2 Mansɛnu 19:21 - ALLALA KUMƐ

²¹ A ko Yerusalɛm kɛnu si tɛgɛ Asiriya Mansa Sɛnakaribu rɔ ka a bɔrɔbɔ.

2 Mansɛnu 19:21 ပူးပေါင်းရင်းမြစ်များ

Yobu 16:4

Ni n bi le iko wole ye nya min, n si ke kumala iko wole. N si n kunyɛ firifiri ka kuma-gbondanɛnu fɔ wole fanan ma.

Yaburi 109:25

Mɔgɛnu ba n yen, anu si yɛlɛn n ma. Minnu ba a labɔ n ma, wonu si anu kunyɛ firifiri.

Yaburi 137:8

Ile Babilɔn, ita gbalo ye nala. Mɔgɔ-sewanɛ le wo tigi la min bi ma tayili sarala ile Babilɔn na

Yaburi 44:14

I wara ma ma yɛlɛnma-fan la sibolo-gbɛrɛnu ye. Anu bi ma bɔrɔbɔla ka anu dɛ bogoya ma telen tɔ.

Yaburi 9:14

woletɔ n si ke sɔla mɔgɛ bɛɛ yakɔrɔ Yerusalɛm soe burɔ ka i matɔgɔ-koenu fɔ anu ye. N si sewa bawo i wara n nakisi.

Aiseya 1:8

Yerusalɛm kelen pe ara to sɔni iko soe min bi kurɔn rɔ a yogenu bolo. A latankabɛlɛ iko bɛndɛ min sɔnɛ sɛnɛ tɛma.

Aiseya 23:10

Wole Taya kɛnu, fɔ wo wa ma sɛni-salɛnu na iko Iyipiti kɛnu bi nya min bawo kulun-nasɔ-tina woo sa wola nyamanɛ rɔ tun.

Aiseya 23:12

Ile Saidon soe, ita sewɛ ara ban. Ila mɔgɛnu bi tɔrɛ rɔ. Hali anu ya anu buri tala Saiparasi yi-tɛma-dugi rɔ, anu kunyɛ ti bɔ gbaran rɔ.

Aiseya 47:1

Mari ko, “Babilɔn soe, bɔ ila mansaya-waganɛ rɔ. I ni i sigi gbangban rɔ di-kɛ-tinɛ. I mani de nun iko kɔɛn-kurɛ. So-karantan le ile la nun, kɛlɛ ma ke bɛ min tɔ. I yereyere ma tun iko fɔlɔ. I ye yɔɔnyɛ le la gbɛ!

Aiseya 47:5

Mari ko, “Ile Babilɔn, i radenɛ ni to pinpi rɔ. Nyamanɛnu ti i kele tun ko musu-mansɛ.”

Yɛrɛmaya 14:17

Mari ko nde, Yɛrɛmaya ni kɛ fɔ wole, Yuda kɛnu ye. Alamɛ n ya-denkɛ lafara n ya-yi la. N si to dila su-ni-tele. N si di wole, nna mɔgɛnuna ko la. Mari ara ban wo rafɛrɛnna nun. Wo matanbanta kosɛbɛ!

Yɛrɛmaya 18:13

Mari ko wole, Isirɛla mɔgɛnu bara ko-yogoma-belebele ladan min kɛ, n ni sibolo-gbɛrɛ-mɔgɛnu manyinika ni anu bara ko sufa kɛ lamɔɛn nun.

Yɛrɛmaya 31:4

A ko a si wole, a diyana-mɔgɛnu nasɔ kurɛ kɛ tun. Wo si wola wasanbɛ bi ka tolɔn buta a ma tun.

Yɛrɛmaya 46:11

Iyipiti kɛnu ni ta Kaliyadi anu dandan bɛsi-nyini-tinɛ. Bɛsɛ wo ti ko nyinya anu ma. Fenfen ti anu dandan.

Nimisa Koe 1:15

“N Tigi Mari ma nna kɛlɛ-kurugbɛnu lɔn fenfen na. A ya kɛlɛ-dan donu nana nta kemini-mɛsɛnu kan ma. Alla ara nna mɔgɛnu taburun sagbayi!

Nimisa Koe 2:13

N si ile Yerusalɛm soe sanka nfen ma? Mɔgɔ-wo-mɔgɔ sa nyɔ min tɔrɔnɛ iko ile. I ni-radiya-kuma sa n da rɔ mumɛ! Ita tɔrɔyɛ kolo iko kɔgɔ-yi kolo nya min. Yigi wo-yigi sa i bolo.

Nimisa Koe 2:15

Mɔgɛ min tenbi tenbila, wo ye a dɛ bosila a kɔrɔ Yerusalɛm soe ma. Min ba ke Yerusalɛm tinyanɛ ma, wo si a bole sa a dɛ la ka kawa. Anu bi a fɔla ko, “So-kinyɛ wo le ma kɛ la nun? Duninya sa anu diyala kɛ le la nun?”

Nimisa Koe 4:21

Wole, ma yoge Idɔm minnu siginɛ Yusi nyamanɛnu tɔ, wo ni wo yɛlɛn bawo a ti mɛ tun tɔn si sigi wola yɛlan wo la. Wota kasarɛ ye nala wo ma. Wola ko-yogomɛnu si bɔ gbɛ ma. Wo gbu-makolɔn si to miliyɛ bolo.

Emɔsi 5:2

“Hali wole Isirɛla mɔgɛnu tagbɛlɛ nun, wo ara bui kɛlɛ bolo fugbu, ado wo ti ke wo lasɔla tun. Wo bolokanɛ taranta wo halala-nyamanɛ kɛ rɔ, ado mɔgɛnuna ko ma taran wo wara-koe rɔ.

Maika 4:8

Hali wola Yerusalɛm soe kɛ si ma so-karantan la tun. Alla nyɛrɛ si taran wo tɛma ata Bon-Sɛnimɛ la kɔnkɔ-layan-bɛ wo kuma ka wo kun mafɛlɛn iko saga-fɛ-biralɛ si ala sagɛnu kumafɛlɛn nya min.

Sakaraya 9:9

Wole Yerusalɛm kɛnu, wo sewa. Yerusalɛm so-burɔ-mɔgɛnu, wo ni a lawɔyɔ sewɛ bolo. I ma wola mansɛ yen nala wo wara? A ara na nɔ-ko-sɔrɔn la a bolo. Kɔnɔ hali wo, a famayiginɛ ye nala. A siginɛ sofɛli-bulan la.

Matiyu 27:39

Mɔgɔ-tenbimatoenu ya anu kunyɛ radɔn Yisa ma ka a lafɛya.