2 Mansɛnu 19:7 - ALLALA KUMƐ

⁷ Mari si a ma, Asiriya mansɛ ni kumɛ do lamɔɛn. Wo si a ma, anubɛ ala mɔgɛnu ni anu buri tala anuta nyamanɛ rɔ. Mari si a ma, ale mansɛ ni faga nyɔ rɔ.”

2 Mansɛnu 19:7 ပူးပေါင်းရင်းမြစ်များ

2 Mansɛnu 19:28

A ko a ara diminya min kɛ, Mari ara wo nya-yen. A ko a ara ala wasinteyɛ lɔn. Mari ko a si a sunyɛ sɔgɔ lunyɛ la ka karafɛ kɛ a dɛ ma ka a lasɛgi a gbere fɛ a bɔra kan min.”

2 Mansɛnu 19:33

Mari ko a nara gbere min fɛ, a ye sɛgila wo le fɛ. A ti a kunyɛ ladon soe kɛ burɔ.

2 Mansɛnu 7:6

Mari ya a ma, Siriyanu ya anu buri. Mari ya a ma anu na iko Siriya wonu bara kɛlɛ-den-siyamɛ anubɛ anuna kirindinu anubɛ anuna soeenu na-kan le lamɔɛn. Siriya wonu miri nun ko Isirɛla mansɛ ara Hɛti kɛlɛ-dannu anubɛ Iyipiti kɛlɛ-dannu masan anu kan ma.

2 Ko-Kɔrɔta-Karan 32:21

Mari le ya melika do sɔ min ya Asiriya kɛlɛ-den-kunyɛnu anubɛ kɛlɛ-dannu faga. Wo le ya a ma, Asiriya mansɛ wo yarabinɛ sɛgira ala nyamanɛ rɔ. Min tenbira wo la, lunyɛ do, Mansa Sɛnakaribu ye ala bɛsi-kɔ-tinɛ tumɛ min, ala den-kei donu ya a faga faan la.

Yobu 15:21

Kuman-kan-makilannɛnu si to a rakilanna. Ale miri wati min ma ko a latankanɛ, kankan si bui a ma.

Yobu 4:9

Alla wa anu fɛ, anu si halaki. Ni Alla fonde bɔra, anu si kasara.

Yaburi 11:6

Mari si tɛ anubɛ munku-gbɛ layigi karagbɛlɛnu kuma. A si anu tɔrɔ fɔn-kalamɛ la.

Yaburi 50:3

Mata Alla ye nala. A madeni sa nala de! Ta-belebele le ye a yarɔ. A ye banda-fin-fɔn-belebele tɛma.

Yaburi 94:23

I si anuna karagbɛlɛyɛ lasɛgi anu kɔgɔ rɔ. I si anu kasara ka a tɛgɛ anu hakɛla ko ma. Ile mata Mari Alla si anu nato dogbe!

Aiseya 11:4

A si bolo-kolɔnnu kiti telenbagayɛ la. A si mɔgɔ-tɔrɔnɛnu dɛnbɛn anu yoe wara-koe rɔ. A wa ban min yilikila, wonu si tɔrɔyɛ le sɔrɔn, ado a si wunduyogenu faga.

Yɛrɛmaya 49:14

Nde, Yɛrɛmaya ya a lamɔɛn Mari la ko a ara kilayɛ lata sibolenu ma ko anu ni anu kundɛn Idɔm kɛnu kɛlɛ-koe ma.

Yɛrɛmaya 51:1

Mari ko a ye fɔn-digidigi-wɛ latugula Babilɔn nyamanɛ anubɛ ala mɔgɛnu ma.

Yɛrɛmaya 51:46

Anu bi kumɛ minnu namɔɛnna, wonu kana anu nakilan. San-bo-san, anu si kuma-kurɛnu namɔɛn ka a bɛn kɛlɛ wara-koe ma. Mɔgɛnu bi a fɔla ko karagbɛlɛyɛ ye nyamanɛ donu tɔ. Mansɛ do ye mansɛ do kɛlɛla nyamanɛ donu tɔ.

Hɔbadaya 1:1

Mari Sɛnbɛ-Bɛɛ-Tigi ya kumɛ kɛ le fɔ nde, Nɛbi Hɔbadaya ye Idɔm nyamanita-mɔgɛnu wara-koela ko la. Mari ya mɔgɛ do sɔ ka kuma sibolo-siyamɛnu ye, ado ma ara kumɛ wo lamɔɛn. A ko, “Wo ni wo rabɛn ka ta bui Idɔm mɔgɛnu ma.”