi ko-latelennɛ kɛla.

Hɛnkilimaya-Kumɛnu 11:11

Mɔgɔ-telennɛ si ala soe munanfaga ka a lata yarɔ kɔnɔ karagbɛlɛnuta-kumɛ si a ma, soe ni tinya pɔ!

Hɛnkilimaya-Kumɛnu 30:4

Kɔnɔ mɔgɔ yon bara yɛlɛ Arinyɛni tɔ ka sɛgi tun? Mɔgɛ yon bara ke a bole lagburula fɔnyɔ ma? Mɔgɛ yon bara ke kɔgɔ-yi-mumɛ bɛɛsi kɛla ala duruki rɔ ka ala duruki lagburu a ma? Mɔgɛ yon bara dugu-kole dan sa? Mɔgɛ kɛ anubɛ ala dan tɔgɛ ye kama? Ni min ya wonu tɔgɔ lɔn, i ni anu tɔgɔ ratɛgɛ n ye.

Makawandili Kumɛnu 7:19

Hɛnkilimayɛ si koe min nyinya mɔgɔ kelen ma, kun-tigi tan ti ke wo nyɔgɔ-sufa mala so-kun kelan ye.

Aiseya 37:15

A donta madiyali-kɛ rɔ, a ko,

Aiseya 37:21

Wo kɔma, Nde, Nɛbi Aiseya ya kilayɛ lata Mansa Hɛsakaya ma n ko, “Mari ara ila madiyalɛ yabi.

Aiseya 37:4

Asiriya mansɛ ara ala kandɛ lana Alla-nimɛ masɔrɔn tinɛ. Alamɛ ita Mari Alla ya a masɔrɔn-kan wo lamɔɛn ka a masɔrɔnnɛ wo tɔrɔ. Woletɔ male Yakoba kegeya-toe minnu tonɛ, i ni Alla madiya ma ye.”

Maraka 16:19

Mari Yisa banta kumala anu ye tumɛ min, a layɛlɛta Arinyɛni tɔ ka a mayigi Alla kɔɛn-nyimɛ rɔ.

Luka 2:15

Melikanu bɔra anu fɛ tumɛ min ka sɛgi Arinyɛni tɔ, saga-fɛ-biralɛnu ya a fɔ anu nyɔgɔn ye ko, “Mari Alla ara min fɔ ma ye kɛ la, ma ta wona Bɛtalehɛm ka koe kɛ ragbɛ ma yɛ la.”

Luka 24:51

Nba, a ye duwala anu ye tumɛ min, a bɔra anu dafɛ. A layɛlɛta Arinyɛni tɔ.

Yɔni 3:13

Mɔgɔ-wo-mɔgɔ ma yɛlɛ wɛ Arinyɛni tɔ fɔlɔ, fɔ nde, Hadama-dan min yigira ka bɔ Arinyɛni tɔ.

Kɛwɔlɛnu 1:9

A ban kɛ fɔla tumɛ min, a yɛlɛta Arinyɛni tɔ anu yala. A tununta banda-finyɛ rɔ yen!

Kɛwɔlɛnu 27:24

Wo ya a fɔ n ye ko, ‘Pɔli, i kana kilan. A fɛrɛ sa fɔ i ni i sɔ Romu nyamanɛ kun-tigi-ba yakɔrɔ. I ta-nyɔgɛ bɛɛ min bi kulɔn kɛ rɔ, Alla ara anu bɛɛ niyi latanka ala nyimayɛ rɔ.’

2 Kɔrɛnti 5:2

Kɔnɔ ma ye kurunna fani-bɔn kɛnu tɔ kaka, ma bagbuyinu, kɔni. A sɔgɛ ye ma la ko ma fɛrɛ-bɔnku-kurɛ minnu bi Arinyɛni tɔ, wonu ni bila ma kan na iko duruki.

2 Kɔrɛnti 5:4

Ma tenbi duninya-fani-bɔn kɛ la, ma ye kurunna iko mɔgɛ tenbi dunu-belebele-wɛ kɔrɔ. Ma sa a fɛ, ma ni bɔ ma fɛrɛ-bɔnkɛ kɛnu tɔ fɔ ka Arinyɛnɛtɛ fanan bila ma kan na. Woletɔ ma fɛrɛ-bɔnku-fagamatoe kɛnu si yɛlɛma nimayɛ la.

Ɛfɛsa 4:8

Iko a sɛbɛnɛ nya min fɔlɔ-nun ko, “A yɛlɛta san ma tumɛ min, a tara mɔgɔ-biranɛnu na a bolo nyɔ. A ya kɔ-fan di mɔgɛnu ma.”

Lankɛnimayɛ 11:12

Wo kɔma, nɛbi filɛ wonu ya kuman-kan-ba lamɔɛn ka bɔ Arinyɛni tɔ. A ko, “Wo yɛlɛ yan tɔ!” Anu yogenu bi anu mafɛlan kun na tumɛ min, banda-finyɛ ya anu bi ka anu nayɛlɛ Arinyɛni tɔ.

Kɛlɛ-Kurugbɛnu 17:10

Maika ko, “Nba, to nde fɛ yan. Ile si ma n hɛnkili-kɔlɛ la ka saraka-masɔ-wɔlɛ kɛ n ye. San-bo-san, n si wodi-gbɛ-gbu tan di i ma anubɛ i fɛrɛya-bɔɛ anubɛ i beli-fan.”