2 Mansɛnu 2:11 - ALLALA KUMƐ

¹¹ Anu tora anu matagamana ka kuma anu nyɔgɔn fɛ, tiriyante wo rɔ, soeenu anubɛ anuna kirindinu yigira ta-mɛlan la anu bolo ka anu fara. Wo kɔma, tɔnkɔlɔn wo yɛlɛta Nɛbi Ilaya la san ma.

2 Mansɛnu 2:11 ပူးပေါင်းရင်းမြစ်များ

Ko-Dabirɛnu 5:24

Inɔki tora Allala kilɛ fɛ. A tununta yen! Wo mara bawo Alla tara a la a warɛ.

2 Mansɛnu 2:1

Nba, Nɛbi Ilayala bi-wati gbɛrɛnnɛ Marila tɔnkɔlɔn bolo ka ta a la san ma, wo ya a taran, Nɛbi Ilaya anubɛ Nɛbi Ilaisa bɔmatoe Kiligali soe burɔ.

2 Mansɛnu 6:17

Wo kɔma, a ya mataralɛ kɛ, a ko, “Mari, nta wɔli-kɛlɛ kɛ yɛ laka alako a ni fen yen kɛ.” Wo le ya a to, Mari ya a kan wo lamɔɛn. A ya a ma, Nɛbi Ilaisala wɔli-kɛlɛ wo yɛ lakara Allata kɛlɛ-dannu ma. Wɔli-kɛlɛ wo ya a yɛ lata kɔnkɛnu ma soela foolɛ rɔ. A ya soeenu anubɛ kirindinu yen ta-mɛlan la anu bolo kan tinɛ bɛɛ rɔ kɔnkɛ wonu ma.

Yaburi 68:17

N tigi ye bɔla Sinayi wulɛ rɔ ka ta a Bato-Bɔn la. A si na kirindi waga-yirika-siyaman na a bolo.

Habakuku 3:8

Mari, ila fondo-bɔɛ le ya a ma, i ya yinu gbesi a rɔ ka kɔgɔ-yi fara? I kɔrɔtɔnɛ anu ma, wa? Ade, i nara i mayiginɛ banda-finyɛnu kuma ka nɔlɛ di ila mɔgɛnu ma.

Sakaraya 3:8

Ile Yasowa min bi saraka-masɔla-kun-tigi-wayɛ la anubɛ i ta-nyɔgɔ-saraka-masɔlɛnu, wo ni wo tole masɔ. Ko-nyimɛ min bi nala mala yarɔ, wole le wo tamasere la. N si nta Mansa-yabɔnɛ lawuli worɔ, nta wɔli-kɛlɛ, kɔni.

Maraka 16:19

Mari Yisa banta kumala anu ye tumɛ min, a layɛlɛta Arinyɛni tɔ ka a mayigi Alla kɔɛn-nyimɛ rɔ.

Hiburunu 1:14

Niyi le melikanu na dɔrɔn. Anu bi wɔlila Alla le ye. A ya anu sɔ alako minnu bi nala kisila, anu ni to wonu dɛnbɛna.

Lankɛnimayɛ 11:12

Wo kɔma, nɛbi filɛ wonu ya kuman-kan-ba lamɔɛn ka bɔ Arinyɛni tɔ. A ko, “Wo yɛlɛ yan tɔ!” Anu yogenu bi anu mafɛlan kun na tumɛ min, banda-finyɛ ya anu bi ka anu nayɛlɛ Arinyɛni tɔ.