2 Mansɛnu 19:13 - ALLALA KUMƐ

¹³ Hamati kɛnuna mansɛ ye mintɔ gbɛ? Arapadi kɛnuna mansɛ ye mintɔ gbɛ? Sifafeyim kɛnuna mansɛ ye mintɔ gbɛ? Hena kɛnuna mansɛ ye mintɔ gbɛ? Ifa kɛnuna mansɛ ye mintɔ gbɛ?”

2 Mansɛnu 19:13 ပူးပေါင်းရင်းမြစ်များ

2 Mansɛnu 17:24

So loli kɛnu, Babilɔn, Kuti, Ifa, Hamati, anubɛ Sifafeyim, Asiriya mansɛ ya ala nyamanita-mɔgɛ donu bi nyɔnu tɔ. A tara wonu to Samariya soenu tɔ Isirɛla nyamanɛ rɔ ka anu sɔ Isirɛla mɔgɛnu gbɛ rɔ. Asiriya mɔgɛ kɛnu ya Isirɛla so-kunbɛnu bi ka wonu ma anu halalɛ la.

2 Mansɛnu 18:33

Sibolo-gbɛrɛkɛ do ye nyɔ rɔ minnuna bɛsɛ ara anuna nyamanɛ kunka Asiriya mansɛ bolo, wa?

2 Mansɛnu 18:34

Mala mansɛ ko Hamati kɛnu anubɛ Arapadi kɛnuna bɛsɛnu bi mintɔ gbɛ? Sifafeyim kɛnu wo, Hena kɛnu wo, Ifa kɛnu wo, wonuna bɛsɛnu bi mintɔ? A ko bɛsɛ kɛ do kera Samariya soe kunkala, wa?

2 Ko-Kɔrɔta-Karan 8:3

Mansa Silamɛni tara bui Hamati anubɛ Soba sigisɔnnu ma ka nyɔnu bi.

Aiseya 11:11

Wo wati wa ke, Mari si ata sɛnbɛ lawɔli alako ata mɔgɛ minnu bi Asiriya anubɛ Iyipiti ni sɛgi anu barɛ tun. Iyipiti nyamanɛ dugu la wo, Sudan nyamanɛ wo, Ilam nyamanɛ wo, Babilɔniya nyamanɛ wo, Hamati nyamanɛ wo, kɔgɔ-yi-dafɛ-nyamanɛnu wo, yi-tɛma-nyamanɛnu tɔ wo, anu si na ka bɔ wo bɛɛ rɔ.

Yɛrɛmaya 39:5

Kɔnɔ Babilɔn kɛlɛ-dannu ya anu sagaran ka ale Mansa Sɛdɛkaya bira gbɛkole do ma Yɛrikɔ soe dafɛ. Anu tara a la Nɛbukanasa wara Ribila soe burɔ Hamati nyamanɛ rɔ. Nɛbukanasa ya a yiliki-koe latɛgɛ nyɔ le.

Yɛrɛmaya 49:23

Mari ya kɛ le fɔ Damasika kɛnuna ko rɔ. Hamati so-burɔ-mɔgɛnu wo, Arapadi so-burɔ-mɔgɛnu wo, wonu kun ma si kɔ ka a tɛgɛ anu bara yisi-tinya-kumɛ min namɔɛn. Hɔnya ye tugula anu kan ma iko gboron-gboronna-yi. Sulen sa anu ma.

Sakaraya 9:2

hali Hamati soe min bi Hadiraki wo dafɛ. Hali anu hɛnkili kolo nya-wo-nya, a si tɔrɔyɛ lana Taya anubɛ Saidon soenu ma fanan.

Yilan-Yilan Koe 13:21

Mɔgɔ-ba tan-ni-filɛ kɛnu bɔra Paran wulɛ rɔ ka ta Kenan nyamanɛ mafɛlɛn tumɛ min, anu ya Kenan nyamanɛ mafɛlɛn fɔlɔn Sini wulɛ rɔ dugula wara la. Anu tara a mafɛlɛnna dugula wara la ha Anaki bɔnsɔn-mɔgɛnu bi Hiburɔn soe burɔ kan min. Anu ya Anaki kebilɛ min taran nyɔ, wonu kunba, anu yan, anu sɛnbɛ kolo. Anuna kebila-kunyɛnu tɔgɛ le kɛnu na, Ahiman wo, Sɛsayi wo, Talamayi wo. (Hiburɔn soe kina Sowan soe ko min bi Iyipiti nyamanɛ rɔ, san wɔrɔnfila.) Anu tara Kenan nyamanɛ lakɔrɔsila fanan kantɔ ha Rihobu soe burɔ min bi Hamati kɔnkɔ-gbɛran wara la. Anu sɛgimatoe belenta nɔnbɔ-gbɔɛ tɔnsɔn kelen tɛgɛla ka wonu bi. Anu ya nɔnbɔ-tɔnsɔn min tɛgɛ, wo gbili. Ka a tɛgɛ ata gbiliyɛ ma, fɔ anu ba a kiri kɔlɔma ma. Mɔgɔ fila si kɔlɔma wo bi ka a sa anu kanban-kunyɛ ma. (Anu ya nɔnbɔ-gbo-tɔnsɔn wonu sɔrɔn fole min na, anu ya fole wo tɔgɔ sa Tɔnsɔn Fole.) Anu nara toro-gbɔɛ anubɛ kɔlɔma-gbɔɛ donu fanan na min tɔgɛ pamakarani.