2 Mansɛnu 19:28 - ALLALA KUMƐ

²⁸ A ko a ara diminya min kɛ, Mari ara wo nya-yen. A ko a ara ala wasinteyɛ lɔn. Mari ko a si a sunyɛ sɔgɔ lunyɛ la ka karafɛ kɛ a dɛ ma ka a lasɛgi a gbere fɛ a bɔra kan min.”

2 Mansɛnu 19:28 ပူးပေါင်းရင်းမြစ်များ

2 Mansɛnu 19:33

Mari ko a nara gbere min fɛ, a ye sɛgila wo le fɛ. A ti a kunyɛ ladon soe kɛ burɔ.

2 Mansɛnu 19:7

Mari si a ma, Asiriya mansɛ ni kumɛ do lamɔɛn. Wo si a ma, anubɛ ala mɔgɛnu ni anu buri tala anuta nyamanɛ rɔ. Mari si a ma, ale mansɛ ni faga nyɔ rɔ.”

Yobu 41:13

Yon si ke a gbole bɔla a ma? Yon si ke a gbolo-gbɛlɛmɛ wo punsɔgɔla?

Yobu 41:2

I si ke dɛɛn dunna a sunyɛ la, ni wo ma, ka lunyɛ bila a gban rɔ, wa?

Yaburi 32:9

A kana ma kun-takolɔn la iko soee anubɛ sofɛlɛ, fɔ i wa karafɛ sa wo dɛ ma, a ni to tala i diyana-tinɛ.

Yaburi 46:6

Kɔnɔ sibolo-gbɛrɛ doinu, wonu bi kilanna kumakɔɛ bolo dɔgɔma-ma-de! Nyamanɛ doinu ta ye magala. Alla tenbi kumala iko san wa sɛrɛn, wo si a ma, dugi ni lee bandin!

Yaburi 65:7

Kɔgɔ-yi tugun-kan a rɔ, i si wo rade don! Hali sibolo-gbɛrɛnu kurun-kan, i si wo fanan tade don!

Yaburi 7:6

Mari, i lakɔɛnma. Ila fondo-labɔɛ yira n yogenu na. N yogenuna yisi-bɔɛ min kɛnɛ n kan ma, i ni tɔn sigi wo la. I ni tonyɛ di tonya-tigi ma.

Yaburi 74:23

Anu bi seren-serenna nya min, i kana nyina wo ko. I yogenu bi kuma-gbondanɛnu fɔla i ma tolon!

Yaburi 74:4

A lawɔyɔ-nya mafɛlɛn de i yogenu bolo i Bato-Bɔn la. Anu bi a fɔla ko anu bara nɔ-ko sɔrɔn. Anu ya anuna falafalɛnu layɛlɛ san ma min si a yira ma la ko anu bara nɔ-ko sɔrɔn ma ma.

Yaburi 83:2

I kolan lata i yogo-murutiyanɛnu ma. I ma di minnu ye, wonu wulinɛ i kan ma.

Aiseya 30:28

A si fɔn-digidigi-wɛ lana a yarɔ iko yi-fɛ min bi tala fan bɛɛ la. A si nyamanɛnu tafiran ka tɔn sigi anuta miriya-yogomɛnu na.

Isikiyɛli 19:9

Anu ya yɔlɔkɛ kɛ a ma ka a ladon sansan burɔ ka ta a don Babilɔn mansɛ bolo. Anu ya a sa yele la ka a kandan alako a bɔrɔndɔ-bɔrɔndɔ-kan wo ni ban Isirɛla kɔnkɛnu tɔ feufeu!

Isikiyɛli 29:4

N si lunyɛ bila a gban rɔ, yɛgɛnu ni tɔnsɔn a la. N si anubɛ yɛgɛ wonu nabɔ Nayɛli bɛ rɔ.

Isikiyɛli 35:13

N bara anu yen mankan tugula n makuma-tinɛ.”

Isikiyɛli 38:4

Mansɛ wola so-laburilɛ minnu makirinɛ wo, ala soeenu wo, wonu siya duk! Nɛgɛ-walan anubɛ faan ye ala kɛlɛ-dan wo bɛɛ bolo tɔ. N si ale mansɛ anubɛ ala kɛlɛ-dannu nabɔ anuna nyamanɛ rɔ. N si a kunyɛ bɔ a wara la ka lunyɛ bila a gbagasa-kole rɔ.

Emɔsi 4:2

Allatala-sɛnimɛ ya lanyiri kɛ kiri, a ko wati ye nala, wo yogenu si wo bira iko yungbun-kɛlɛ si yɛgɛ bira nya min ka a sa ala sole rɔ.

Luka 6:11

Nba, tɔn-karan-mɔgɛnu anubɛ Farisinu diminyara bɛrɛkɛ! Anu burunta a fɔla anu nyɔgɔn tɛma anu si min ma Yisa la.

Yɔni 15:18

“Ni wo gboyara dɛnkɛninyabɛlɛnu ye, wo ni wo yili to kɛ ko, nde le fɔlɔn gboyara anu ye.

Kɛwɔlɛnu 7:51

“Wole yisi-gbɛlɛnu! Wo yisi manɛ iko sibolo-gbɛrɛnutɛ. Wo tengberenyanɛ Allala kumɛ lamɔɛn-koe rɔ! Wo ye Allata Ni-Sɛnimɛ kɛlɛla tuma-wo-tuma iko wo benbanu ya a ma nya min!