2 Mansɛnu 19:31 - ALLALA KUMƐ

³¹ Mɔgɛnu si to anu niyi la Yerusalɛm soe burɔ nyɔ kɔnkɛ kuma bawo Mari ara ban a latɛgɛla wo nya na le.”

2 Mansɛnu 19:31 ပူးပေါင်းရင်းမြစ်များ

2 Mansɛnu 19:37

Lunyɛ do, Mansa Sɛnakaribu ye ala bɛsi Nisirɔki kɔ tinɛ tumɛ min, ala den fila Adamɛlɛki anubɛ Sarisa tara anu fa wo faga nyɔ. Wonu ya anu buri tala Ararati nyamanɛ rɔ. Ala dan do min tɔgɛ Isahadɔn, wo sigira a gbɛ rɔ.

2 Mansɛnu 19:4

Asiriya mansɛ ara ala kandɛ lana Alla-nimɛ masɔrɔn tinɛ. Alamɛ ita Mari Alla ya a masɔrɔn-kan wo lamɔɛn ka a masɔrɔnnɛ wo tɔrɔ. Woletɔ male Yakoba kegeya-toe minnu tonɛ, i ni Alla matara ma ye.”

Aiseya 10:12

Kɔnɔ Mari ko min di a ye, a wa ban wo sigila Yerusalɛm kɛnu ma, a ni to a ya-lamununna Asiriya mansɛ kɛ la ka a tɛgɛ ala nyɛrɛ-matɔgɛ anubɛ ala wasinteyɛ ma.

Aiseya 10:20

Wati ye nala, a Isirɛla mɔgɛ toe min bi tola wonu ti anu yigi sa nyamanɛ wo la min bara a raya anu kasara-koe ma. Wo wati le tɔ, anu si anu yigi sa Isirɛlata Mari Alla-sɛnimɛ rɔ.

Aiseya 10:22

Isirɛla mɔgɛnu siya iko kɛnkɛn kɔnɔ anu kolo-dande-nɛ le sɛgila dɔrɔn. Kasarɛ lamaranɛ bondɔn la Isirɛla mɔgɛnu ye, ado a bɛnta, anu ni a sɔrɔn de, yɔ!

Aiseya 37:32

Mɔgɛnu si to anu niyi la Yerusalɛm soe burɔ nyɔ kɔnkɛ kuma bawo Mari ara ban a latɛgɛla wo nya na le.”

Aiseya 59:17

Marita ko-nyimɛ le manɛ a nyɛrɛta duruku-ba la. Kisi-koe le manɛ ata fulɛ la. Tayili-sarɛ le manɛ a fɛrɛya-bɔɛ la. Kerinteyɛ le manɛ ala kan-makɛ-fan la.

Aiseya 63:15

Mari, i kolan layigi ma ma dugi ma. I tenbi ita sɛninya-tina-makawanɛ rɔ, i miri ma ma. Ita keninteya-belebele-wɛ ye mintɔ? Nfenna i ye ita keninteyɛ anubɛ ita kinikinɛ dogonna ma ma?

Aiseya 9:7

Ata mansaya-dan sa. Yisi-kimɛ le ye ata mansayɛ rɔ burubukai! A si mansayɛ kɛ a kebila Mansa Dawuda gbɛ rɔ. Ka a bi wo wati ma ha tumɛ min di Alla ye, ata mansaya-sɛnbɛ le tɔn-birɛ anubɛ telenbagayɛ la. Mari Sɛnbɛ-Bɛɛ-Tigi ara a wakila wo kɛ-koe ma.

Yɛrɛmaya 44:14

Wole Yuda mɔgɛ toe minnu nara sigi Iyipiti yan, wo siyaman ti wo buri ka to wo niyi la. A ko wo fenfen ti wo kɔ-sɛgi wola nyamani-diyamɛ rɔ tun fɔ kɛlɛ-kɔrɔ-burilɛ dori donu.

Isikiyɛli 20:9

Kɔnɔ n ya a bira n tɔ. Ni n ya wo ma nun, wo si ma nyɛrɛ-lafɛyɛ la n bolo sibolo-gbɛrɛnu yala bawo n bara ban a lagbɛla anu ye nun ko n si anu nabɔ Iyipiti.

Isikiyɛli 5:13

“Wo si nna yisi-bɔɛ sɛnbɛ-dan lɔn ha wo tɔrɔya-nya ni n hɛnɛ. Wo wa ma, wo ti tɛrɛna wo la ko nde, Mari le wara kuma. N yisi ara bɔ ka a tɛgɛ wola telenbɛlitayɛ ma.

Yowɛli 2:18

Wo wa ban tubila, Mari si a miri ala mɔgɛnuta nyamanɛ ma tun ka kinikini ala mɔgɛnu ma.

Sakaraya 1:14

Wo kɔma, Mari ya min fɔ, melika wo ko n ni wo rakaran wole, Isirɛla mɔgɛnu ye. A ko keninteya-belebele ye a bolo ata so-yabɔnɛ Yerusalɛmna ko la.

Yɔni 2:17

Ala karan-dannu ya anu yili to Allata kitabu ko bawo a sɛbɛnɛ ko, “E, Alla, ila bɔnla hɔn-koe ye n mintanna iko tɛ.”

Romu 11:5

Hali kaka, a ye wo nya na le. Anu dande le nyɔ Alla ara minnu yabɔ ka hina anu na.

Romu 9:27

Aiseya ya Isirɛla wara-koe sɛbɛ, a ko, “Hali Isirɛla mɔgɛnu siyayanɛ iko ba-kɛnkɛn, anu dande le dɔrɔn si kisi,