2 Mansɛnu 2:1 - ALLALA KUMƐ

¹ Nba, Nɛbi Ilayala bi-wati gbɛrɛnnɛ Marila tɔnkɔlɔn bolo ka ta a la san ma, wo ya a taran, Nɛbi Ilaya anubɛ Nɛbi Ilaisa bɔmatoe Kiligali soe burɔ.

2 Mansɛnu 2:1 ပူးပေါင်းရင်းမြစ်များ

Ko-Dabirɛnu 5:24

Inɔki tora Allala kilɛ fɛ. A tununta yen! Wo mara bawo Alla tara a la a warɛ.

1 Mansɛnu 18:12

N ba ta a fɔ a ye ko i ye yan tɔ, ni Allata Sɛnbɛ tara i la kan tinɛ do rɔ don? Ni a nara don, a ma i taran yan tɔ, a ti n faga? I miri de, kebi n dennɛ, n bi Mari batola a kila-bɛrɛbɛrɛ fɛ.

1 Mansɛnu 19:11

Mari ya a fɔ Nɛbi Ilaya ye ko, “Bɔ faran la. I ni i sɔ n yakɔrɔ kɔnkɛ kuma bawo n ba tenbi, i ni n mafɛlɛn.” Mari ya fɔn-belebele-wɛ lana. Kɔnkɛnu tafarata. Kurinu tatiira kɔnɔ Mari sa fɔnyɔ wo rɔ nun. Fɔnyɔ wo ratora min kɛ, dugi yɛrɛyɛrɛnta. Kɔnɔ Mari sa dugi yɛrɛyɛran wo rɔ nun.

1 Mansɛnu 19:4

Telen-gbɛn, Nɛbi Ilaya ye tagamana wulɛ rɔ. A ke kɔlɔma-kuru-wɛ do kɔrɔ, a sigira wo ninɛ la. A sɔgɔ labɔra a nyɛrɛ la. A ya Alla matara, a ko, “E, Mari, a la ara gbɛlɛya n kuma. N niyi bi kelenna! N ni ta n benbanu taran lakira.”

2 Mansɛnu 1:18

Mansa Ehasaya ya ko-gbɛrɛ minnu ma ala mansayɛ kɔrɔ, anu ya wonu sɛbɛ Isirɛla Mansɛnuna buku-gbɛrɛ rɔ.

2 Mansɛnu 2:11

Anu tora anu matagamana ka kuma anu nyɔgɔn fɛ, tiriyante wo rɔ, soeenu anubɛ anuna kirindinu yigira ta-mɛlan la anu bolo ka anu fara. Wo kɔma, tɔnkɔlɔn wo yɛlɛta Nɛbi Ilaya la san ma.

2 Mansɛnu 4:38

Wati do kera, kɔnkɔ-fitinɛ donta Isirɛla nyamanɛ rɔ. Wo ya a taran, Nɛbi Ilaisa ara sɛgi Kiligali, a ye nɛbinu karanna. A ya a fɔ ala wɔli-kɛlɛ ye ko a ni daga-belebele sigi tɛ rɔ alako a ni pɔrɛ do ladan.

Yobu 38:1

Kɛ bɛɛ tenbinɛ, Mari nyɛrɛ kumara Yobu ye fɔn-digidigi-wɛ rɔ.

Luka 9:51

Yisa-yɛlɛ-tumɛ Arinyɛni tɔ, wo gbɛrɛnta tumɛ min, a ya a latɛgɛ ko a ni ta Yerusalɛm.

Kɛwɔlɛnu 1:9

A ban kɛ fɔla tumɛ min, a yɛlɛta Arinyɛni tɔ anu yala. A tununta banda-finyɛ rɔ yen!

Hiburunu 11:5

Dɛnkɛninyɛ le ya a ma, Inɔki ma faga. Alla ya a layɛlɛ san ma, woletɔ mɔgɔ ma ke a yenna tun. A sɛbɛnɛ Allata kitabu rɔ ko yanni a ni yɛlɛ, Inɔki ya Alla hɛnɛ,

Yasowa 4:19

Kabana-koe kɛ bɛɛ mara anuta karɛ fɔlɛ, a tele tan ma. Karɛ wo tele tan nyɛrɛ ma, Isirɛla mɔgɛ bɛɛ ya Yorodan bɛ tɛgɛ. Anu ya anu daga makɛ kan min, anu ya wo tɔgɔ sa Kiligali, tele-yigi wara la Yɛrikɔ dafɛ.

Lankɛnimayɛ 11:12

Wo kɔma, nɛbi filɛ wonu ya kuman-kan-ba lamɔɛn ka bɔ Arinyɛni tɔ. A ko, “Wo yɛlɛ yan tɔ!” Anu yogenu bi anu mafɛlan kun na tumɛ min, banda-finyɛ ya anu bi ka anu nayɛlɛ Arinyɛni tɔ.